Efeso 5:28 - Lalang Hu Dios

²⁸ Iling daan taena kinahanglan ha sa igmaama palanggaen din gayed sa igbahi din iling hu pagpalanggà din hu kaugalingen din. Sa igmaama ha tagpalanggà hu igbahi din palanggà din daan sa kandin ha kaugalingen.

Efeso 5:28 ပူးပေါင်းရင်းမြစ်များ

Mateo 19:5

Daw tagyanaen daan, ‘Iyan haini hinengdan ha ag-awaan hu maama sa mga laas din daw duun en ag-amul hu igbahi din ta nasabuwa en sidan sa daruwa ha etaw.’

Efeso 5:25

Sinyu sa mga igmaama, palanggaen nuy gayed sa mga igbahi nuy iling ha sikuy sa mga tumutuu pinalanggà kuy daan hi Cristo daw migpakamatay para kanuy

Efeso 5:29

Ta hurà gayed etaw ha harì din tagtanulen sa kaugalingen din ba ag-alimahan din gayed haena daw igpakaen din daan. Iling taena si Cristo ha alimahan din daan sa alan ha mga tumutuu

Efeso 5:31

Sa lalang hu Dios tagyanaen, “Iyan haini hinengdan ha ag-awaan hu maama sa mga laas din daw duun en ag-amul hu igbahi din ta nasabuwa en sidan sa daruwa ha etaw.”

Efeso 5:33

Ba tagpasabut daan haini mahitenged hu mig-asawa, aman kinahanglan gayed ha sa igmaama palanggaen din sa igbahi din iling hu pagpalanggà hu kaugalingen din, daw sa igbahi kinahanglan tumahud gayed hu igmaama din.

1 Pedro 3:7

Sikuy daan sa mga maama, alimahan taw sa igbahi taw ta maluya sidan dì kanuy, daw tahuran taw sidan ta ag-ilahan daan sidan hu Dios taena ha kinabuhì ha hurà din katapusan. Buhaten taw haini ta daw harì maelangan sa mga pag-ampù taw.