Impadayag 12:5 - Lalang Hu Dios

⁵ Su ihimus-ag en haena sa batà na maama ha iyan tagharì duun hu alan ha mga nasud daw hurà en bul-ug makadaeg kandin ta malig-en gayed sa pagharì din. Sagunà haena nabatun diyà ta langit duun hu trunu hu Dios.

Impadayag 12:5 ပူးပေါင်းရင်းမြစ်များ

Mateo 1:25

ba hurà gayed bul-ug mag-ubay duun ku asawa din su hurà pa haena magbatà. Su mauma sa panahun ha magbatà en si Maria su batà pigngaranan dayun hi Jose ki Jesus.

Marcos 16:19

Su maiwas haena ikagiya hi Jesus luminigtu diyà ta langit daw pinuu duun hu kawanan hu Dios.

2 Corinto 12:2

Amin ku natun-an ha tumutuu ki Cristo saena sampulù en daw haepat ha tuig ha inuwit duun hu banuwa hu Dios diyà ta langit. Hurà ku katun-i ku iyan en ba sa lawa din daw ku bà din dà ba haena damugu ta iyan dà sa Dios nakatuen taena. Iyan dà natun-an ku ha saini ha etaw nakaduun hu madagway ha banuwa hu Dios.

2 Corinto 12:4

Napaliman din diyà sa kenà angayan ha ikagiyen hu etaw daw sa harì igtugut ha itultul.

Impadayag 11:12

Dayun napaliman ku daruwa sa madaging ha lageng diyà ta langit ha tagyanaen, “Latun kaw en dini.” Su tag-ahà pa kandan sa mga kuntra dan nabatun sidan diyà ta langit ha nabungkusan hu gabun.

Impadayag 12:13

Su mahulug en haena sa dragun dini ta kalibutan linasay din su bahi ha inay ku batà ha maama.

Impadayag 12:2

Saena tagbaliliten aman tag-agelè.

Impadayag 19:15

Saena ha taglupugen din taghiwal diyà ta bàbà din sa tungkay magalang ha ispada ha iyan aggamiten din hu pagdaeg taena ha kaet-etawan. Sa pagharì din malig-en gayed ta hurà en bul-ug makadaeg kandin. Ipaahà din kandan sa kapauk hu Dios ha gamhanan pinaagi hu paggunas din taena ha agsabà kandin iling hu kakemesi hu paras.