Hebreo 7:3 - Lalang Hu Dios

³ Sa kapuun hi Melchizedek hurà katun-i daw sa mahitenged hu kamatayen din. Iling hu Batà hu Dios ha hurà din puunaan daw sa pagkasinaligan din hu paghalad harì en agkatapus.

Hebreo 7:3 ပူးပေါင်းရင်းမြစ်များ

Mateo 4:3

Dayun si Jesus inubayan hu Manunulay daw ikagiyi, “Ku Batà ka hu Dios ikagiyi haini sa mga batu ha mabuhat ha supas.”

Hebreo 4:14

Pangesegan taw gayed sa pagtuu taw tumenged ta amin taw gamhanan daw tungkay labaw ha sinaligan duun hu atubangan hu Dios ha iyan si Jesus sa Batà din.

Hebreo 7:1

Saini si Melchizedek iyan harì ta Salem daw sinaligan haini hu paghalad duun hu Dios ha gamhanan daw Magbabayà hu alan. Su tag-ulì en si Abraham sa nakigsabà daw nadaeg din en sa mga harì, tinalagbù haen hi Melchizedek daw pigpanalanginan din.

Hebreo 7:17

Ta sa lalang hu Dios tagyanaen, “Sa pagkasinaligan nu hu paghalad hurà din gayed katapusan iling daan ki Melchizedek.”

Hebreo 7:2

Dayun inilahan hi Abraham hu ikasampulù ha bahin hu alan ha mga butang ha nangaagaw din. Sa kahulugan hu Melchizedek na Harì hu Katareng, daw tumenged ta harì daan haena ta Salem tagpasabut ha iyan Harì hu Kalinaw.

Hebreo 7:6

Ba saini si Melchizedek kenà kaliwat hi Levi ba tuminimù daan hu ikasampulù ha bahin taena ha mga butang hi Abraham daw pigpanalanginan din daan si Abraham sa sinaaran hu Dios.