Hebreo 7:8 - Lalang Hu Dios

⁸ Sa mga sinaligan hu paghalad ha iyan agdawat hu ikasampulù agpatay dà, ba si Melchizedek sa inilahan hi Abraham hu ikasampulù bubuhay gihapun sumalà hu lalang hu Dios.

Hebreo 7:8 ပူးပေါင်းရင်းမြစ်များ

Juan 14:19

Harì en malugay harì ad maahà hu mga etaw ha hurà tuu kanak ba sinyu maahà a dà inyu. Tumenged ta sa kinabuhì ku hurà din katapusan amin nuy daan kinabuhì ha hurà din katapusan.

Juan 14:6

Tuminubag si Jesus, “Iyan a dalan daw kamatuuran daw iyan a kinabuhì. Hurà makaduun hu Amay ku ku kenà pinaagi kanak.

Hebreo 3:16

Sin-u man haena sa nakapaliman hu lalang hu Dios ba migmasinupaken? Iyan haena sa mga gin-apuan taw ha pig-agalenan hi Moises hu pag-awà diyà ta Ehipto.

Hebreo 5:6

Daw amin daan lalang hu Dios ha tagyanaen, “Sa pagkasinaligan nu hu paghalad hurà din gayed katapusan iling daan ki Melchizedek.”

Hebreo 7:23

Sa nangauna ha mga sinaligan hu paghalad madakel tungkay daw agpatay dà sidan aman kapag-ilisan.

Hebreo 7:7

Natun-an taw ha sa tagpanalangin labaw gayed dì hu agpanalanginan din.

Hebreo 7:9

Agkasabut taw daan ha bisan si Levi sa iyan tagdawat hu ikasampulù mig-ila daan hu ikasampulù pinaagi ki Abraham

Hebreo 9:27

Harì gayed malikayan ha sa etaw agpatay dayun aghukuman hu Dios.

Impadayag 1:18

Migpakamatay a su anay ba iman bubuhay ad en hu hinangturan daw iyan a sinaligan hu kamatayen daw amin ku kagahem diyà ta Kamatayan.