Filipos 4:9 - Lalang Hu Dios

⁹ Buhata sa alan ha natun-an nuy duun hu napaliman daw naahà nuy dini ta kanak, daw sa Dios ha tag-ila hu kalinaw magduma inyu.

Filipos 4:9 ပူးပေါင်းရင်းမြစ်များ

Mateo 1:23

“Amin asem mabedes ha laga ha sa batà din maama daw sa ingaran duun Emanuel” ha sa kahulugan taena, “Uminamul en kanuy sa Dios.”

Mateo 28:20

daw tudluan nuy daan sidan hu pagtuman taena ha insugù ku inyu. Harì nuy aglipati ha sigi a magduma inyu hangtud hu katapusan hu panahun.”

Mateo 7:21

“Amin mga etaw ha tag-ikagi hu Ginuu a kandan ba hurà sidan makalagkes duun hu tagharian hu Dios, ta iyan dà pakaseled duun taena sa tagtuman hu agkabayaan hu Amay ku diyà ta langit.

Lucas 6:46

“Imbà a inyu tagngarani ha Ginuu nuy ba harì kaw agtuu hu igsugù ku inyu?

Lucas 8:21

Ba si Jesus tuminubag, “Bisan sin-u sa tagpaliliman hu lalang hu Dios daw tagtuman daan taena iyan en haena inay ku daw mga suled ku.”

Juan 13:17

Iman ta natun-an nuy en sa intudlù ku inyu malipayen kaw en gayed ku tumanen nuy haena.

Juan 15:14

Ku buhaten nuy sa mga insugù ku inyu iyan kaw gayed mga amigu ku.

Juan 2:5

Inikagiyan hi Inay din sa mga suluguen, “Buhata nuy sa sumalà ha igsugù din inyu.”

Mga Buhat 9:6

Bangun ka daw diyà ka tayà ha banuwa ta amin diyà magtudlù ikaw hu kinahanglan ha buhaten nu.”

Roma 15:33

Sa Dios ha iyan puunaan hu kalinaw magduma inyu.

Roma 16:20

Sa Dios ha iyan puunaan hu kalinaw buhaten din sa paagi ha laus nuy en madaeg si Satanas. Panalanginan kaw hi Cristo Jesus ha Ginuu taw.

1 Corinto 10:31

Ba ikagiyen ku inyu ha ku kumaen kaw daw ku uminum kaw daw ku bisan inu sa buhaten nuy kinahanglan ha buhaten nuy haena hu pagdayè hu Dios.

1 Corinto 14:33

ta sa agkabayaan hu Dios iyan sa harì kuy malibeg ba malinawen gayed. Ku mag-amul-amul sa mga tumutuu duun hu bisan hindu

1 Corinto 4:16

Aman aghangyuen ku iman inyu ha mangiling-iling kaw kanak.

2 Corinto 13:11

Mga suled ku, iyan dà haini. Paniguru kaw ha mahimpit kaw gayed daw tumanen nuy sa salambagan ku inyu. Magsabuwa kaw hu henà-henà nuy ta daw magmalinawen sa pagdapità nuy. Ku buhaten nuy haini sa Dios ha iyan puunaan hu pagpalanggà daw kalinaw magduma inyu.

Filipos 3:17

Mga suled, dayunen nuy sa pagpangiling-iling kanak daw timan-i haena sa mga etaw ha sa pamatasan dan iling kanay.

Filipos 4:7

Sa Dios mag-ila inyu hu kalinaw ha iyan makapaawà hu mga kabugus duun hu mga henà-henà nuy tumenged hu pagpakigsabuwa nuy ki Cristo Jesus. Saena ha kalinaw harì gayed agkasabut hu mga etaw.

1 Tesalonica 1:6

Aman inilingan kay inyu daw sa Ginuu ta bisan pa ku malegen sa mga alantusen ba dinawat nuy gayed ha malipayen sa Maayad ha Tultulanen pinaagi hu Balaan ha Ispiritu.

1 Tesalonica 2:14

Mga suled, su naul-ulahan hu mga tumutuu ki Cristo Jesus diyà ta Judea iyan daan naula-ula nuy ta inantus nuy gayed sa pasipala hu mga kadumahan nuy iling hu mga tumutuu daan diyà ta prubinsya ta Judea ha pigpasipalahan hu duma dan ha mga Judio.

1 Tesalonica 5:23

Sa Dios ha tag-ila hu kalinaw maghimpit inyu ta daw harì kaw gayed asem masaway ku lumikù si Cristo Jesus ha Ginuu taw.

2 Tesalonica 3:4

Tumenged hu pagsalig hu Ginuu natun-an day ha harì nuy gayed endaan sa pagtuman hu intudlù day inyu.

2 Timoteo 4:22

Panalanginan ka gayed hu Ginuu.

Santiago 1:22

Harì kaw tagpalimbung hu kaugalingen nuy pinaagi hu bà dà pagpaliliman hu lalang hu Dios, ba kinahanglan ha tumanen nuy daan haena.

2 Pedro 1:10

Aman mga suled, buhata nuy gayed sa taman ha mahimu nuy ta daw maahà ha pinilì kaw gayed hu Dios ha iyan mighimu inyu ha tumutuu. Ta ku buhaten nuy haini harì kaw gayed malaag

1 Juan 3:22

Bisan inu sa panayuen taw ig-ila din kanuy ta tagtumanen taw man sa mga sugù din daw tagbuhaten taw sa igkabayà-bayà din.