Efeso 5:20 - Lalang Hu Dios

²⁰ Sigi kaw magpasalamat duun hu Dios ha Amay taw mahitenged hu alan ha mga agkaul-ulahan nuy tumenged ta mga sumusunud kaw ki Cristo Jesus ha Ginuu taw.

Efeso 5:20 ပူးပေါင်းရင်းမြစ်များ

Juan 15:16

Kenà kaw iyan migpilì kanak ba iyan a migpilì inyu ta daw mamunga kaw hu madakel daw sa bunga nuy harì maamin. Bisan inu sa panayuen nuy duun hu Dios ha Amay ku pinaagi kanak saena ig-ila din inyu.

Mga Buhat 5:41

Inawaan su mga labaw ha agalen ku mga apustulis ha malipayen ta naisip sidan ha angayan ha pagagayhaan tumenged ki Jesus.

Roma 1:8

Una hu alan pinaagi ki Cristo Jesus tagpasalamatan ku sa Dios mahitenged inyu ta sa pagtuu nuy napaliman duun hu bisan hindu.

1 Corinto 1:4

Sigi a tagpasalamat duun hu Dios mahitenged inyu tumenged hu grasya din inyu pinaagi ki Cristo Jesus

1 Corinto 15:24

Duun asem taena makauma sa katapusan ha panahun ha madaeg din sa alan ha tagharì daw sa amin din kagahem, dayun itugyan din duun hu Dios ha Amay din sa tagharian din.

Efeso 5:4

Harì kaw daan mag-ikagi hu mga malaw-ay daw mga binuang ha lalang ta kenà haini angayan ha tagbuhaten hu mga tumutuu, ba sa buhaten nuy iyan gayed sa pagpasalamat duun hu Dios.

Filipos 1:3

Tagpasalamat a duun hu Dios kada mahenà-henà ku inyu daw igkalipay ku gayed sa pag-ampù inyu tumenged hu pagbulig nuy kanak pagsangyaw hu Maayad ha Tultulanen sugud dà su makatuu kaw hangtud en iman.

Filipos 4:6

Harì kaw agkabuges hu bisan inu ba mag-ampù kaw duun hu Dios mahitenged hu alan ha kinahanglanen nuy duma hu pagpasalamat.

Colosas 3:17

Bisan inu sa ag-ikagiyen daw sa agbuhaten nuy buhata haena tumenged ki Jesus ha Ginuu daw pasalamatan nuy daan sa Dios ha Amay taw pinaagi kandin.

1 Tesalonica 3:9

Aman tagpasalamatan day gayed iman sa Dios tumenged hu adagi ha kalipay day mahitenged inyu.

1 Tesalonica 5:18

Sigi kaw magpasalamat duun hu bisan inu ha maul-ulahan nuy ta iyan haini agkabayaan hu Dios ha buhaten nuy sinyu sa nakigsabuwa en ki Cristo Jesus.

2 Tesalonica 1:3

Mga suled, kinahanglan gayed ha sigi kuy magpasalamat duun hu Dios mahitenged inyu tumenged ta tag-iseg pa gayed sa pagtuu daw sa pagpinalanggaay nuy.

2 Tesalonica 2:13

Mga suled ha pinalanggà hu Ginuu, kinahanglan gayed ha sigi day pasalamatan sa Dios mahitenged inyu ta su hurà pa tanghagaa sa bisan inu pinilì kaw en kandin ha luwasen pinaagi hu pagbuhat inyu ha himpit hu Balaan ha Ispiritu daw pagtuu nuy daan hu kamatuuran.

Hebreo 13:15

Aman pinaagi ki Cristo Jesus sigi taw ihalad duun hu Dios sa pagdayè pinaagi hu pag-ikagi taw hu mga pagpasalamat kandin.

1 Pedro 2:5

Iling kaw daan hu mga batu ha inilahan hu kinabuhì ha aggamiten hu Dios hu pagbuhat hu balay din ta daw iyan kaw himpit ha sinaligan din daw pinaagi ki Cristo Jesus taghalad kaw hu kaugalingen nuy duun hu Dios ha iyan agkabayà-bayaan din.

1 Pedro 4:11

Ku amin tag-ikagi kinahanglan ha mag-ikagi hu hustu ha lalang hu Dios. Ku amin tagbulig buhaten din haena pinaagi hu bis-ay ha in-ila kandin hu Dios ta daw duun hu alan ha mga buhat madayè gayed sa Dios pinaagi ki Cristo Jesus, ta iyan dà haena angayan ha madayè daw magharì duun hu hurà din en katapusan.