Filipos 1:13 - Lalang Hu Dios

¹³ ta pinaagi taena sa alan ha mga sundalu ha tagbantay dini daw sa duma pa ha mga etaw natun-an dan ha naprisu a tumenged hu pagsunud ku ki Cristo.

Filipos 1:13 ပူးပေါင်းရင်းမြစ်များ

Mga Buhat 26:29

Ba si Pablo tuminubag, “Sa tig-ampù ku iman duun hu Dios iyan sa malugay daw ku madalì sikaw daw sa alan ha nakapaliman taini mailing kanak ha nakatuu ba harì mailing kanak ha naprisu.”

Mga Buhat 26:31

Su humipanaw en sidan miglalang-lalang sidan ha tagyanaen, “Saini ha etawa hurà din gayed nabuhat ha angayan ha prisuhen daw himatayan.”

Mga Buhat 28:17

Su maiwas en sa tatulu ha aldaw inamul hi Pablo sa mga agalen hu mga Judio diyà dayun inikagiyan din sidan, “Mga suled, bisan ku hurà ku salà duun hu duma ku ha mga Judio daw hurà ku kasupak sa tulumanen hu mga gin-apuan taw ba dinakep a kandan daw intugyan a kandan duun hu mga agalen ta Roma.

Mga Buhat 28:20

Iyan haini hinengdan ha inamul ku inyu ta agkabayà a pakiglalang inyu tumenged ta sa kapusasi iman kanak iyan sa pagtuu ku taena ha tagsalapen taw sikuy sa mga kaliwat hi Israel.”

Mga Buhat 28:30

Daruwa ha tuig sa pagtimà hi Pablo duun taena ha tagpilitiyan din ha balay daw sa alan ha agdiyà ta kandin dinawat din gayed.

Efeso 3:1

Iyan haini hinengdan ha naprisu a ta migsangyaw a mahitenged ki Cristo Jesus diyan ta inyu sinyu sa kenà mga Judio.

Efeso 4:1

Siak sa naprisu tumenged hu pagsunud ku hu Ginuu aghangyuen ku inyu ha tumenged ta pighimu kaw hu Dios ha tumutuu sa pamatasan nuy angayan gayed hu tumutuu.

Efeso 6:20

Tumenged ta sinaligan a hu Dios pagsangyaw taena naprisu a iman. Aman ampui a inyu ha amin gayed gahem hu pagpanunultul ku.

Filipos 1:30

Iman duma kaw duun hu pag-antus ha natun-an nuy ha naagiyan ku daw kamulu ku pa iman tag-antusa.

Filipos 1:7

Angayan gayed ha palanggaen ku inyu alan ta nakabulig kaw hu impabuhat kanak hu Dios kenà duun dà hu pagkaprisu ba duun daan hu pagpangatarengan ku mahitenged hu Maayad ha Tultulanen ta daw mapamatud-an ha saini laus gayed.

Filipos 4:22

Sa alan ha mga tumutuu dini labi en sa mga sakup hu panimalay hi Harì Cesar agpangamusta daan inyu.

2 Timoteo 2:9

daw pinaagi taena tag-antus a hu mga malegen daw naprisu a pa iling hu makasasalà. Ba sa lalang hu Dios harì gayed agkaprisu.