Efeso 4:12 - Lalang Hu Dios

¹² Binuhat din haena ta daw sikuy sa mga etaw hu Dios masangkapan pagbuhat hu insugù hu Dios daw sa alan ha mga tumutuu ki Cristo ha iyan lawa din malig-enan daan

Efeso 4:12 ပူးပေါင်းရင်းမြစ်များ

Lucas 22:32

Ba inampuan ku ikaw, Pedro, ha sa pagsalig nu harì maawà. Ku maglig-en en sa pagtuu nu ipalig-en daan sa pagtuu hu mga duma nu.”

Mga Buhat 1:17

Ta saena duma day su anay ha pinilì ha apustul.

Mga Buhat 1:25

ha iyan makailis ki Judas ha apustul ta inawaan din haena sa katengdanan daw duminuun hu dapit ha angay kandin.”

Mga Buhat 11:23

Su makauma haena diyà naahà din sa pagpanalangin hu Dios kandan aman nabayà-bayà gayed. Pigdasig din ha maniguru gayed sidan daw harì umendà hu pagtuu duun hu Ginuu.

Mga Buhat 20:24

Ba hurà ku isipa ha palanggà sa kinabuhì ku iman ta sa mahinengdanen kanak iyan sa mapengahan ku gayed sa insalig kanak hi Jesus ha Ginuu ha iyan sa pagsangyaw hu Maayad ha Tultulanen mahitenged hu grasya hu Dios.

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

Mga Buhat 9:31

Duun taena ha panahun malinawen sa pagtimà hu mga tumutuu duun hu mga prubinsya ta Judea, ta Galilea daw ta Samaria. Miglig-en sa pagtuu dan daw pinaagi hu pagbulig kandan hu Balaan ha Ispiritu migdakel gayed sidan daw migmatinahuren daan sidan hu Dios.

Roma 12:5

Iling daan kanuy bisan ku madakel kuy ba sabuwa kuy dà ha lawa tumenged hu pagpakigsabuwa taw ki Cristo, aman amin taw labet duun hu kada sabuwa kanuy.

Roma 12:7

Ku sa katatau taw iyan sa pagbulig hu duma ha mga etaw buhaten taw gayed. Ku tagtudlù kuy buhaten taw daan haena.

Roma 14:19

Aman paniguruwan taw gayed sa malinawen ha pagdapità daw sa pagpalig-en hu pagtuu hu kada sabuwa.

Roma 15:14

Mga suled, nasiguru ku gayed ha maayad sa pamatasan nuy daw nasabut nuy sa kamatuuran aman angayan kaw en ha magtinudluay.

Roma 15:2

ba iyan taw buhaten sa agkabayà-bayaan hu mga duma taw ta daw malig-enan sa pagtuu dan.

Roma 15:29

daw natun-an ku ha ku makadiyan a adagi gayed sa panalangin kanuy hi Cristo.

1 Corinto 12:27

Alan kaw en lawa hi Cristo daw sa kada sabuwa inyu iyan bahin hu lawa din.

1 Corinto 12:7

Sa kada sabuwa kanuy inilahan hu katatau ta daw mabuligan taw sa mga duma taw.

1 Corinto 14:12

Iling daan haena inyu. Tumenged ta tungkay kaw agkabayà ha mailahan kaw taena ha ig-ila hu Balaan ha Ispiritu panayua nuy sa katatau ha makapalig-en hu pagtuu hu mga tumutuu ha tagkaamul-amul.

1 Corinto 14:14

Ta ku mag-ampù a pinaagi hu harì agkasabut ha inikagiyan sa henà-henà ku harì pakaduyug taena.

1 Corinto 14:26

Mga suled, ku mag-amul-amul kaw hu pagsimba iyan haini buhaten nuy. Sa sabuwa inyu magkanta hu pakadayè hu Dios, sa duma magtudlù daw sa duma magpadayag hu lalang hu Dios, sa duma mag-ikagi hu harì agkasabut ha inikagiyan daw sa sabuwa iyan maghubad taena. Bisan inu sa agbuhaten nuy kinahanglan ha saena makapalig-en hu pagtuu nuy.

2 Corinto 12:19

Henà-henà nuy iman ha bà day dà aglabani sa kaugalingen day. Ba natun-an gayed haini hu Dios ha sa inikagi day diyà gayed napuun ki Cristo daw sa katuyuan day iyan gayed sa pagpalig-en hu pagtuu nuy sinyu sa pinalanggà ha mga suled ku.

2 Corinto 13:11

Mga suled ku, iyan dà haini. Paniguru kaw ha mahimpit kaw gayed daw tumanen nuy sa salambagan ku inyu. Magsabuwa kaw hu henà-henà nuy ta daw magmalinawen sa pagdapità nuy. Ku buhaten nuy haini sa Dios ha iyan puunaan hu pagpalanggà daw kalinaw magduma inyu.

