Filipos 2:3 - Lalang Hu Dios

³ Bisan inu sa buhaten nuy kinahanglan ha kenà tumenged hu pagkaagapan hu pag-uswag daw ku pagpagalbu ba hu kaugalingen nuy, ba kinahanglan ha magpaubus kaw daw isipa ha sa mga duma nuy labaw gayed dì inyu.

Filipos 2:3 ပူးပေါင်းရင်းမြစ်များ

Lucas 18:14

“Ikagiyen ku inyu ha saini uminulì ha napasaylu en sa mga salà din dì taena ha Parisiyu. Ta bisan sin-u sa tagpalabaw-labaw igpaubus ba saena ha tagpaubus igpatangkaw.”

Roma 12:10

Magpinalanggaay kaw isip ha migsusuled daw magpatahud-tahurà kaw gayed.

Roma 13:13

Kinahanglan ha buhaten taw gayed sa matareng ha pamatasan ta iyan haena angayan duun hu kapawaan, daw harì taw buhaten sa pinakagalugayhà daw sa pagpasibeleng, sa pagbuhat hu malaw-ay daw hu mahugaw, sa pagpakigsabà daw sa kasina.

Roma 2:8

Ba saena ha iyan dan dà taghenhenaen sa kandan ha kaugalingen daw sigi dà tagbuhat hu madaet ta harì sidan tagtuman hu kamatuuran, adagi gayed sa igsilut kandan hu Dios.

1 Corinto 15:9

ta iyan a kinahudiyanan duun hu mga apustulis daw kenà a man ganì angayan ha ngaranan ha apustul tumenged ta pigpasipalahan ku sa mga tumutuu ki Jesus.

1 Corinto 3:3

Iyan pa tagharì diyan ta inyu sa kalibutanen iling hu kasina daw pagsawalà ha iyan timaan ha agkangailing kaw pa hu kenà tumutuu ta iyan nuy pa gayed tagsunuren sa inyu dà ha agkabayaan.

2 Corinto 12:20

Agkasamuk a ha ku makadiyan a maahà ku sa pamatasan nuy ha harì ku agkabayaan dayun maikagi ku daan sa agtambagan nuy. Ta amin diyan ta inyu tagsawalà daw masinahen, madalì mapauk daw agapan hu pag-uswag, tagpandaet hu dengeg daw tangituk, galbuwen daw tag-uwit hu kagubut.

Galacia 5:15

Ba ku bà kaw dà magsawalà daw magsabà mag-andam kaw ta iyan haena makabengkag hu pagkasabuwa nuy.

Galacia 5:26

Harì kuy gayed magpagalbu daw harì taw buhaten sa pakapasawalà daw harì kuy daan magpasina-sinahà.

Efeso 4:2

Magpaubus kaw daw magmaluluy-en gayed daw pinaagi hu pagpailub mag-inantusà kaw tumenged hu pagpinalanggaay nuy.

Efeso 5:21

Magmatinumanen kaw duun hu kada sabuwa inyu tumenged hu pagtahud nuy ki Cristo.

Filipos 2:14

Harì kaw tagtamudmud daw tagsawalà duun hu bisan inu ha agbuhaten nuy

Colosas 3:12

Tumenged ta pinilì kaw hu Dios ha mga etaw daw mga pinalanggà din kinahanglan ha magmahid-uwen daw magpaubus kaw, magmaluluy-en daw magagawon, magpailub kaw.

Colosas 3:8

Ba iman kinahanglan ha endaan nuy en sa alan ha mga madaet iling hu kapauk daw hu henà-henà ha madaet duun hu duma ha etaw, sa pagpandaet hu dengeg daw sa mga malaw-ay ha pag-ikagi.

1 Timoteo 6:4

saena tagpagalbu ba hurà din gayed nasabut. Bà dà haena agkabayà hu pakigsawalà daw hu pakigsabà mahitenged hu mga kahulugan hu mga lalang, saini duun pakapayanaen hu kasina daw pagsasabà, hu pagtameyes daw pagpanenged-tenged.

1 Pedro 3:8

Iman magsabuwa kaw duun hu henà-henà nuy. Magmaluluy-en daw magpinalanggaay kaw isip ha migsusuled, magmahid-uwen daw magpaubus kaw daan.

1 Pedro 5:5

Sinyu daan sa mga batan-en pa, magmatinumanen kaw hu mga magulang. Alan kaw magpaubus duun hu mga duma nuy ta sa insulat ha lalang hu Dios tagyanaen, “Agsupaken hu Dios sa tagpalabaw-labaw ba agbuligan din sa tagpaubus.”