Efeso 1:20 - Lalang Hu Dios

²⁰ su banhawen din si Cristo daw su ipapinuu din duun hu kawanan din diyà ta langit.

Efeso 1:20 ပူးပေါင်းရင်းမြစ်များ

Mateo 26:64

Tuminubag si Jesus, “Iyan ad en su inikagi nu. Ba ikagiyen ku inyu ha siak sa Batà hu Etaw maahà a asem inyu ha minuu a duun hu kawanan taena ha gamhanan ha Dios daw maahà a daan inyu ha makabulus diyà tayà ha gabunan.”

Mateo 28:18

Dayun uminubay si Jesus diyà ta kandan daw minikagi “In-ila kanak sa kagahem hu pagharì diyà ta langit daw dini ta kalibutan.

Marcos 14:62

Tuminubag si Jesus, “Iyan ad en daw ikagiyen ku inyu ha siak sa Batà hu Etaw maahà a asem inyu ha minuu a duun hu kawanan taena ha gamhanan ha Dios daw maahà a daan inyu ha makabulus diyà tayà ha gabunan.”

Marcos 16:19

Su maiwas haena ikagiya hi Jesus luminigtu diyà ta langit daw pinuu duun hu kawanan hu Dios.

Juan 10:18

Hurà gayed makapatay kanak ba ku matay a kanak en ha pagbayà. Amin ku katenged hu pagpakamatay daw amin ku daan gahem ha mabanhaw a dà ta iyan haini insugù kanak hu Dios ha Amay ku.”

Juan 10:30

Siak daw sa Amay ku sabuwa kay dà.”

Mga Buhat 10:40

ba su ikatulu ha aldaw binanhaw dà haena hu Dios daw impaahà din kanay.

Mga Buhat 26:8

Sinyu sa naamul-amul dini, imbà kaw harì agtuu ha mabanhaw hu Dios sa mga namamatay en?

Mga Buhat 4:10

kinahanglan ha matun-an nuy daw hu alan ha kaliwat hi Israel ha pinaagi hu ngaran hi Cristo Jesus ha taga-Nazareth sa impalansang nuy duun hu krus ba pigbanhaw dà hu Dios iyan ingkaulii taini ha tag-ahaen nuy iman.

Mga Buhat 5:31

Iman impatangkaw haena hu Dios daw duun impapinuu hu kawanan din isip ha Harì daw Manluluwas taw ta daw ku maghinulsul kuy sikuy sa mga kaliwat hi Israel pasayluwen kuy kandin.

Roma 8:34

Sin-u man sa makahukum pa kanuy hu silut? Hurà gayed ta si Cristo Jesus migpakamatay para kanuy ba nabanhaw dà daw duun en iman tagpinuu hu kawanan hu Dios ta iyan agpangatubang diyà ta kandin hu pag-ampù para kanuy.

Efeso 1:3

Dayeen gayed sa Dios ha iyan Amay hi Cristo Jesus ha Ginuu taw ta tumenged hu pagpakigsabuwa taw ki Cristo in-ila din kanuy sa bisan inu ha mga langitnen ha panalangin pinaagi hu pagkaulini taw hu Balaan ha Ispiritu.

Filipos 3:10

Sa agkabayaan ku iman iyan dà sa matun-an ku gayed sa mahitenged ki Cristo daw gaheman a kandin iling hu pagkabanhaw din, daw agkabayaan ku daan ha makaambit a duun hu mga pig-antus din daw mailingan ku su ihalad sa kinabuhì din

Colosas 1:16

Ta pinaagi kandin binuhat sa alan diyà ta langit daw dini ta kalibutan, sa agkaahà daw sa harì agkaahà daw sa alan ha amin din kagahem diyà ta kalangitan. Saini tinanghagà pinaagi ki Cristo ta daw matuman sa katuyuan din.

Colosas 3:1

Tumenged ta nabanhaw kaw duma ki Cristo henhenaen nuy gayed sa mga langitnen ha butang ta diyà en si Cristo tagpinuu hu kawanan hu Dios pagharì.

Hebreo 1:3

Sa pagpangaluanlag hu Dios impadayag pinaagi hu Batà din ta iling dà gayed sidan, daw iyan sa Batà din tagbayà hu alan ha tinanghagà pinaagi hu gahem hu pag-ikagi din. Su mapalas din en sa mga salà hu kaet-etawan pinaagi hu kamatayen din, luminikù diyà ta langit daw duun mininuu hu kawanan hu Dios ha gamhanan.

Hebreo 10:12

Ba si Cristo kasabuwa dà maghalad para hu alan ha mga salà hu kaet-etawan dayun mininuu duun hu kawanan hu Dios

Hebreo 13:20

Sa Dios ha iyan puunaan hu kalinaw mag-ila inyu hu bisan inu ha kinahanglanen pagtuman hu agkabayaan din, daw buhaten din diyan ta inyu sa makapabayà-bayà kandin pinaagi ki Cristo Jesus ha Ginuu taw sa binanhaw din daw nahimu ha bantugan ha magbalantay taw isip ha karniru kuy kandin, ta sa langesa hi Cristo Jesus iyan timaan hu hurà din katapusan ha kasabutan hu Dios daw kaet-etawan. Aman dayeen gayed hu hurà din katapusan.

Hebreo 2:9

Ba sa naahà taw en iman iyan si Jesus ha binuhat ha minus sa kahimtang din dì hu mga balinsuguen hu Dios duun hu mababà ha panahun ta daw tumenged hu grasya hu Dios magpakamatay para hu kaet-etawan. Ba iman impatangkaw daw dinayè tumenged hu mga pag-antus din hu kamatayen.

1 Pedro 1:3

Dayeen sa Dios ha iyan Amay hi Cristo Jesus ha Ginuu taw. Tumenged hu adagi ha kahid-u din kanuy in-isab kuy imbatà pinaagi hu pagbanhawa din ki Cristo Jesus. Aman iman amin taw adagi ha hinam

Impadayag 1:17

Su maahà ku haena bà a su minatay en ha naligid duun hu atubangan din. Ba inibitan a kandin ta kawanan din daw migyanaen, “Harì ka agkahaldek ta iyan a su puunaan daw sa katapusan hu alan.