2 Corinto 13:9

Iyan igkabayà-bayà day ha bisan ku maluya kay ba malig-enan kaw. Aman tig-ampù day ha magmahimpit kaw gayed.

2 Corinto 3:8

kenà ba labaw pa gayed sa pagpadayag hu gahem din pinaagi hu Balaan ha Ispiritu ha tag-ila hu kinabuhì?

2 Corinto 4:1

Tumenged hu kahid-u hu Dios kanay pinilì kay kandin hu pagpanunultul taena ha bag-u ha kasabutan aman madasigen kay taini.

2 Corinto 5:18

Saini ha alan binuhat hu Dios ta pinaagi ki Cristo impalikù din sa maayad ha pagdapità din kanuy daw insalig din daan kanay sa pagsangyaw duun hu mga etaw ta daw makalikù sa maayad ha pagdapità dan hu Dios.

2 Corinto 6:3

Hurà kay magbuhat hu pakaelang hu mga etaw ta daw hurà bisan sin-u ha makasaway hu buluhaten day.

2 Corinto 7:1

Pinalanggà ku ha mga suled, tumenged taini ha insaad kanuy hu Dios, limpyuwan taw sa kaugalingen taw daw bisan sa henà-henà taw ta daw mahimpit kuy gayed pinaagi hu pagtahud taw hu Dios.

Efeso 4:16

daw diyà ta kandin nakasumpay sa alan ha bahin hu lawa sumalà duun hu kandin ha naugsakan. Ku sa kada sabuwa taena magbuhat hu katengdanan din sa lawa umadagi. Iling daan taena ha mag-iseg gayed sa pagtuu taw ku magpinalanggaay kuy alan.

Efeso 4:29

Harì kaw tag-ikagi hu mga malaw-ay ba kinahanglan ha sa mga lalang nuy iyan sa makabulig taena ha tagpaliliman inyu sumalà hu kinahanglanen dan daw iyan sa makapalig-en hu pagtuu dan.

Efeso 4:4

Sikuy sa alan ha tumutuu, sabuwa kuy dà ha lawa daw sabuwa dà daan ha Balaan ha Ispiritu sa uminulin kanuy. Sabuwa dà daan sa taghinamen taw ha insaad kanuy hu Dios su himuwen kuy kandin ha tumutuu.

Colosas 1:24

Iman igkalipay ku sa pag-antus tumenged inyu ta mapengahan ku sa kanak ha alantusen iling hu inantus hi Cristo, daw saini makapaayad hu alan ha mga tumutuu ha iyan lawa din.

Colosas 1:28

Iyan si Cristo tigsangyaw day. Tagsambagan daw tagtudluan day sa alan ha mga etaw sumalà hu natun-an day ta daw makagulang sa kada sabuwa duun hu pagtuu ki Cristo.

Colosas 4:17

Ikagiyi nuy si Arquipo ha pengahen din gayed sa buluhaten ha insalig kandin hu Ginuu.

1 Timoteo 1:12

Tagpasalamatan ku si Cristo Jesus ha Ginuu taw ha mig-ila kanak hu bis-ay daw mig-isip kanak ha matinumanen aman sinaligan a kandin pagsangyaw hu Maayad ha Tultulanen.

2 Timoteo 4:11

Iyan dà iman dini ta kanak si Lucas. Aman dumaha nu dini si Marcos ta mapuslanen haena hu pagbulig kanak.

2 Timoteo 4:5

Ba sikaw magpugung ka gayed hu kaugalingen nu daw dawata sa mga alantusen, dayuna daan sa pagsangyaw hu Maayad ha Tultulanen daw tumana sa katengdanan nu ha in-ila ikaw hu Dios.

Hebreo 13:17

Tumanen gayed sa mga agalen nuy daw tahura ta iyan sidan tag-alima inyu duun hu pagtuu daw iyan daan sidan agpanubag duun hu Dios ku pig-inu-inu dan sa katumana hu katengdanan dan. Magmatinumanen kaw kandan ta daw malipayen sidan duun hu buluhaten dan, ta ku harì kaw magtuman luyahan sidan daw sa mga buhat dan harì magpulus inyu.

Hebreo 6:1

Aman harì en iyan dà henhenaen sa nauna ha katudluanan mahitenged ki Cristo ba ipaiseg sa natun-an taw ta daw kenà iyan dà matun-an sa pagtuu duun hu Dios pinaagi hu paghinulsul hu mga salà ha iyan ngaay tag-uwit kanuy duun hu kamatayen,