Filipos 4:4 - Lalang Hu Dios

⁴ Sigi kaw gayed magmalipayen tumenged hu pagpakigsabuwa nuy hu Ginuu.

Filipos 4:4 ပူးပေါင်းရင်းမြစ်များ

Mateo 5:12

Ikalipay nuy gayed haena ta adagi tungkay sa igbales inyu hu Dios diyà ta langit, ta iyan daan haena binuhat dan duun hu mga prupita.

Mga Buhat 16:25

Ba su maliwarà en sa daleman si Pablo daw si Silas mig-ampù daw migkanta hu pagdayè hu Dios, daw migpaliliman kandan sa duma dan ha mga prisu.

Mga Buhat 5:41

Inawaan su mga labaw ha agalen ku mga apustulis ha malipayen ta naisip sidan ha angayan ha pagagayhaan tumenged ki Jesus.

Roma 12:12

Sigi kaw dà magmalipayen ta amin nuy adagi ha hinam, magpailub kaw duun hu mga alantusen nuy daw sigi kaw daan mag-ampù.

2 Corinto 6:10

Bisan ku agkaguul kay ba malipayen kay gihapun. Makaluluuy kay gayed ba madakel sa napanalanginan pinaagi kanay. Hurà day mga butang ba bà su kanay en sa alan.

Galacia 1:8

Ba bisan sin-u bisan pa ku iyan kay en daw ku balinsuguen ha napuun diyà ta langit sa magsangyaw hu Maayad kun ha Tultulanen ba lain en dì hu insangyaw day inyu, silutan gayed hu Dios hu hurà din katapusan.

Filipos 2:18

Aman ikalipay nuy daan sa mapayanan-an ku iling ha ikalipay ku daan haena.

Filipos 3:1

Mga suled, ag-ikagiyen ku pa haini inyu ha magmalipayen kaw gayed tumenged hu pagpakigsabuwa nuy hu Ginuu. Harì a agkapedaan hu pagsublì-sublì hu mga salambagan ku ta saini makapalig-en gayed inyu.

1 Pedro 4:13

Ba magmalipayen kaw gayed ha makaambit kaw hu mga alantusen hi Cristo ta daw adagi gayed sa kalipay nuy asem ku ipadayag en sa pagkagamhanan din.