Efeso 5:23 - Lalang Hu Dios

²³ Ta sa igmaama iyan gayed tagbayà hu igbahi din iling ha si Cristo iyan ulu daw sa alan ha mga tumutuu lawa din, daw si Cristo iyan daan Manluluwas dan.

Efeso 5:23 ပူးပေါင်းရင်းမြစ်များ

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

1 Corinto 6:13

Laus gayed ha sa kalan-enen intagana para hu etaw daw sa etaw tinaganahan hu kalan-enen, ba saini alan agtapusen dà hu Dios. Sa lawa hurà itagana hu malaw-ay ha buhat ba intagana haena hu agkabayaan hu Ginuu, daw sa Ginuu iyan tag-alima hu etaw.

Efeso 4:15

Ba iyan taw dà maikagi sa laus duun hu duma taw tumenged hu pagpalanggà taw kandan. Pinaagi taena mag-iseg gayed sa pagkailing taw ki Cristo ha iyan ulu

Efeso 5:24

Iling daan ha sa mga tumutuu matinumanen ki Cristo Jesus kinahanglan ha sa mga igbahi magmatinumanen duun hu igmaama dan.

Colosas 1:18

Iyan haena ulu daw sa alan ha mga tumutuu iyan lawa din. Iyan puunaan hu kinabuhì hu mga tumutuu daw iyan nauna ha nabanhaw ha harì en isab matay ta daw iyan gayed labaw hu alan.

1 Tesalonica 1:10

daw tagsalapen nuy en daan ha lumikù dà dini sa Batà din ha si Jesus su binanhaw din ha iyan daan asem aglibri kanuy ku silutan hu Dios sa kaet-etawan.

Impadayag 19:7

Magmalipayen kuy daw dayeen taw sa pagkagamhanan din ta nakauma en sa panahun hu kaamulan hu Nati ha Karniru daw sa ag-asawahen din naandam en

Impadayag 5:9

Migkanta daan sidan hu bag-u ha kalantahen ha tagyanaen, “Iyan ka dà gayed angayan hu pagtimù ku linulun ha balasahen daw pag-awà taena ha impadeket duun ha timaan ta hinimatayan ka daw pinaagi hu langesa nu binawì nu sa mga etaw para hu Dios. Saena ha mga etaw duun napuun hu migkalain-lain ha kaliwatan, mga nasud daw hu alan ha mga inikagiyan.