Filipos 2:25 - Lalang Hu Dios

²⁵ Nahenà-henà ku daan ha kinahanglan ipaulì ku diyan ta inyu sa suled taw ha si Epafrodito sa iling ku ha tagtrabahu duun hu buluhaten hu Dios isip sundalu din ha sinugù nuy dini pag-alima kanak.

Filipos 2:25 ပူးပေါင်းရင်းမြစ်များ

Juan 13:16

Laus gayed sa ag-ikagiyen ku inyu ha sa suluguen kenà labaw dì hu agalen din daw sa sinugù kenà daan labaw dì hu migsugù kandin.

Juan 17:18

Iling ha sinugù a ikaw dini ta kalibutan agsuguen ku daan sidan hu pagsangyaw hu lalang nu duun hu alan ha kaet-etawan.

Roma 16:3

Ipangamusta a ki Priscila daw ki Aquila sa bulig ku duun hu buluhaten hi Cristo Jesus

Roma 16:9

Ipangamusta a ki Urbano sa bulig taw ha suluguen hi Cristo daw ki Estaquis sa pinalanggà ku ha suled.

1 Corinto 3:9

Siak daw si Apollo bà dà migbuligà duun hu buluhaten hu Dios daw sinyu agkailing kaw hu uma hu Dios ha pigtrabahuwan day. Agkailing kaw daan taena ha agbalayen hu Dios.

2 Corinto 2:13

Ba nasamuk a ta hurà ku kaahà diyà sa suled taw ha si Tito aman duminayun a diyà ta Macedonia.

Filipos 2:26

Agkabulung en inyu daw nabugus daan tumenged ta napaliman nuy ha nadaluwan.

Filipos 4:18

Harì ad iman taglised ta sa impauwit nuy ki Epafrodito ha in-ila kanak labaw pa dì hu mga kinahanglanen ku. Saena ha in-ila nuy agkailing hu mahumut ha halad ha agkabayà-bayaan hu Dios.

Filipos 4:3

Daw sikaw sa matinumanen ha bulig ku, aghangyuen ku daan ikaw ha buligan nu haini sa mga bahi ta naniguru sidan pagbulig kanak pagsangyaw hu Maayad ha Tultulanen duma ki Clemente daw hu alan ha mga duma ku duun hu buluhaten hu Dios ha sa ngaran dan nakasulat en duun hu libru hu kinabuhì.

Colosas 1:7

Saini intudlù inyu hi Epafras sa pinalanggà ha bulig day daw matinumanen ha suluguen hi Cristo pinaagi hu pagbulig din inyu.

Colosas 4:11

Agpangamusta daan inyu si Josue ha tagngaranan daan ki Justo. Saini sidan iyan dà mga Judio ha bulig ku hu pagpanunultul mahitenged hu pagharì hu Dios daw iyan daan sidan nakadasig kanak.

1 Tesalonica 3:2

Ba si Timoteo sa suled taw duun hu pagtuu daw suluguen hu Dios ha tagsangyaw daan hu Maayad ha Tultulanen mahitenged ki Cristo igpadiyan day gayed ta inyu ta daw malig-enan din sa pagtuu nuy en daw magdasig daan inyu

Filemon 1:24

Daw agpangamusta daan ikaw si Marcos, si Aristarco, si Demas daw si Lucas ha iyan bulig ku duun hu buluhaten hu Dios.

Hebreo 3:1

Mga suled sinyu sa hinimu daan hu Dios ha mga etaw din, henhenaa nuy gayed si Jesus sa apustul ha sinugù hu Dios daw nabuhat ha tungkay labaw ha sinaligan hu mga etaw duun hu Dios sumalà hu tinuuwan taw.