Impadayag 12:9 - Lalang Hu Dios

⁹ Su dragun iyan su Yawà ha bunsalagan su anay daw tagngaranan ki Satanas ha iyan daan miglimbung hu alan ha kaet-etawan dini ta kalibutan. Aman saena daw sa mga ginsakupan din hinulug dini ta kalibutan.

Impadayag 12:9 ပူးပေါင်းရင်းမြစ်များ

Mateo 13:39

daw su kuntra ku ha migsawed ku lisu taena ha hilamunen iyan si Satanas. Sa tilegtay iyan sa katapusan hu panahun daw sa agpamanlegtay iyan sa mga balinsuguen hu Dios.

Mateo 24:24

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Mateo 25:41

“Dayun ikagiyan ku daan sa mga etaw ha dini dapit ta gibang ku, ‘Sinyu sa hinukuman en hu Dios, paman-awà kaw dini daw duun kaw hu hapuy ha harì en gayed agkapedengan ha intagana ki Satanas daw hu mga ginsakupan din.

Mateo 4:1

Inuwit si Jesus hu Balaan ha Ispiritu duun hu pinakabulung-bulung ha lugar ta daw masulayan hi Satanas.

Mateo 4:10

Ba si Jesus tuminubag, “Awà ka dini ta kanak, Satanas, ta sa lalang hu Dios nakasulat en ha tagyanaen, ‘Iyan dà sa Dios ha Magbabayà hu alan angayan ha simbahen daw alagaran.’”

Mateo 4:5

Dayun si Jesus dinuma hi Satanas duun hu kinatangkawan ha atep taena ha Timplu diyà ta Jerusalem

Mateo 4:8

Aman dinuma en paman si Jesus hi Satanas duun hu matangkaw tungkay ha bubungan daw ipaahà kandin sa kadagway hu alan ha mga ginharian ta kalibutan,

Lucas 10:18

Tuminubag si Jesus, “Naahà ku ha nahulug si Satanas iling hu kilat.

Lucas 13:16

Saini ha bahi ha kaliwat hi Abraham binakus hi Satanas seled hu sampulù en daw walu ha tuig, aman harì ba diay mahimu ha hukaden haini duun hu Aldaw hu Paghimlay?”

Lucas 22:3

Dayun si Judas ha tagngaranan daan ki Iscariote ha sabuwa duun ku sampulù daw daruwa ha mga tinun-an hi Jesus tinaguan hi Satanas.

Lucas 22:31

Si Simon Pedro inikagiyan hi Jesus, “Magpaliliman ka, Simon. Tinugutan en hu Dios si Satanas ha sulayen kaw kandin ta daw maahà ku iling dà ba hu ukap sa pagtuu nuy.

Lucas 8:12

Su binhì ha diyà dà nakatanà ta dalan iyan su mga etaw ha nakapaliman hu lalang hu Dios ba sagunà pakauma si Satanas daw agawen din sa napaliman dan ta daw harì sidan makatuu daw harì maluwas.

Juan 12:31

ha iyan en iman panahun ha sa Dios maghukum hu silut taena ha harì agtuu kanak, ta si Satanas ha iyan harì dini ta kalibutan madaeg.

Juan 14:30

Iyan dà haena ag-ikagiyen ku inyu ta madani en pakauma si Satanas sa tagharì hu mga etaw ha harì agtuu kanak. Labaw a dì kandin

Juan 16:11

Igtudlù din ha sa mga makasasalà silutan gayed hu Dios ta si Satanas sa tagharì hu harì agtuu kanak pighukuman en hu silut.

Juan 8:44

Sa amay nuy iyan si Satanas aman agkabayaan nuy agtumana sa kandin ha pagbayà. Sugud dà su anay talamunù en si Satanas. Hurà din labet hu kamatuuran daw pulus en bidù sa tagsubayen din. Iyan en kinaiya din sa biduen daw diyà agkapuun ta kandin sa alan ha mga bidù.

Mga Buhat 26:18

ta daw makaindan sidan dayun umawà sidan duun hu kasukileman daw dumuun sidan hu kapawaan. Ta ku umawà sidan duun hu pagbayà hi Satanas daw magpasakup sidan duun hu Dios pinaagi hu pagtuu dan kanak mapasaylu gayed sa mga salà dan daw mabuhat sidan ha mga etaw hu Dios.’

Mga Buhat 5:3

Ba minikagi si Pedro, “Ananias, tinaguan kad gayed hi Satanas aman pigbiduan nu sa Balaan ha Ispiritu. Imbà nu man alati su salapì ha halin hu bugtà?

