Hebreo 2:3 - Lalang Hu Dios

³ in-inuwen taw man paglikay hu paghukum hu Dios ku bay-anan taw sa kamatuuran mahitenged hu mahinengdanen gayed ha kaluwasan? Sa nauna ha migpadayag taini ha kaluwasan iyan sa Ginuu dayun sa mga etaw ha nakapaliman kandin nanunultul dini ta kanuy.

Hebreo 2:3 ပူးပေါင်းရင်းမြစ်များ

Mateo 23:33

“Iling kaw gayed hu mga bunsalagan. In-inuwen nuy gid ha harì kaw makaagbul diyà ta Impirnu?

Mateo 4:17

Sugud taena ha panahun nanunultul si Jesus hu kagi din, “Hinulsuli sa mga salà nuy ta madani en sa pagharì hu Dios inyu.”

Marcos 1:14

Su maprisu en si Juan luminikù si Jesus diyà ta prubinsya ta Galilea daw migsangyaw hu Maayad ha Tultulanen ha napuun duun hu Dios

Lucas 1:69

Agsuguen din dini ta kanuy sa Manluluwas ha kaliwat hi David sa suluguen din

Lucas 24:19

Nanginginsà si Jesus, “Inu man diay sa nahitabù?” Saena inikagiyan dan, “Mahitenged ki Jesus ha taga-Nazareth sa sabuwa ha prupita daw tinuuwan hu mga etaw tumenged hu belenganen ha binuhat din daw hu mga pagtudlù din ha amin duun gahem.

Juan 15:27

Daw sinyu makapanistigus kaw en daan mahitenged kanak ta sugud dà su anay migduma-duma kuy en.

Mga Buhat 2:22

“Sinyu sa mga duma ku ha kaliwat hi Israel, palilimani nuy haini sa ag-ikagiyen ku ha si Jesus sa taga-Nazareth sinugù hu Dios. Sa timaan taena iyan sa pagkagamhanan din daw sa mga belenganen ha impabuhat kandin hu Dios. Natun-an nuy en haini ta nahitabù en diyan ta inyu.

Mga Buhat 4:12

Iyan dà si Jesus makaluwas hu kaet-etawan ta hurà en gayed lain ha Manluluwas ha sinugù hu Dios dini ta kalibutan.”

Roma 11:14

ta daw madasig daan sa mga duma ku ha Judio daw pinaagi taena maluwas daan sa duma kandan.

Roma 2:3

Sinyu sa tagbuhat daan hu binuhat taena ha taghukuman nuy, abi nuy ba gid ha harì kaw daan mahukuman hu Dios?

1 Corinto 1:21

Tinuyù hu Dios ha sa etaw harì makakilala kandin pinaagi hu kalibutanen dà ha kaalam, ta sa paagi din maluwas sa etaw ku agtuu taini ha tigsangyaw taw ha ag-isipen hu harì agtuu ha bà dà binuang.

1 Tesalonica 5:3

Duun taena mag-ikagi sa mga etaw, “Malinawen en iman sa pagtimà taw” ba tigkan makauma diyà ta kandan sa silut ha harì dan mapulaguyan iling hu bahi ha agbaliliten.

1 Timoteo 1:15

Saini ha mga lalang kasaligan gayed daw kinahanglan tuuwan hu kaet-etawan ha si Cristo Jesus duminini ta kalibutan pagluwas hu mga makasasalà. Iyan a gayed labaw hu alan ha makasasalà,

Tito 2:11

Impahà hu Dios kanuy sa grasya din ta daw mahimu ha maluwas sa alan ha kaet-etawan.

Hebreo 1:1

Su anay sa Dios mig-ikagi duun hu mga gin-apuan taw pinaagi hu mga prupita duun hu hurà mag-iiling ha mga paagi,

Hebreo 1:14

Sa mga balinsuguen bà dà sinugù hu Dios hu pagbulig taena ha agluwasen.

Hebreo 1:2

ba iman taini ha panahun mig-ikagi dini ta kanuy pinaagi hu Batà din. Pinaagi kandin tinanghagà hu Dios sa alan daw iyan daan haena tinaganahan din hu alan.

Hebreo 12:25

Mag-andam kaw gayed ha harì kaw makasupak hu lalang hu Dios. Ku sinilutan hu Dios sa mga etaw su anay tumenged ta hurà sidan magpaliliman ki Moises, labaw pa gayed sa igsilut kanuy hu Dios ku harì taw pagpalilimanan sa tag-ikagiyen din diyà ta langit.

Hebreo 4:1

Ba bisan pa taena hurà awaa hu Dios sa saad din ha amin mga etaw ha makaduun taena ha himlayà duma kandin. Aman magbantay kaw gayed ha hurà bisan sabuwa inyu ha harì makaduun taena ha himlayà.

Hebreo 4:11

Aman paniguruwan taw gayed sa pagduun taena ha himlayà daw magbantay kuy daan ha harì kuy mailing taena ha mga etaw su anay ha migmasinupaken.

Hebreo 5:9

Su madayag en sa pagkahimpit din nahimu haena ha Manluluwas ha iyan tag-ila hu kinabuhì ha hurà din katapusan duun hu alan ha matinumanen kandin,

Hebreo 9:28

Iling daan taena si Cristo kasabuwa dà magpakamatay hu pagpamalas hu salà hu kaet-etawan. Ku lumikù asem haena sa tuyù din kenà en iyan sa pag-uwit duun hu krus hu salà hu kaet-etawan ba iyan en sa katumanan hu kaluwasan taena ha tagsalap kandin.

1 Juan 1:1

Sa tigtultul day duun taini ha sulat iyan sa mahitenged ki Cristo Jesus ha tagngaranan hu Lalang ha pakaila hu kinabuhì. Saena duduun en su hurà pa tanghagaa sa kalibutan, daw su dini pa ta kalibutan naahà daw napaliman day en ta nakigduma-duma kanay.

Judas 1:17

Pinalanggà ku ha mga suled, harì nuy gayed aglipati sa inikagi inyu hu mga apustulis ha sinugù hi Cristo Jesus ha Ginuu taw

Impadayag 7:10

sa tagkulahì ha tagyanaen, “Sa Dios ha tagpinuu duun hu trunu daw sa Nati ha Karniru dayeen gayed ta naluwas kuy en kandan.”