Colosas 2:18 - Lalang Hu Dios

¹⁸ Harì kaw daan tagpaliliman taena ha tagpahaluhid-u daw tagsimba hu mga balinsuguen hu Dios ta iyan kun haena nadamugu dan. Saena ha mga etawa galbuwen ta kandan dà haena ha henà-henà.

Colosas 2:18 ပူးပေါင်းရင်းမြစ်များ

Mateo 24:24

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Roma 1:25

Natun-an dan en sa kamatuuran mahitenged hu Dios ba iyan dan pigtuman sa mga bidù daw iyan dan paman sinimba sa bà dà binuhat dì su migtanghagà taena ha iyan sa Dios ha agdayeen gayed hu hurà din katapusan.

Roma 16:18

ta sa mga etaw ha iling kandan kenà mga suluguen hi Cristo ha Ginuu ta iyan dan tagsunuren sa kandan ha agkabayaan. Pinaagi hu mga binulak-bulakan ha mga lalang dan daw hu pagpadalig-dalig aglimbungan dan sa laus dà agkabiduan.

1 Corinto 13:4

Sa amin din laus ha pagpalanggà tagpailub daw amin din kaluuy, kenà daan masinahen daw kenà galbuwen, harì tagpalabaw-labaw

1 Corinto 3:3

Iyan pa tagharì diyan ta inyu sa kalibutanen iling hu kasina daw pagsawalà ha iyan timaan ha agkangailing kaw pa hu kenà tumutuu ta iyan nuy pa gayed tagsunuren sa inyu dà ha agkabayaan.

1 Corinto 4:18

Sa duma inyu tagpagalbu ta abi nuy ha harì a agdiyan ta inyu.

1 Corinto 4:6

Mga suled, saini ha inikagi ku inyu iyan sa mahitenged kanak daw ki Apollo ta daw matun-an nuy sa maayad ha agbuhaten sumalà hu insulat ha lalang hu Dios daw tumenged taena harì nuy isipen ha amin labaw kanay.

1 Corinto 8:1

Iman mahitenged hu pagkaen ha inhalad duun hu mga diyus-diyus iyan haini igtudlù ku inyu. Natun-an taw en ha agpakatuen kuy. Ba bisan pa taini harì kuy magpagalbu hu natun-an taw ta kenà haini iyan makabulig hu pagtuu hu mga duma taw ba pinaagi dà gayed hu pagpalanggà taw kandan.

1 Corinto 9:24

Natun-an nuy en ha ku amin taglumbà madakel sa agtampu ba sabuwa dà gayed sa pakadaeg daw agkailahan hu bales. Aman ilingan nuy haena sa taglumbà ha agpaniguru gayed ha iyan makadaeg.

2 Corinto 11:3

Ba kan ku mailing kaw ki Eva ha linimbungan hu bunsalagan na sa henà-henà nuy mahalin dà daw harì kaw dumayun magmatinumanen ki Cristo.

2 Corinto 12:20

Agkasamuk a ha ku makadiyan a maahà ku sa pamatasan nuy ha harì ku agkabayaan dayun maikagi ku daan sa agtambagan nuy. Ta amin diyan ta inyu tagsawalà daw masinahen, madalì mapauk daw agapan hu pag-uswag, tagpandaet hu dengeg daw tangituk, galbuwen daw tag-uwit hu kagubut.

Efeso 4:17

Ag-ikagiyen ku inyu ha tumenged hu pagpakigsabuwa taw hu Ginuu kinahanglan ha endaan nuy sa madaet ha pamatasan ha iyan tagbuhaten hu kenà pa tumutuu, ta sa mga henà-henà dan hurà din pulus

Efeso 5:6

Harì kaw gayed magpalimbung hu bisan sin-u pinaagi hu mga lalang dan ha hurà din pulus ta tumenged taena ha mga madaet ha buhat agsilutan hu Dios sa etaw ha agpakasupak kandin.

Filipos 3:14

Tagpadayun a duun hu daeganan ta daw matimù ku sa bales hu Dios ha iyan in-umawa din kanak pagseled hu tagharian din pinaagi hu pagpakigsabuwa ku ki Cristo Jesus.

Colosas 2:23

Bisan ku sa tagbuhaten dan bà su madagway ta masinimbahen sidan tagpahaluhid-u daw tagpasipalahan sa lawa dan, ba saena hurà din pulus ta harì haena iyan pakapegeng hu pagbuhat hu madaet.

Colosas 2:4

Inikagi ku haini diyan ta inyu ta daw harì kaw malimbungan taena ha mga etaw ha bà su maayad sa katarengan dan.

Colosas 2:8

Mag-andam kaw gayed ha harì kaw makabig hu bisan sin-u pinaagi hu limbung ha katudluanan ha hurà din pulus ha duun dà napuun hu kalibutanen ha tulumanen daw henà-henà. Kenà haena iyan kamatuuran ta hurà diyà kapuun ki Cristo.

1 Timoteo 1:7

Agkabayà ngaay sidan tagtudlù hu Kasuguan ba harì dan agkatun-an sa tag-ikagiyen daw sa katudluanan ha igpeges dan hu kaet-etawan.

1 Timoteo 4:1

Sa Balaan ha Ispiritu tag-ikagi, duun hu hudiyan ha panahun amin gayed umendà duun hu pagtuu daw sumunud hu tinumanan hu mga limbungan ha tinaguan hu mga busaw.

2 Pedro 2:14

Iyan dan dà taghenhenaen sa pagbuhat hu madaet duun hu bisan sin-u ha bahi ha agkaahà dan daw harì sidan pakatigel pagbuhat hu salà. Aglimbungan dan sa etaw ha maluya pa sa pagtuu din daw iyan en batasan dan sa pagkaagapan. Ba agsilutan gayed sidan hu Dios.

1 Juan 2:26

Sinulatan ku inyu iman ta daw makilala nuy sa mga etaw ha tagpasuway ngaay inyu duun hu kamatuuran.

Impadayag 12:9

Su dragun iyan su Yawà ha bunsalagan su anay daw tagngaranan ki Satanas ha iyan daan miglimbung hu alan ha kaet-etawan dini ta kalibutan. Aman saena daw sa mga ginsakupan din hinulug dini ta kalibutan.

Impadayag 13:14

Tumenged ku mga timaan ha impaahà din duun hu atubangan ku nauna ha mananap nalimbungan din sa mga tagtimà dini ta kalibutan. Sinugù din sa mga etaw ha magbuhat hu larawan ku nauna ha mananap ta daw masimba dan haena sa naadulan hu ispada ba hurà patay.

Impadayag 13:8

Simbahen haena hu alan ha mga etaw ha hurà makasulat sa mga ngaran dan duun taena ha libru hu kinabuhì ha kandin ku hinimatayan ha Nati ha Karniru. Saena ha libru daan en nasulatan hu mga ngaran su hurà pa tanghagaa sa kalibutan.

Impadayag 19:10

Duun taena luminuhud a duun hu atubangan din ta agsimbahen ku ngaay, ba inikagiyan a kandin, “Harì a ikaw iyan agsimbaha ta siak daw sikaw daw sa alan ha nangeseg hu kamatuuran ha intudlù hi Jesus mig-iling kuy dà ha suluguen hu Dios. Iyan nu dà gayed simbahen sa Dios.” Sa kamatuuran ha intudlù hi Jesus iyan daan impaikagi hu Dios taena ha mga prupita din.

Impadayag 3:11

Laus ad en aglikù. Aman pangesegi sa pagtuu nuy ta daw hurà makaagaw hu igbales inyu.