Hebreo 10:5 - Lalang Hu Dios

⁵ Aman tumenged taena su agdini en si Cristo ta kalibutan inikagiyan din sa Dios, “Kenà nu iyan agkabayaan sa mga mananap ha ighalad ba binuhatan a ikaw hu lawa ha iyan ighalad ku

Hebreo 10:5 ပူးပေါင်းရင်းမြစ်များ

Mateo 11:3

ha insaan dan si Jesus, “Iyan kad ba haena sa intagnà ha makauma dini ta kalibutan daw ku amin pa ba lain ha pagsalapen day?”

Lucas 1:35

Ba inikagiyan hu balinsuguen, “Mabedes ka pinaagi hu Balaan ha Ispiritu daw sa gahem hu Dios ha Magbabayà hu alan iyan mag-ulin ikaw. Iyan haini hinengdan ha sa batà nu asem ngaranan ha balaan ha Batà hu Dios.

Lucas 7:19

Aman inumaw hi Juan sa daruwa ha sumusunud din daw sugua diyà ki Jesus ha insaan dan, “Iyan kad ba haena su intagnà ha makauma dini ta kalibutan daw ku amin pa ba lain ha pagsalapen day?”

Juan 1:14

Saena ha Lalang migpakaetaw daw uminamul kanuy hu mababà ha panahun. Naahà day sa pagkagamhanan ha in-ila kandin hu Dios ha Amay din tumenged ta iyan bugtung ha Batà din. Saena maluluy-en gayed daw natun-an taw en diyà ta kandin sa kamatuuran.

Galacia 4:4

Ba su makauma en sa natugun ha panahun impadini hu Dios sa Batà din ta kalibutan ha imbatà hu bahi daw nasakup hu Kasuguan

1 Timoteo 3:16

Laus gayed ha labaw pa hu alan sa kamatuuran ha impadayag dini ta kanuy daw iyan tagtuuwan taw. Si Cristo Jesus migpakaetaw daw saini pigtistigusan hu Balaan ha Ispiritu ha matareng. Nakilala daan hu mga balinsuguen hu Dios daw luminigtu diyà ta langit hu pagharì. Intultul daan duun hu alan ha kaet-etawan daw tinuuwan dini ta tibuuk kalibutan.

Hebreo 1:6

Ba su ipadini hu Dios sa gamhanan ha Batà din ta kalibutan minikagi haena, “Sa alan ha mga balinsuguen ku sumimba gayed kandin.”

Hebreo 10:10

Tumenged ta natuman hi Cristo Jesus sa agkabayaan hu Dios nahimpit kuy pinaagi hu kasabuwa dà ha paghalad din hu kaugalingen din.

Hebreo 10:7

Aman tumenged taini inikagiyan ku ikaw su anay, ‘Taini ad en hu pagtuman hu agkabayaan nu sumalà hu insulat ha lalang nu mahitenged kanak.’”

Hebreo 10:8

Sa una ha inikagi hi Jesus, “Harì nu agkabayaan sa mga halad ha nasunug ha daw halad para mga salà ha iyan haena insugù hu kasuguan” inikagi din haena bisan ku iyan haena insugù hu Kasuguan.

Hebreo 2:14

Tumenged ta sikuy sa mga batà hu Dios, etaw dà, si Jesus migpakaetaw daan ta daw mailing haena kanuy. Binuhat din haena ta daw mabaluy ha magpakamatay daw pinaagi taena madaeg din si Satanas sa iyan puunaan hu kamatayen,

Hebreo 5:7

Su dini pa si Jesus ta kalibutan mig-ampù ha ta hinangyù hu madaging tag-agalà din sa Dios ha malibri ngaay hu kamatayen. Tumenged hu pagkamatinumanen din duun hu Dios napaliman sa pag-ampù din.

Hebreo 8:3

Sa alan ha tungkay labaw ha sinaligan iyan tagsuguen hu paghalad aman iling daan ki Cristo Jesus ha kinahanglan amin din gayed ihalad.

1 Pedro 2:24

Inuwit en hi Cristo sa mga salà taw duun hu krus ta daw harì kuy en magbuhat hu salà daw sa pamatasan taw matareng gayed. Pinaagi hu pag-antus din nalibri kaw.

2 Juan 1:7

Nakalekep en dini ta kalibutan sa mga biduen ha manunudlù ha tag-ikagi ha si Cristo Jesus hurà magpakaetaw. Saini sidan iyan maglimbung hu kaet-etawan daw mga kuntra sidan hi Cristo.