Hebreo 13:7 - Lalang Hu Dios

⁷ Harì nuy aglipati haena sa mga agalen nuy ha iyan migtudlù inyu hu lalang hu Dios. Timan-i sa maayad ha kinaiya dan daw ilingi nuy sa pagtuu dan.

Hebreo 13:7 ပူးပေါင်းရင်းမြစ်များ

Mateo 24:45

“Sa suluguen ha kasaligan iyan ipagbayà hu agalen din hu pagpakaen taena ha mga duma din ha suluguen duun hu hustu ha panahun.

Lucas 12:42

Tuminubag si Jesus, “Sa suluguen ha kasaligan iyan ipagbayà hu agalen din hu pagpakaen taena ha mga duma din ha suluguen duun hu hustu ha panahun.

Lucas 5:1

Amin aldaw ha diyà si Jesus tagtiyadeg ta kilid taena ha Danaw ta Genesaret ha inamul-amulan hu madakel tungkay ha mga etaw ha agkabayà agpaliliman hu lalang hu Dios.

Lucas 8:11

“Iyan haini kahulugan taena ha pananglitan mahitenged hu namegas. Saena ha insawed ha binhì iyan sa lalang hu Dios.

Mga Buhat 13:46

Ba si Pablo daw si Bernabe hurà gayed kahaldek aman minikagi sidan, “Kinahanglan gayed ha sinyu sa mga Judio iyan kaw unahan tultulan hu lalang hu Dios. Ba tumenged ta hurà nuy dawata inisip nuy ha kenà kaw angayan hu kinabuhì ha hurà din katapusan. Aman agduun kay iman hu mga etaw ha kenà Judio

Mga Buhat 14:23

Su mapilì dan en sa mga agalen duun hu mga punduk hu tagkaamul-amul ha mga tumutuu diyà suminalang sidan hu pagkaen ta daw harì maelangan sa pag-ampù dan. Dayun insalig dan sidan duun hu Dios ha iyan pigtuuwan dan.

Mga Buhat 4:31

Su makapenga sidan mag-ampù nahuyung su balay ha pig-amul-amulan dan. Dayun inulinan sidan hu Balaan ha Ispiritu aman hurà dan en gayed kahaldek hu pagpanunultul hu lalang hu Dios.

Roma 10:17

Aman sa pagpakatuu hu etaw pinaagi gayed hu pagpaliliman din, daw sa napaliman din tumenged haena hu insangyaw ha Maayad ha Tultulanen mahitenged ki Cristo.

1 Corinto 10:13

Bisan inu sa pagsulay ha makauma diyan ta inyu harì kaw en taena mabag-uwan. Sa Dios agkasaligan gayed daw harì din itugut ha panulayen kaw labaw pa dì hu maantus nuy, ta ku sulayan kaw hu Dios iyan tag-ila inyu hu bis-ay hu pag-antus taena ta daw harì kaw makasalà.

1 Corinto 11:1

Aman ilingan a inyu iling ha inilingan ku daan si Cristo.

1 Corinto 4:16

Aman aghangyuen ku iman inyu ha mangiling-iling kaw kanak.

Filipos 3:17

Mga suled, dayunen nuy sa pagpangiling-iling kanak daw timan-i haena sa mga etaw ha sa pamatasan dan iling kanay.

1 Tesalonica 1:6

Aman inilingan kay inyu daw sa Ginuu ta bisan pa ku malegen sa mga alantusen ba dinawat nuy gayed ha malipayen sa Maayad ha Tultulanen pinaagi hu Balaan ha Ispiritu.

1 Tesalonica 2:13

Sigi day daan tagpasalamatan sa Dios ta su magsangyaw kay diyan hu lalang din dinawat nuy gayed haena kenà ta lalang dà hu etaw ba kandin gayed hu Dios, daw saena ha lalang hu Dios iyan pakapabis-ay sinyu sa nakatuu en.

2 Tesalonica 3:7

Natun-an nuy en ku inu sa agbuhaten ta daw mailingan kay inyu. Ta su diyan kay pa ta inyu hurà kay magpapugul

2 Tesalonica 3:9

Bisan en ku amin day katenged hu pagpanayù diyan ta inyu ba naniguru kay hu pagtrabahu ta daw mailingan nuy sa pamatasan day.

1 Timoteo 3:5

ta ku harì din agkauwit sa pamilya din iyan pa kan mauwit din sa tagkaamul-amul ha mga tumutuu.

Hebreo 13:17

Tumanen gayed sa mga agalen nuy daw tahura ta iyan sidan tag-alima inyu duun hu pagtuu daw iyan daan sidan agpanubag duun hu Dios ku pig-inu-inu dan sa katumana hu katengdanan dan. Magmatinumanen kaw kandan ta daw malipayen sidan duun hu buluhaten dan, ta ku harì kaw magtuman luyahan sidan daw sa mga buhat dan harì magpulus inyu.

Hebreo 13:24

Ipangamusta kay duun hu mga agalen nuy daw hu alan ha mga etaw hu Dios diyan. Agpangamusta inyu sa mga suled taw dini ta Italia.

Hebreo 6:12

Harì kaw magpapugul ba ilingan nuy haena sa mga etaw ha tagpailub hu pagtuu aman tumenged taena madawat dan sa insaad kandan hu Dios.

1 Pedro 4:11

Ku amin tag-ikagi kinahanglan ha mag-ikagi hu hustu ha lalang hu Dios. Ku amin tagbulig buhaten din haena pinaagi hu bis-ay ha in-ila kandin hu Dios ta daw duun hu alan ha mga buhat madayè gayed sa Dios pinaagi ki Cristo Jesus, ta iyan dà haena angayan ha madayè daw magharì duun hu hurà din en katapusan.

Impadayag 1:9

Iyan a si Juan ha suled nuy duun hu pagtuu daw iyan a daan duma nuy duun hu pagpailub hu mga malegen ha alantusen ta sabuwa kuy dà ha tagharian hi Jesus. Sinilutan a iman duun taini ha pulù ta Patmos tumenged hu pagsangyaw ku hu lalang hu Dios daw hu kamatuuran ha intudlù hi Jesus.

Impadayag 20:4

Naahà ku daan sa mga trunu ha sa tagpipinuu duun pinan-ilahan hu katenged ha maghukum. Daw naahà ku pa gayed daan sa gimukud ku mga etaw ha pinamungulan tumenged hu pagpanunultul dan hu lalang hu Dios daw hu kamatuuran ha intudlù hi Jesus. Iyan haena sidan hurà simba ku mananap daw taena ha larawan din daw hurà daan kaugsaki sa mga tangad dan daw sa alima dan hu timaan taena ha mananap. Duun taena nangabanhaw sidan daw migharì duma ki Cristo hu nangkalibu ha tuig.

Impadayag 6:9

Su maawà en hu Nati ha Karniru su ikalima ha timaan taena ha balasahen naahà ku duun hu sileb taena ha halaran sa mga gimukud hu mga etaw ha pinanhimatayan tumenged ta matinumanen sidan hu pagpanunultul hu lalang hu Dios.