Colosas 4:7 - Lalang Hu Dios

⁷ Si Tiquico sa palangga taw ha suled daw duma day ha matinumanen ha suluguen hu Ginuu iyan en magtultul inyu mahitenged hu tagkaula-ula ku dini.

Colosas 4:7 ပူးပေါင်းရင်းမြစ်များ

Mga Buhat 20:4

Dayun duminuma kandin si Sopater ha taga-Berea sa batà hi Piro, si Aristarco daw si Segundo sa mga taga-Tesalonica, si Gayo ha taga-Derbe daw si Timoteo, si Tiquico daw si Trofimo sa mga taga-Asia.

Filipos 2:25

Nahenà-henà ku daan ha kinahanglan ipaulì ku diyan ta inyu sa suled taw ha si Epafrodito sa iling ku ha tagtrabahu duun hu buluhaten hu Dios isip sundalu din ha sinugù nuy dini pag-alima kanak.

Colosas 1:7

Saini intudlù inyu hi Epafras sa pinalanggà ha bulig day daw matinumanen ha suluguen hi Cristo pinaagi hu pagbulig din inyu.

Colosas 4:12

Agpangamusta daan inyu si Epafras ha tagadiyan daan ta inyu daw suluguen hi Cristo Jesus. Saini agpaniguru tag-ampù ha gumulang sa pagtuu nuy daw matun-an nuy gayed sa agkabayaan hu Dios mahitenged inyu.

Colosas 4:9

Sa duma hi Tiquico iyan si Onesimo sa kasaligan daw palangga taw ha suled ha tagadiyan ta inyu. Iyan en sidan manunultul hu alan ha agkaula-ula day dini.

2 Timoteo 4:12

Impadiyan ku si Tiquico ta Efeso.

Tito 3:12

Igpadiyan ku ta ikaw si Artemas daw ku iyan ba si Tiquico. Ku makauma haini diyan sal-awen a ikaw diyà ta Nicopolis ta asem ku tilendeng diyà a tagtimà.