Galacia 2:13 - Lalang Hu Dios

¹³ Sa duma ha mga Judio nangiling-iling daan kandin ha migpasibù-sibù daw bisan si Bernabe nakalagkes pa daan.

Galacia 2:13 ပူးပေါင်းရင်းမြစ်များ

Mateo 23:28

Iling kaw taena ta ku tag-ahaen kaw hu etaw bà kaw su matareng ba sa henà-henà nuy bà dà tagpasibù-sibù daw masinupaken gayed.

Mga Buhat 4:36

Sa sabuwa kandan iyan sa kaliwat hi Levi ha taga-Cipro ha tagngaranan ki Jose ba pigdagnayan hu mga apustulis ki Bernabe ta sa kahulugan taena Tigdasig.

1 Corinto 12:2

Natun-an nuy ha su anay ha kenà kaw pa tumutuu nauwit kaw hu pagsunud taena ha mga diyus-diyus ha hurà din gahem daw tumenged taena nangalaag kaw.

1 Corinto 15:33

Harì kaw gayed tagpalimbung hu mga etaw ha iling taena. Timan-i nuy sa inikagi, “Sa pakigduma-duma hu madaet ha etaw pakadaet hu maayad ha batasan.”

1 Corinto 5:6

Imbà kaw man galbuwen? Hurà nuy ba diay katun-i ha sa atiyuay dà ha igpatulin pakalekep en duun hu madakel ha harina?

1 Corinto 8:9

Ba kinahanglan ha mag-andam kaw gayed ha saini ha hurà ibaldeng inyu harì mabuhat ha iyan igpakasalà hu hurà pa makasabut.

Galacia 2:1

Su maiwas sa sampulù daw haepat ha tuig, sumalà hu impadayag kanak hu Dios luminikù a diyà ta Jerusalem duma ki Bernabe daw dinuma ku daan si Tito. Su makauma kay diyà iyan ku dà inikagiyan sa mga agalen hu mga tumutuu mahitenged hu Maayad ha Tultulanen ha insangyaw ku duun hu kenà mga Judio ta daw harì sidan makaikagi ha hurà pulus hu pagtudlù ku.

Galacia 2:9

Si Santiago, si Pedro daw si Juan kinilala ha mga agalen, ba su matun-an dan en ha in-ila kanak hu Dios sa katenged ku nakigsabuwa sidan kanay ki Bernabe duun hu buluhaten hu Dios daw mig-uyun kay ha siak daw si Bernabe dumuun kay hu kenà mga Judio daw sidan dumuun daan hu mga Judio.

Efeso 4:14

Harì kuy en mailing hu mga batà ha tagkahalin-halin sa pagtuu dan pinaagi hu pagpaliliman dan hu harì tag-iling ha katudluanan hu mga etaw ha limbungan gayed.

Hebreo 13:9

Harì kaw magpalimbung hu migkalain-lain ha katudluanan. Sa makapadasig kanuy iyan dà gayed sa grasya hu Dios kenà pinaagi hu harì pagkaen hu mga kalan-enen, ta sa pagtuman taena harì daan makapaayad kanuy.