Impadayag 11:15 - Lalang Hu Dios

¹⁵ Su ikapitu ha balinsuguen hu Dios mighiyup hu kandin ha trumpita. Napaliman ku sa mga madaging ha lageng diyà ta langit ha tagyanaen, “Sa kagahem hu pagharì duun hu kaet-etawan kandin dà hu Dios ha Magbabayà day daw kandin daan hu Misiyas ha pinilì din ha magharì hu hinangturan.”

Impadayag 11:15 ပူးပေါင်းရင်းမြစ်များ

Mateo 24:31

Mapaliman sa lageng hu trumpita daw suguen ku sa mga balinsuguen hu Dios ha amulen dan sa mga pinilì ku ha dini agkangapuun ta tibuuk ha kalibutan.

Mateo 6:13

Ipadiyù kay ikaw hu panulay daw buligi kay ikaw ta daw harì kay madaeg hi Satanas.’

Lucas 1:33

daw sa pagharì din duun hu mga kaliwatan hi Jacob hurà din gayed katapusan.”

Lucas 15:10

Ikagiyen ku inyu ha adagi daan sa kalipay hu mga balinsuguen hu Dios tumenged hu sabuwa ha makasasalà ha maghinulsul.”

Lucas 15:6

Ku makaulì amulen din sa mga amigu daw sa mga silingan din daw ikagiyi sidan, ‘Magmalipayen kuy iman ta nalaag sa karniru ku ba naahà ku dà.’

Mga Buhat 4:26

Sa mga harì duun taini ha kalibutan tagpangandam en hu sabà daw sa mga agalen mig-amul-amul daan hu pagpakigsabà hu Dios daw taena ha pinilì din hu pagharì.’

Hebreo 1:8

Ba sa inikagi hu Dios duun hu Batà din iyan haini, “Sikaw sa Dios, hurà gayed katapusan hu pagharì nu daw sa pagkaharì nu matareng gayed.

Impadayag 10:7

hiyupen en taena ha ikapitu ha balinsuguen hu Dios su kandin ha trumpita daw tumanen en hu Dios sa inlilung su anay ha inikagi din duun hu mga prupita.”

Impadayag 12:10

Dayun napaliman ku sa madaging ha lageng diyà ta langit ha tagyanaen, “Iman nakauma en sa katumanan hu kaluwasan. Impaahà en hu Dios sa pagkagamhanan din hu pagharì daw sa kagahem hu Misiyas sa pinilì din ha magharì, ta si Satanas sa sigi dà tagsumbung duun hu Dios hu mga suled taw duun hu pagtuu aldaw daw ku daleman inabug en diyà ta langit.

Impadayag 15:4

Talahuren ka hu alan ha mga etaw daw dayeen sa pagkagamhanan nu ta iyan ka dà gayed balaan. Agsimbahen ka hu alan ha kaet-etawan ta naahà dan sa mga buhat nu ha matareng.”

Impadayag 16:17

Su ikapitu ha balinsuguen hu Dios hinudhud din daan su kandin ha yahung duun hu kalamag. Dayun napaliman ku sa madaging ha lageng ha napuun duun ku trunu diyà ta Timplu ha tagyanaen, “Napengahan en.”

Impadayag 17:14

Dayun sabaen dan su Nati ha Karniru, ba madaeg din sidan ta saena ha Nati iyan Magbabayà hu alan ha mga magbabayà daw Harì hu alan ha mga harì. Sa duma din iyan sa mga hinimu hu Dios ha tumutuu ha pinilì din daw matinumanen daan kandin.”

Impadayag 19:1

Su maiwas en haena napaliman ku diyà ta langit sa tungkay magulub ha nangulahì ha tagyanaen, “Dayeen gayed sa Dios ha iyan sa gamhanan daw bantugan ha Manluluwas.

Impadayag 19:6

Dayun napaliman ku sa iling hu mga etaw ha tungkay magulub daw iling hu dagulus hu kahulugan daw iling hu dagsang ha tagkulahì ha tagyanaen, “Dayeen sa Dios ha gamhanan daw Magbabayà hu alan ta iyan en tagharì.

Impadayag 20:4

Naahà ku daan sa mga trunu ha sa tagpipinuu duun pinan-ilahan hu katenged ha maghukum. Daw naahà ku pa gayed daan sa gimukud ku mga etaw ha pinamungulan tumenged hu pagpanunultul dan hu lalang hu Dios daw hu kamatuuran ha intudlù hi Jesus. Iyan haena sidan hurà simba ku mananap daw taena ha larawan din daw hurà daan kaugsaki sa mga tangad dan daw sa alima dan hu timaan taena ha mananap. Duun taena nangabanhaw sidan daw migharì duma ki Cristo hu nangkalibu ha tuig.

Impadayag 8:12

Su ikaepat ha balinsuguen hiniyup din sa kandin ha trumpita. Dayun napedengan sa ikatulu ha bahin hu siga hu aldaw, bulan daw hu mga bituen aman suminukilem sa ikatulu ha bahin hu daleman daw hu aldaw.

Impadayag 9:1

Dayun su ikalima ha balinsuguen hu Dios hiniyup din sa kandin ha trumpita. Naahà ku sa balinsuguen ha bà su bituen ha nakabulus diyà ta kalibutan. Saena inilahan hu yawi ha igpuwà ku bitu ha tungkay gayed madalem.

Impadayag 9:13

Su ikaenem ha balinsuguen hu Dios hiniyup din sa kandin ha trumpita. Dayun napaliman ku sa lageng ha napuun duun hu haepat ha suyuk ku bulawan ha halaran duun hu atubangan hu Dios.