Galacia 1:22 - Lalang Hu Dios

²² Duun taena ha panahun harì a pa agkakilala hu mga tumutuu ki Cristo diyà ta prubinsya ta Judea.

Galacia 1:22 ပူးပေါင်းရင်းမြစ်များ

Mga Buhat 9:31

Duun taena ha panahun malinawen sa pagtimà hu mga tumutuu duun hu mga prubinsya ta Judea, ta Galilea daw ta Samaria. Miglig-en sa pagtuu dan daw pinaagi hu pagbulig kandan hu Balaan ha Ispiritu migdakel gayed sidan daw migmatinahuren daan sidan hu Dios.

Roma 16:10

Ipangamusta a ki Apeles sa nakilala ha matinumanen ki Cristo. Ipangamusta a daan hu pamilya hi Aristobulo.

Roma 16:3

Ipangamusta a ki Priscila daw ki Aquila sa bulig ku duun hu buluhaten hi Cristo Jesus

Roma 16:7

Ipangamusta a ki Andronico daw ki Junias sa kadumahan ku ha mga Judio ha naprisu daan su anay duma kanak. Tinahud sidan hu mga apustulis daw iyan daan sidan nauna dì kanak ha nakatuu ki Cristo.

Roma 16:9

Ipangamusta a ki Urbano sa bulig taw ha suluguen hi Cristo daw ki Estaquis sa pinalanggà ku ha suled.

1 Corinto 1:30

Iman pinaagi hu Dios nasabuwa kuy ki Cristo Jesus, aman tumenged kandin amin taw kaalam daw inisip kuy hu Dios ha matareng daw mahimpit ha mga etaw din ha nalibri duun hu mga salà taw.

1 Corinto 7:17

Ku inu sa kahimtang taw su anay kuy en himuwen hu Dios ha tumutuu iyan haena pagbayà hu Dios kanuy, aman padayunen taw sa pagsunud hu Dios duun taena ha kahimtang. Iyan haena tigtudlù ku duun hu alan ha mga tumutuu bisan hindu.

Filipos 1:1

Iyan a si Pablo sa migsulat taini duma ki Timoteo sa mga suluguen hi Cristo Jesus. Sinulatan day inyu sa mga etaw hu Dios pinaagi hu pagpakigsabuwa nuy ki Cristo Jesus diyan ta Filipos daw sa mga agalen nuy daw sa mga diyakunu.

1 Tesalonica 1:1

Iyan a si Pablo sa migsulat taini duma ki Silas daw ki Timoteo. Sinulatan day inyu sa tagkaamul-amul ha mga tumutuu diyan ta Tesalonica ha nasabuwa duun hu Dios ha Amay taw daw diyà ki Cristo Jesus ha Ginuu. Sa Dios mag-ila inyu hu grasya daw kalinaw.

1 Tesalonica 2:14

Mga suled, su naul-ulahan hu mga tumutuu ki Cristo Jesus diyà ta Judea iyan daan naula-ula nuy ta inantus nuy gayed sa pasipala hu mga kadumahan nuy iling hu mga tumutuu daan diyà ta prubinsya ta Judea ha pigpasipalahan hu duma dan ha mga Judio.

2 Tesalonica 1:1

Iyan a si Pablo sa migsulat taini duma ki Silas daw ki Timoteo. Sinulatan day inyu sa tagkaamul-amul ha mga tumutuu diyan ta Tesalonica ha nasabuwa duun hu Dios ha Amay taw daw diyà ki Cristo Jesus ha Ginuu.