Roma 16:18

ta sa mga etaw ha iling kandan kenà mga suluguen hi Cristo ha Ginuu ta iyan dan tagsunuren sa kandan ha agkabayaan. Pinaagi hu mga binulak-bulakan ha mga lalang dan daw hu pagpadalig-dalig aglimbungan dan sa laus dà agkabiduan.

Roma 16:20

Sa Dios ha iyan puunaan hu kalinaw buhaten din sa paagi ha laus nuy en madaeg si Satanas. Panalanginan kaw hi Cristo Jesus ha Ginuu taw.

2 Corinto 11:14

Ba harì taw haena igkabeleng ta bisan si Satanas tagpaahà ha bà su balinsuguen hu Dios.

2 Corinto 11:3

Ba kan ku mailing kaw ki Eva ha linimbungan hu bunsalagan na sa henà-henà nuy mahalin dà daw harì kaw dumayun magmatinumanen ki Cristo.

2 Corinto 12:7

Ta daw harì a mabuhat ha galbuwen mahitenged taena ha madagway gayed ha impadayag kanak tinugutan hu Dios si Satanas ha ilahan a hu dalu hu pagpaantus kanak.

2 Corinto 2:11

daw harì kuy madaeg hi Satanas ta natun-an taw en sa madaet ha tuyù din ngaay kanuy.

2 Corinto 4:4

Hurà sidan tuu ta tinambunan hi Satanas sa henà-henà dan ta daw harì sidan mailawan hu Maayad ha Tultulanen mahitenged hu pagkagamhanan hi Cristo sa iling hu Dios.

Efeso 4:14

Harì kuy en mailing hu mga batà ha tagkahalin-halin sa pagtuu dan pinaagi hu pagpaliliman dan hu harì tag-iling ha katudluanan hu mga etaw ha limbungan gayed.

2 Tesalonica 2:3

Harì kaw gayed palimbung hu bisan sin-u ta sa Aldaw hu Paghukum harì pa mauma ku harì mauna mahitabù sa pagsukul hu kaet-etawan daw humiwal haena sa tungkay labaw ha masinupaken ha etaw ha tinaganahan daan hu alantusen diyà ta Impirnu.

1 Timoteo 2:14

Sa bahi iyan una linimbungan hi Satanas daw iyan daan una ha nabuhat ha makasasalà.

2 Timoteo 3:13

ta sa mga madaet ha etaw daw sa limbungan mag-iseg gayed sa kadaet dan. Manlimbung sidan ba malimbungan daan sidan.

Hebreo 2:14

Tumenged ta sikuy sa mga batà hu Dios, etaw dà, si Jesus migpakaetaw daan ta daw mailing haena kanuy. Binuhat din haena ta daw mabaluy ha magpakamatay daw pinaagi taena madaeg din si Satanas sa iyan puunaan hu kamatayen,

1 Pedro 5:8

Magpugung kaw hu kaugalingen nuy daw magpangandam kaw ta sa kuntra nuy ha si Satanas taglibut-libut diyan ta inyu iling hu taghinigel ha liyun ta tagpan-ahà hu makagat din.

1 Juan 5:19

Natun-an taw en ha mga batà kuy hu Dios bisan ku tagharian pa hi Satanas sa kalibutan.

Judas 1:9

Ba bisan si Miguel sa kinatangkawan ha balinsuguen hu Dios su magsawalà sidan ki Satanas mahitenged hu lawa hi Moises hurà din tameyesa si Satanas ba bà din dà inikagiyi, “Iyan en sa Dios magbaldeng ikaw, Satanas.”

Impadayag 12:12

Aman sinyu sa tagtimà dini ta langit, magmalipayen kaw gayed. Ba sinyu sa diyan ta kalibutan daw ta dagat, kahid-u nuy gayed ta si Satanas nakalugnà en diyan ta inyu ha tungkay gayed agkapauk ta natun-an din ha mababà en sa kandin ha panahun.”

Impadayag 12:3

Nakahiwal daan sa lain ha belenganen diyà ta langit. Saena adagi tungkay ha dragun ha maligà daw pitu sa ulu din ha natukid hu kuruna daw sampulù daan sa mga sungay din.

