Colosas 4:15 - Lalang Hu Dios

¹⁵ Ipangamusta kay daan inyu hu mga suled taw diyà ta Laodicea ki Ninfa daw hu mga tumutuu ha tagkaamul-amul duun hu balay din.

Colosas 4:15 ပူးပေါင်းရင်းမြစ်များ

Roma 16:5

Ipangamusta a daan hu mga tumutuu ha duun tagkaamul-amul hu balay dan. Ipangamusta a ki Epanato sa pinalanggà ku ha iyan una ha nakatuu ki Cristo diyà ta prubinsya ta Asia.

1 Corinto 16:9

ta madakel pa sa agkabayà agpaliliman hu lalang hu Dios dini bisan ku madakel daan sa agkuntra kanak.

Colosas 2:1

Agkabayaan ku ha matun-an nuy sa pagpaniguru ku hu pagtrabahu para inyu daw hu mga tumutuu diyà ta Laodicea daw hu alan ha hurà pa makakilala kanak.

Colosas 4:13

Makaikagi a daan ha si Epafras naniguru gayed duun hu buluhaten hu Ginuu para inyu daw hu mga tumutuu diyà ta Laodicea daw ta Hierapolis.

Colosas 4:16

Ku mapengahan nuy haini basaha sa sulat ku inyu ipabasa daan hu mga tumutuu diyà ta Laodicea, daw basaha daan sa sulat ku diyà ta kandan.

Filemon 1:2

daw si Apia ha suled taw ha bahi duun hu pagtuu, si Arquipo duma day daan ha sundalu hi Cristo Jesus daw sa mga tumutuu ha tag-amul-amul hu pagsimba diyan ta balay nu.