Colosas 4:3 - Lalang Hu Dios

³ Iampù kay daan inyu ha himuwen hu Dios sa paagi ha makapadayag day sa inlilung su anay mahitenged ki Cristo ta iyan haena hinengdan ha naprisu a iman.

Colosas 4:3 ပူးပေါင်းရင်းမြစ်များ

Mateo 13:11

Tuminubag si Jesus, “Sa inlilung su anay mahitenged hu pagharì hu Dios impadayag en inyu, ba saena hurà katun-i hu duma ha mga etaw.

Mga Buhat 14:27

Su makauma sidan diyà inamul dan sa alan ha mga tumutuu daw tultuli hu alan ha binuhat hu Dios pinaagi kandan daw ku inu sa paagi ha binuhat din ta daw makatuu sa kenà mga Judio.

Roma 16:25

Sa Dios iyan pakapalig-en hu pagtuu nuy pinaagi hu Maayad ha Tultulanen mahitenged ki Cristo Jesus ha insangyaw ku ha inlilung su anay

1 Corinto 16:9

ta madakel pa sa agkabayà agpaliliman hu lalang hu Dios dini bisan ku madakel daan sa agkuntra kanak.

1 Corinto 4:1

Sikay sa mga apustulis ha sinaligan hu pagtudlù taena ha inlilung hu Dios su anay, isipen kay inyu ha bà kay dà mga suluguen hi Cristo.

2 Corinto 2:12

Su makadiyà a ta Troas hu pagsangyaw hu Maayad ha Tultulanen mahitenged ki Cristo naahà ku ha binuhat hu Ginuu sa paagi ta daw madawat a hu mga etaw.

Efeso 3:1

Iyan haini hinengdan ha naprisu a ta migsangyaw a mahitenged ki Cristo Jesus diyan ta inyu sinyu sa kenà mga Judio.

Efeso 3:3

ta impadayag din kanak sa inlilung din su anay ha nakasulat kud en daan.

Efeso 3:4

Aman ku basahen nuy haini matun-an nuy gayed sa kasabuta ku taena ha inlilung mahitenged ki Cristo.

Efeso 3:9

Pinilì a daan kandin hu pagpasabut duun hu kaet-etawan mahitenged hu katumanan taena ha henà-henà hu Dios. Sa Dios ha iyan migtanghagà hu alan miglilung taena sugud dà su anay

Efeso 4:1

Siak sa naprisu tumenged hu pagsunud ku hu Ginuu aghangyuen ku inyu ha tumenged ta pighimu kaw hu Dios ha tumutuu sa pamatasan nuy angayan gayed hu tumutuu.

Filipos 1:19

Iman agkabayà-bayà a daan ta natun-an ku ha pinaagi hu pag-ampù nuy daw pagbulig hu Balaan ha Ispiritu ha sinugù hi Cristo Jesus makaguwà a dà dini ta prisuhan.

Filipos 1:7

Angayan gayed ha palanggaen ku inyu alan ta nakabulig kaw hu impabuhat kanak hu Dios kenà duun dà hu pagkaprisu ba duun daan hu pagpangatarengan ku mahitenged hu Maayad ha Tultulanen ta daw mapamatud-an ha saini laus gayed.

Colosas 1:26

Saini inlilung din su anay ba iman impadayag en duun hu mga etaw din.

Colosas 4:18

Iyan a si Pablo sa migsulat taini ha pangamusta. Harì nuy aglipati ha dini a iman ta prisuhan. Panalanginan kaw hu Dios.

1 Tesalonica 5:25

Mga suled, iampù kay daan inyu.

2 Timoteo 1:16

Ba mapanalanginan si Onesiforo daw sa pamilya din ta kapila ad kandin dasiga daw hurà din ikagayhà sa pagkaprisu ku.

2 Timoteo 2:9

daw pinaagi taena tag-antus a hu mga malegen daw naprisu a pa iling hu makasasalà. Ba sa lalang hu Dios harì gayed agkaprisu.

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Filemon 1:22

Iman amin pa aghangyuen ku ha taganahi a diyan hu aghidegaan ku, ta tumenged hu pag-ampù nu ima ku ha makaguwà a dini ta prisuhan daw makadiyan a daan ta ikaw.