Hebreo 9:1 - Lalang Hu Dios

¹ Duun ku daan ha kasabutan amin mga balaud mahitenged hu pagsimba daw kabuhata hu Tabirnakulu.

Hebreo 9:1 ပူးပေါင်းရင်းမြစ်များ

Lucas 1:6

Si Zacarias daw si Elizabeth inisip hu Dios ha matareng daw tinuman dan gayed sa alan ha Kasuguan hu Dios.

Roma 9:4

Sa mga Judio iyan mga kaliwatan hi Israel sa pinilì hu Dios ha mga etaw din daw binuhat din sidan ha mga batà din. Impaahà din kandan sa pagkagamhanan din daw amin dan mga kasabutan hu Dios daw inilahan din daan sidan hu Kasuguan. Hustu gayed sa kandan ha pagsimba daw nadawat dan pa sa madakel ha mga saad.

Colosas 2:8

Mag-andam kaw gayed ha harì kaw makabig hu bisan sin-u pinaagi hu limbung ha katudluanan ha hurà din pulus ha duun dà napuun hu kalibutanen ha tulumanen daw henà-henà. Kenà haena iyan kamatuuran ta hurà diyà kapuun ki Cristo.

Hebreo 8:13

Tumenged ta inikagi hu Dios ha amin bag-u ha kasabutan tagpasabut ha sa daan hurà din en pulus, daw natun-an taw ha sa hurà din en pulus agkahanaw dà.

Hebreo 8:2

Duun tag-alagad hu laus ha Tabirnakulu ha kenà binuhat hu etaw dà ba kandin gayed hu Dios.

Hebreo 8:7

Ku kenà pa ngaay kulang su daan na harì en ngaay ilisan pa hu bag-u.

Hebreo 9:24

Aman sa inhalad hi Cristo iyan gayed sa lawa din daw saena ha Tabirnakulu ha sineledan din kenà dini dà ta kalibutan ha binuhat hu etaw ba iyan gayed sa laus ha Tabirnakulu diyà ta langit. Iman iyan haena agpangatubang duun hu Dios para kanuy.