Colosas 2:11 - Lalang Hu Dios

¹¹ Tumenged hu pagpakigsabuwa nuy ki Cristo iling ha pigsirkunsidahan kaw, ba kenà pinaagi hu etaw dà ta pinaagi gayed ki Cristo ta inawà din sa kinaiya nuy ha makasasalà.

Colosas 2:11 ပူးပေါင်းရင်းမြစ်များ

Marcos 14:58

“Napaliman day haini ha tagyanaen, ‘Agkagasen ku haini sa Timplu ha binalay hu etaw, ba duun hu tatulu ha aldaw agbalayen ku dà sa lain ha timplu ha kenà en binuhat hu etaw.’”

Lucas 2:21

Su makauma sa ikawalu ha aldaw pigpasirkunsidahan su batà dayun pigngaranan haena hu Jesus ta iyan haena ngaran ha in-ila hu balinsuguen hu Dios su hurà pa kabedes si Maria.

Mga Buhat 17:24

“Iyan haini Dios ha migtanghagà ta kalibutan daw hu alan ha tagtimà duun daw Magbabayà daan ta langit daw ta kalibutan. Aman hurà haini duun dà magtimà hu simbahan ha binuhat hu etaw

Mga Buhat 7:48

“Ba bisan pa taena sa Dios ha Magbabayà hu alan harì tagtimà duun hu balay ha binuhat hu etaw dà ta inikagi en hu prupita,

Roma 2:29

ta sa laus ha Judio iyan haena sa inulinan hu Balaan ha Ispiritu daw kenà pinaagi hu pagtuman hu Kasuguan. Sa etaw ha iling taena kenà etaw dà sa tagdayè kandin ba iyan daan sa Dios.

Roma 6:6

Natun-an taw en ha sa daan ha kinaiya taw nakalansang en daan duun hu krus duma ki Cristo ta daw maawà sa sigi taw dà pagpakasalà daw harì kuy en maulipen taena,

Roma 7:24

Pinakahaluhid-u a gayed. Sin-u man sa makalibri kanak hu pagkaulipen ku duun hu lawa ku ha makasasalà ha agsilutan hu hurà din katapusan?

2 Corinto 5:1

Natun-an taw ha ku matay en haini sa lawa taw amin taw bag-u ha lawa diyà ta langit ha ig-ila kanuy hu Dios ha harì en agkaledak.

2 Corinto 5:17

Aman sa etaw ha nakigsabuwa ki Cristo bag-u en ha etaw ta sa daan ha pamatasan din nailisan en hu bag-u.

Galacia 2:20

Iling a hu inlansang duun hu krus duma ki Cristo. Aman kenà ad en iyan tagbayà hu kinabuhì ku iman ba iyan en si Cristo sa tagtimà dini ta kanak, daw sa pagkinabuhì ku iman pinaagi en hu pagtuu ku hu Batà hu Dios ha iyan migpalanggà kanak daw migpakamatay para kanak.

Galacia 5:24

Sa alan ha nakigsabuwa ki Cristo Jesus iling hu nakalansang en daan duun hu krus sa makasasalà ha kinaiya din ha iyan sa tungkay kabayà hu alan ha madaet.

Efeso 4:22

Endai en sa daan ha kinaiya nuy ha nadaetan en tumenged ta nalimbungan kaw hu kabayà nuy,

Filipos 3:3

Ba iyan kuy laus ha batà hu Dios ta sinimba taw sa Dios pinaagi hu Balaan ha Ispiritu ha sinugù din daw igkalipay taw iman sa pagpakigsabuwa taw ki Cristo Jesus. Kenà taw iyan sinaligan sa kalibutanen ha mga tulumanen

Colosas 3:5

Aman endai nuy en sa kalibutanen ha kinaiya iling hu pagbuhat hu malaw-ay daw mahugaw, sa harì pagtigel hu madaet ha kabayà, sa kaayat daw sa pagkaagapan hu butang dini ta kalibutan ha bà su agkabuhat en ha diyus nuy.

Hebreo 9:11

Iman nakauma en si Cristo ha iyan tungkay labaw ha sinaligan hu paghalad pinaagi hu bag-u ha paagi, daw sa Tabirnakulu ha sineledan din, kenà binuhat hu etaw ta kenà haena dini dà ta kalibutan.

Hebreo 9:24

Aman sa inhalad hi Cristo iyan gayed sa lawa din daw saena ha Tabirnakulu ha sineledan din kenà dini dà ta kalibutan ha binuhat hu etaw ba iyan gayed sa laus ha Tabirnakulu diyà ta langit. Iman iyan haena agpangatubang duun hu Dios para kanuy.