Colosas 1:9 - Lalang Hu Dios

⁹ Aman sugud su mapaliman day haena hurà kay gayed endà hu pag-ampù mahitenged inyu. Taghangyuen day duun hu Dios ha matun-an nuy gayed sa agkabayaan din pinaagi hu kaalam daw hu pagsabut ha napuun duun hu Balaan ha Ispiritu

Colosas 1:9 ပူးပေါင်းရင်းမြစ်များ

Juan 7:17

Bisan sin-u sa agkabayà tagtuman taena ha agkabayaan hu Dios matun-an din gayed ku sa tigtudlù ku kanak dà ba daw ku duun ba napuun hu Dios.

Mga Buhat 12:5

Aman binantayan gayed haena diyà ta prisuhan. Ba sa mga tumutuu naniguru gayed hu pag-ampù duun hu Dios mahitenged kandin.

Roma 12:2

Harì nuy ag-ilingi sa kinaiya ha kalibutanen ba ilisan nuy sa pamatasan nuy pinaagi hu pagbag-u hu henà-henà nuy. Dayun masusi nuy ku inu sa pagbayà hu Dios ta saena iyan himpit daw maayad ha makapabayà-bayà kandin.

1 Corinto 1:5

ta tumenged hu pakigsabuwa nuy ki Cristo Jesus pigpanalanginan kaw gayed labi en hu kaalam daw katatau hu pagtudlù.

Efeso 5:10

Paniguruwi ku inu sa igkabayà-bayà hu Ginuu.

Efeso 5:17

Harì kaw magbuhat hu hurà din pulus ba sabuten nuy ku inu sa agkabayaan hu Dios ha buhaten nuy.

Efeso 6:6

Saini kenà bà dà pagtuman ta daw maahà hu agalen nuy daw mabayà-bayà sidan, ba malipayen kaw hu pagbuhat hu agkabayaan hu Dios isip suluguen hi Cristo

Colosas 3:16

Iduun hu mga henà-henà nuy sa mga katudluanan hi Cristo. Magpatudluay daw magdinasigà kaw sumalà hu natun-an hu kada sabuwa inyu. Magkanta kaw daan hu mga Salmo daw hu duma ha mga kanta ha pakadayè hu Dios duma hu pagpasalamat nuy diyà ta kandin.

Colosas 4:12

Agpangamusta daan inyu si Epafras ha tagadiyan daan ta inyu daw suluguen hi Cristo Jesus. Saini agpaniguru tag-ampù ha gumulang sa pagtuu nuy daw matun-an nuy gayed sa agkabayaan hu Dios mahitenged inyu.

Colosas 4:5

Mag-andam kaw hu pamatasan nuy duun hu kenà mga tumutuu. Ku amin nuy higayun tudlui daan sidan

1 Tesalonica 5:17

daw harì kaw tagluya hu pag-ampù.

2 Tesalonica 1:11

Iyan haini hinengdan ha sigi kay tag-ampù inyu ha buhaten hu Dios taw ha angayan kaw duun hu paghimu din inyu ha tumutuu, daw pinaagi hu gahem din matuman nuy sa maayad ha mga buhat daw katuyuan nuy tumenged hu pagtuu nuy kandin.

Filemon 1:4

Sigi ku tagpasalamatan sa Dios ku agkahenà-henà ku ikaw duun hu pag-ampù ku

Filemon 1:6

Iyan iman tig-ampù ku ha maniguru ka hu pagpanunultul hu pagtuu nu ta daw masabut taw gayed sa alan ha mga panalangin tumenged hu pagpakigsabuwa taw diyà ki Cristo.

Hebreo 10:36

Ba kinahanglan ha magpailub kaw ta daw matuman nuy sa agkabayaan hu Dios, daw madawat nuy haena sa insaad din,

Santiago 1:5

Ba ku amin inyu nakulangan hu kaalam kinahanglan ha manayù duun hu Dios ta iila din haena inyu tumenged ta sa Dios kalalagan gayed daw harì kaw kandin agpagagayhaan.

Santiago 3:17

Ba sa etaw ha sa katatau din napuun duun hu Dios mahimpit gayed sa henà-henà din daw malinawen sa pagdapità din duun hu mga duma din, matinahuren gayed daw malumu ha aglalangen, mahid-uwen daan daw sa buhat din pulus maayad, hurà din igpalabi daw harì bà dà tagpasibù-sibù.

1 Pedro 2:15

Ta sa agkabayaan hu Dios iyan sa pinaagi taena ha pagbuhat nuy hu maayad makahagteng sa mga etaw ha maal en tag-ikagiyà.

1 Pedro 4:2

Aman harì din en buhaten sa madaet ha babayaen duun taini ha nasamà iman ha panahun hu pagtimà din dini ta kalibutan, ba iyan din en gayed buhaten sa agkabayaan hu Dios.

1 Juan 2:17

Saini ha kalibutan agkahanaw dà daw sa bisan inu ha agkabayaan hu mga etaw duun, ba saena ha matinumanen hu Dios amin din kinabuhì ha harì gayed agkahanaw.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.