Impadayag 12:7

Duun taena ha panahun amin gira diyà ta langit. Si Miguel ha balinsuguen hu Dios daw sa mga ginsakupan din migpakigsabà taena ha dragun. Saena ha dragun duma hu mga ginsakupan din suminukul

Impadayag 12:8

ba nadaeg sidan. Aman hurà en tuguti hu Dios ha makaisab pa sidan makadiyà ta langit.

Impadayag 13:14

Tumenged ku mga timaan ha impaahà din duun hu atubangan ku nauna ha mananap nalimbungan din sa mga tagtimà dini ta kalibutan. Sinugù din sa mga etaw ha magbuhat hu larawan ku nauna ha mananap ta daw masimba dan haena sa naadulan hu ispada ba hurà patay.

Impadayag 16:14

Saena ha mga busaw agkahimu dan sa pagpaahà hu mga belenganen daw sinaligan sidan hu pag-amul-amul hu alan ha mga harì daw kasundaluwan dan dini ta tibuuk ha kalibutan ta daw sabaen dan sa gamhanan ha Dios, ta iyan haena inandam ha aldaw hu adagi ha gira.

Impadayag 18:2

Migkulahì haena ha tagyanaen, “Nadaetan en gayed su bantugan ha banuwa ta Babilonia daw nabuhat en iman ha tagtimaan hu mga busaw, daw mga tagbis ha madaet daw mahugaw.

Impadayag 18:23

Hurà en daan duun ilaw hu sulù daw hurà en daan duun kaamulan. Ta su nanapì duun iyan bantugan dini ta kalibutan daw pinaagi hu pagkabarangan dan nalimbungan dan sa kaet-etawan.”

Impadayag 19:20

Ba nadakep su mananap daw su biduen ha prupita ha migpaahà hu mga belenganen duun hu atubangan din. Tumenged ku mga belenganen nalimbungan din su mga etaw ha naugsakan hu timaan taena ha mananap daw suminimba hu larawan din. Dayun saena ha mananap daw su biduen ha prupita inlambeg ha bubuhay duun hu linaw ha tagkalegdeg hu asupri.

Impadayag 2:13

Natun-an ku ha sa banuwa nuy tagharian en hi Satanas. Bisan pa taena migmatinumanen kaw kanak. Hurà kaw gayed endà hu pagtuu bisan su panahun ha hinimatayan diyan si Antipas sa matinumanen hu pagpanunultul taena ha mga lalang ku.

Impadayag 2:24

Ba sinyu sa duma ha mga tumutuu diyan ta Tiatira ha hurà makasunud hu madaet ha katudluanan daw hurà daan makatuen hu madalem kun ha katudluanan hi Satanas, hurà ku gayed igsugù inyu.

Impadayag 2:9

Natun-an ku sa malegen ha alantusen nuy iman daw sa pagkaamani nuy, ba sapian kaw gayed asem diyà ta langit. Natun-an ku daan ha tagtameyesen kaw hu mga tagpasibù-sibù ha mga Judio ba mga sakup diay sidan hi Satanas.

Impadayag 20:10

Dayun si Satanas sa iyan miglimbung kandan iglambeg duun ku tagkalegdeg ha linaw ha asupri ha duun daan inlambeg su mananap daw su biduen ha prupita. Diyà sidan mag-antus hu mga kasakitan aldaw daw ku daleman hu hurà din en gayed katapusan.

Impadayag 20:8

Dayun dumuun dà paman haena hu alan ha kaet-etawan dini ta tibuuk ha kalibutan hu paglimbung kandan. Su mga etaw ha tagngaranan ta Gog daw Magog amul-amulen hi Satanas ta agsabaen dan sa Dios. Sa kadakelen dan iling hu pantad ta dagat.

Impadayag 3:9

Su mga tagpasibù-sibù ha mga Judio ba mga sakup hi Satanas ipaluhud ku gayed duun hu atubangan nuy daw matun-an dan ha palanggà ku gayed inyu.

Impadayag 9:1

Dayun su ikalima ha balinsuguen hu Dios hiniyup din sa kandin ha trumpita. Naahà ku sa balinsuguen ha bà su bituen ha nakabulus diyà ta kalibutan. Saena inilahan hu yawi ha igpuwà ku bitu ha tungkay gayed madalem.

Impadayag 9:20

Ba sa mga etaw ha hurà patay pinaagi taena ha pasipala hurà dan gayed endai sa pagsimba hu mga busaw daw hu mga diyus-diyus ha binuhat dan hu bulawan, salapì, tumbaga, batu daw mga kayu, saena harì pakaindan, harì pakapaliman daw harì daan pakahipanaw.