Efeso 5:24 - Lalang Hu Dios

²⁴ Iling daan ha sa mga tumutuu matinumanen ki Cristo Jesus kinahanglan ha sa mga igbahi magmatinumanen duun hu igmaama dan.

Efeso 5:24 ပူးပေါင်းရင်းမြစ်များ

Lucas 10:17

Su makalikù haena sa kapituwan daw daruwa malipayen gayed sidan ha tagyanaen, “Ginuu, bisan sa mga busaw tuminuu kanay su bugawen day pinaagi hu ngaran nu.”

Efeso 5:23

Ta sa igmaama iyan gayed tagbayà hu igbahi din iling ha si Cristo iyan ulu daw sa alan ha mga tumutuu lawa din, daw si Cristo iyan daan Manluluwas dan.

Efeso 5:25

Sinyu sa mga igmaama, palanggaen nuy gayed sa mga igbahi nuy iling ha sikuy sa mga tumutuu pinalanggà kuy daan hi Cristo daw migpakamatay para kanuy

Efeso 5:33

Ba tagpasabut daan haini mahitenged hu mig-asawa, aman kinahanglan gayed ha sa igmaama palanggaen din sa igbahi din iling hu pagpalanggà hu kaugalingen din, daw sa igbahi kinahanglan tumahud gayed hu igmaama din.

Colosas 3:20

Sinyu sa mga batà, magmatinumanen kaw hu mga laas nuy duun hu bisan inu ta iyan haini agkabayà-bayaan hu Dios.

Colosas 3:22

Sinyu sa mga suluguen, magmatinumanen kaw duun hu mga agalen nuy. Saini kenà bà dà pagtuman ta daw maahà hu agalen nuy daw mabayà-bayà sidan, ba buhata haena ha matinud-anen gayed tumenged hu pagtahud nuy hu Ginuu.

Tito 2:7

Kinahanglan iyan ka sampitan diyà ta kandan pinaagi hu pagbuhat nu hu maayad. Ku tagtudlù ka kinahanglan matul-id sa tigtudlù nu ha amin duun kaligdeng,

Tito 2:9

Tudlui sa mga suluguen ha magmatinumanen hu agalen dan duun hu bisan inu. Harì magsukul-sukul ba iyan gayed buhaten dan sa igkabayà-bayà hu agalen dan.