Hebreo 12:3 - Lalang Hu Dios

³ Henhenaa nuy si Jesus sa mig-antus hu pagsupak kandin hu mga makasasalà ta daw harì kaw luyahan hu mga alantusen nuy.

Hebreo 12:3 ပူးပေါင်းရင်းမြစ်များ

Mateo 11:19

Siak sa Batà hu Etaw sa harì tagsalang hu pagkaen daw pag-inum kagi nuy paman, ‘Ahà kaw tayana ha agapan daw beleng-beleng, sa mga amigu din mga limbungan ha manunukut hu buhis daw mga masinupaken.’ Ba pinaagi hu maayad ha bunga hu mga buhat day napamatud-an ha hustu gayed sa mga paagi hu Dios.”

Mateo 12:24

Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”

Mateo 15:2

“Imbà supaka hu mga tinun-an nu sa tulumanen ha imbilin kanuy hu mga gin-apuan taw? Ta harì en sidan agpamangenaw ta alima dan ku agkaen.”

Mateo 21:23

Sumineled si Jesus diyà ta Timplu daw su tagpanudlù en duminiyà ta kandin sa mga labaw ha sinaligan hu paghalad daw sa mga magulang. Ininsaan dan haena, “Inu sa katenged nu daw sin-u sa mig-ila ikaw hu kagahem hu pagbuhat taena?”

Mateo 21:46

Aman nan-ahà sidan hu paagi ha madakep dan si Jesus, ba nahaldek sidan hu mga etaw ta si Jesus nakilala dan en ha prupita.

Mateo 22:15

Naman-awà su mga Parisiyu daw miglalang-lalang ku in-inuwen dan ta daw amin maikagi hi Jesus ha ikasumbung dan.

Lucas 14:1

Amin aldaw hu Sabadu ha su kumaen si Jesus duun hu balay ku nabantug ha Parisiyu pigbantayan hu mga etaw si Jesus.

Lucas 15:2

Ba sa mga Parisiyu daw sa mga manunudlù hu Kasuguan migtamudmud hu kagi dan, “Saini ha etawa nakigduma-duma hu mga makasasalà daw nakigsalu kandan.”

Lucas 16:14

Sa mga Parisiyu ha balimbayaen dan sa salapì bà dà migpatawahà su mapaliman dan haena sa inikagi hi Jesus.

Lucas 2:34

Dayun inampuan sidan hi Simeon daw ikagiyi si Maria, “Saini ha batà nu pinilì hu Dios daw iyan haini hinengdan ha sa kaliwatan hi Israel amin duun maluwas daw sa duma masilutan daan. Amin mga timaan ha saini sinugù hu Dios ba tameyesen hu madakel ha mga etaw

Lucas 5:21

Sa mga manunudlù hu Kasuguan daw sa mga Parisiyu nakahenà-henà, “Sin-u man haini sa tagtameyes hu Dios? Ta iyan dà gayed sa Dios makapasaylu hu salà.”

Juan 10:20

Madakel kandan sa tag-ikagi, “Agkalibeg en gayed hayana. Imbà kuy tagpaliliman kandin?”

Juan 18:22

Su maikagi haena hi Jesus sagunà pigsampayù hu sabuwa ha bantay daw ikagiyi, “Imbà ka tagtubag-tubag hu iling tayan duun hu tungkay labaw ha sinaligan hu paghalad?”

Juan 5:16

Pigpasipalahan si Jesus hu mga agalen hu mga Judio ta agpamulung duun hu Aldaw hu Paghimlay.

Juan 7:12

Tagsubayen si Jesus hu mga etaw ha nangaamul-amul diyà. Sa duma kandan tag-ikagi, “Maayad haena ha etaw” ba sa duma tag-ikagi daan, “Kenà haena maayad ta bà din dà aglimbungi sa mga etaw.”

Juan 8:13

Sa mga Parisiyu tuminubag, “Tagpanistigus ka mahitenged hu kaugalingen nu aman kenà haini malig-en.”

Juan 8:52

Su maikagi hi Jesus haena minikagi sidan, “Iman agkatun-an day en gayed ha libeg ka labi. Si Abraham daw sa alan ha mga prupita namamatay en sidan. Imbà nu agkaikagi ha bisan sin-u sa magtuman hu tigtudlù nu harì en gayed matay?

Juan 8:59

Su mapaliman dan haena nangamul sidan hu batu ta agbatuwen dan ngaay, ba luminubuk si Jesus duun hu mga etaw daw awà diyà ta Timplu.

Juan 9:40

Amin mga Parisiyu ha nakapaliman hu inikagi din aman nanginginsà, “Buta kay ba diay?”

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

2 Corinto 4:1

Tumenged hu kahid-u hu Dios kanay pinilì kay kandin hu pagpanunultul taena ha bag-u ha kasabutan aman madasigen kay taini.

2 Corinto 4:16

Aman madasigen kay gayed iman. Bisan ku tagluya en sa lawa day ba aldaw-aldaw tag-iseg sa pagtuu day.

Galacia 6:9

Aman harì kuy gayed magluya hu pagbuhat hu maayad ta makauma sa panahun ha ku harì kuy umendà makalegtay kuy gayed.

2 Tesalonica 3:13

Mga suled, harì kaw gayed tagluya pagbuhat hu maayad.

Hebreo 12:2

Iyan taw dà gayed saligan si Jesus sa puunaan daw sa igkahimpit hu pagtuu taw, ta inantus din sa kalansanga kandin duun hu krus daw hurà gayed kagayhà taena tumenged hu kalipay din ku maiwas en haena. Iman duun tagpinuu hu kawanan hu Dios.

Hebreo 12:5

Nalipatan nuy en ba isip mga batà hu Dios sa inikagi inyu ha tagyanaen, “Sikaw sa batà ku, harì nu agtameyesa sa pagbaldeng ku daw ku paukan ku ikaw harì ka bà dà agluyahi.

Hebreo 3:1

Mga suled sinyu sa hinimu daan hu Dios ha mga etaw din, henhenaa nuy gayed si Jesus sa apustul ha sinugù hu Dios daw nabuhat ha tungkay labaw ha sinaligan hu mga etaw duun hu Dios sumalà hu tinuuwan taw.

1 Pedro 2:23

Su tameyesen hurà en gayed magtubag-tubag. Su mag-antus daan hu pasipala hurà en panhulgà ba insalig din en sa kaugalingen din duun hu Dios ha iyan matareng ha Maghuhukum.

Impadayag 2:3

Natun-an ku ha tagpailub kaw hu mga malegen ha alantusen tumenged hu pagtuu nuy kanak daw hurà kaw gayed luyahi.