Filipos 1:17 - Lalang Hu Dios

¹⁷ Ba sa katuyuan taena ha tagpalabaw-labaw kenà laus ta agapan sidan hu pag-uswag daw sa henà-henà dan ha saena makaisab hu pag-antus ku dini ta prisuhan.

Filipos 1:17 ပူးပေါင်းရင်းမြစ်များ

Lucas 21:14

Harì kaw agkasamuk ku in-inuwen nuy pagpangatarengan

Mga Buhat 22:1

“Mga suled ku daw sinyu sa mga magulang, palilimani nuy haini sa katarengan ku.”

Mga Buhat 26:1

Dayun inikagiyan hi Agripa si Pablo, “Intugut en ikaw iman ha mangatarengan ka.” Aman migsingyas si Pablo daw pangatarengan ha tagyanaen,

Mga Buhat 26:24

Su kamulu pa si Pablo tag-ikagi nandasang si Festo ha tagyanaen, “Agkalibeg ka gayed, Pablo, tumenged hu miglabay ha katatau nu.”

Roma 2:8

Ba saena ha iyan dan dà taghenhenaen sa kandan ha kaugalingen daw sigi dà tagbuhat hu madaet ta harì sidan tagtuman hu kamatuuran, adagi gayed sa igsilut kandan hu Dios.

Filipos 1:18

Ba bisan inu ha paagi, ku madaet sa katuyuan daw ku maayad ba, alan haena ikalipay ku ku matultul gayed sa mahitenged ki Cristo.

Filipos 1:7

Angayan gayed ha palanggaen ku inyu alan ta nakabulig kaw hu impabuhat kanak hu Dios kenà duun dà hu pagkaprisu ba duun daan hu pagpangatarengan ku mahitenged hu Maayad ha Tultulanen ta daw mapamatud-an ha saini laus gayed.

Filipos 2:3

Bisan inu sa buhaten nuy kinahanglan ha kenà tumenged hu pagkaagapan hu pag-uswag daw ku pagpagalbu ba hu kaugalingen nuy, ba kinahanglan ha magpaubus kaw daw isipa ha sa mga duma nuy labaw gayed dì inyu.

1 Timoteo 2:7

Iyan haini hinengdan ha pinilì a kandin ha apustul duun hu kenà mga Judio ta daw makatuu sidan pinaagi hu pagsangyaw daw pagpanudlù ku hu kamatuuran. Laus gayed haini sa inikagi ku.

2 Timoteo 2:9

daw pinaagi taena tag-antus a hu mga malegen daw naprisu a pa iling hu makasasalà. Ba sa lalang hu Dios harì gayed agkaprisu.

2 Timoteo 4:16

Su anay ha mangatubang a duun hu hukmanan hurà gayed luminaban ta alan en sidan uminawà dini ta kanak. Ba in-ampù ku duun hu Dios ha pasayluwen din sidan.