Hebreo 12:1 - Lalang Hu Dios

¹ Saini ha madakel ha mga etaw iling iman ha nakalibut sidan ha tag-ahà kanuy. Aman kinahanglan ha awaen taw sa bisan inu ha pakaelang kanuy daw sa salà ha iyan pakabakus kanuy, daw maniguru kuy mulalaguy taman ha makauma kuy duun hu daeganan.

Hebreo 12:1 ပူးပေါင်းရင်းမြစ်များ

Mateo 10:22

Kuntrahen kaw hu kaet-etawan tumenged kanak, ba sa harì umendà hu pagtuu hangtud hu katapusan mailahan hu kinabuhì ha hurà din katapusan.

Mateo 24:13

Ba sa harì umendà hu pagtuu mailahan hu kinabuhì ha hurà din katapusan.

Marcos 10:50

Dayun inawà din su in-apid ha pinaksuy din daw agpas diyà ki Jesus.

Lucas 12:15

Dayun inikagiyan din su mga etaw, “Bantayi nuy ha harì kaw maayat ta sa maayad ha pagtimà harì duun agkapuun hu madakel ha mga butang.”

Lucas 16:28

ta amin ku pa lalima ha suled daw patultuli sidan kandin ta daw harì sidan makalupug kanak duun taini ha banuwa hu kasakitan.’

Lucas 21:34

“Magbantay kaw gayed ha harì kaw bà dà kasamuk hu pagtimà nuy duun taini ha kalibutan daw harì kaw bà dà magpasibelengà ta tigkan makauma sa Aldaw hu Paghukum iling hu lit-ag.

Juan 3:32

Tigtultul din sa naahà daw sa napaliman din diyà ta langit ba atiyuay dà sa agdawat hu mga lalang din.

Juan 4:39

Madakel ha mga taga-Samaria duun taena ha banuwa sa nakatuu ki Jesus pinaagi hu inikagi ku bahi, “Natun-an hi Jesus sa alan ha mga binuhat ku.”

Juan 4:44

Naikagi en hi Jesus ha sa prupita harì matahuran hu mga etaw duun hu kandin dà ha banuwa.

Roma 12:12

Sigi kaw dà magmalipayen ta amin nuy adagi ha hinam, magpailub kaw duun hu mga alantusen nuy daw sigi kaw daan mag-ampù.

Roma 2:7

Saena ha agpaniguru gayed hu pagbuhat hu maayad ta iyan dan taghenhenaen ha dayeen sidan hu Dios daw ipatangkaw sidan hu hurà din katapusan, mailahan sidan hu kinabuhì.

2 Corinto 7:1

Pinalanggà ku ha mga suled, tumenged taini ha insaad kanuy hu Dios, limpyuwan taw sa kaugalingen taw daw bisan sa henà-henà taw ta daw mahimpit kuy gayed pinaagi hu pagtahud taw hu Dios.

Galacia 5:7

Maayad en man sa pagtuman nuy hu kamatuuran su anay. Sin-u man sa migbaldeng inyu taena?

Efeso 4:25

Aman endai en sa pagbidù ta kinahanglan ha sa pag-ikagi nuy duun hu duma na laus gayed.

Filipos 1:30

Iman duma kaw duun hu pag-antus ha natun-an nuy ha naagiyan ku daw kamulu ku pa iman tag-antusa.

Filipos 2:16

pinaagi hu pagpanunultul nuy kandan hu lalang hu Dios ha tag-ila hu kinabuhì. Ku buhaten nuy haini makapasigalbu ku asem inyu ku lumikù si Cristo ta sa pagpaniguru ku hu mga buluhaten ku diyan ta inyu namunga gayed.

2 Timoteo 2:4

Sa sundalu harì tagbuhat hu mga buluhaten hu kenà sundalu ta sa katuyuan din iyan sa mabayà-bayà gayed sa kapitan din.

2 Timoteo 4:7

Dinawat ku sa alan ha mga alantusen isip buutan ha sundalu hi Cristo Jesus, nauma kud sa daeganan daw tagpadayun a iman hu pagtuu.

Hebreo 6:15

Si Abraham migpailub hu pag-angat taena aman nadawat din gayed su insaad kandin hu Dios.

Santiago 1:3

ta natun-an nuy ha pinaagi hu pagsulay hu pagtuu nuy magmainantusen kaw.

1 Pedro 2:1

Aman endai nuy sa alan ha madaet ha henà-henà duun hu duma daw sa pagbiduay, sa pagpasibù-sibù daw sa kasina daw sa alan ha pakadaet hu dengeg.

1 Pedro 4:2

Aman harì din en buhaten sa madaet ha babayaen duun taini ha nasamà iman ha panahun hu pagtimà din dini ta kalibutan, ba iyan din en gayed buhaten sa agkabayaan hu Dios.

1 Pedro 5:1

Sinyu sa mga agalen hu mga tumutuu, tumenged ta sabuwa a daan ha agalen daw naahà ku gayed sa pag-antus hi Cristo daw makaambit a daan asem hu pagkagamhanan din, aghangyuen ku inyu ha

1 Pedro 5:12

Si Silas sa kasaligan ha suled ku migbulig kanak hu pagsulat taini ta daw madasig ku inyu duun hu pagtuu daw matun-an nuy ha iyan haini laus ha grasya hu Dios. Aman paniguruwan nuy haini.

2 Pedro 1:6

sa pagpugung hu kaugalingen nuy, sa pagkamainantusen daw sa pagbuhat hu agkabayaan hu Dios,

Impadayag 1:9

Iyan a si Juan ha suled nuy duun hu pagtuu daw iyan a daan duma nuy duun hu pagpailub hu mga malegen ha alantusen ta sabuwa kuy dà ha tagharian hi Jesus. Sinilutan a iman duun taini ha pulù ta Patmos tumenged hu pagsangyaw ku hu lalang hu Dios daw hu kamatuuran ha intudlù hi Jesus.

Impadayag 13:10

Sa etaw ha iyan maagiyan din sa agdakepen madakep gayed. Sa etaw ha iyan ipatay din sa ispada matay gayed. Aman kinahanglan ha sa mga etaw hu Dios magpailub duun hu mga alantusen daw magmatinumanen gayed kandin.

Impadayag 22:16

“Iyan a si Jesus sa migsugù taena ha balinsuguen ku hu pagpanunultul taini diyan ta inyu sinyu sa mga punduk hu tagkaamul-amul ha mga tumutuu. Iyan a su Kaliwat hi David daw bituen ha makabugwas.”

Impadayag 3:10

Tumenged ta matinumanen kaw hu mga sugù ku daw migpailub kaw hu mga alantusen bantayan ku gayed daan inyu ku mauma sa panahun ha sulayen hu tungkay malegen ha alantusen sa alan ha kaet-etawan dini ta tibuuk ha kalibutan.