Colosas 1:14 - Lalang Hu Dios

¹⁴ Pinaagi ki Cristo nakauhang kuy daw napasaylu sa mga salà taw.

Colosas 1:14 ပူးပေါင်းရင်းမြစ်များ

Mateo 20:28

Bisan siak sa Batà hu Etaw kenà ku iyan indini ta kalibutan ta daw mabuligan a hu mga etaw, ba sa pagdini ku iyan sa pagbulig daw sa pagpakamatay ta daw malibri sa kaet-etawan ha naulipen hu salà.”

Lucas 5:20

Su matun-an hi Jesus ha adagi gayed sa pagsalig dan inikagiyan din su agkadaluwan, “Napasaylu en sa mga salà nu.”

Mga Buhat 10:43

Inikagi en hu alan ha mga prupita ha bisan sin-u sa tumuu kandin mapasaylu sa mga salà dan pinaagi hu ngaran hi Jesus.”

Mga Buhat 2:38

Tuminubag si Pedro, “Alan kaw maghinulsul ta daw mapasaylu sa mga salà nuy daw magpabautismu kaw duun hu ngaran hi Cristo Jesus. Dayun maulinan kaw hu Balaan ha Ispiritu

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

Mga Buhat 26:18

ta daw makaindan sidan dayun umawà sidan duun hu kasukileman daw dumuun sidan hu kapawaan. Ta ku umawà sidan duun hu pagbayà hi Satanas daw magpasakup sidan duun hu Dios pinaagi hu pagtuu dan kanak mapasaylu gayed sa mga salà dan daw mabuhat sidan ha mga etaw hu Dios.’

1 Corinto 1:30

Iman pinaagi hu Dios nasabuwa kuy ki Cristo Jesus, aman tumenged kandin amin taw kaalam daw inisip kuy hu Dios ha matareng daw mahimpit ha mga etaw din ha nalibri duun hu mga salà taw.

Galacia 3:13

Ba natun-an taw en ha hurà gayed makatuman hu alan ha Kasuguan. Ba bisan ku masupak taw sa Kasuguan linibri kuy hi Cristo ta iyan en haena sinilutan para kanuy pinaagi hu kamatayen din duun hu krus, ta sa insulat ha lalang hu Dios tagyanaen, “Sa etaw ha aghimatayan daw igbitay duun hu kayu sinilutan hu Dios.”

Efeso 1:7

Tumenged hu langesa hi Cristo linibri kuy kandin daw napasaylu sa mga salà taw sumalà hu grasya hu Dios kanuy ha harì gayed masukud.

Efeso 4:32

Magmaluluy-en daw magpinasayluwà kaw iling ha pinasaylu kaw daan hu Dios tumenged ki Cristo.

Efeso 5:2

daw magpinalanggaay kaw gayed iling ha si Cristo pinalanggà kuy kandin daw migpakamatay para kanuy na sa kamatayen din iling hu mahumut ha inhalad duun hu Dios.

Colosas 2:13

Su anay bà su minatay kaw tumenged hu salà daw pagtuman hu makasasalà ha kinaiya nuy, ba iman pig-ilahan kaw hu Dios hu kinabuhì duma ki Cristo. Pinasaylu din daan sa mga salà taw

Colosas 3:13

Mag-inantusay kaw gayed daw pasayluwa nuy sa nakasalà diyan ta inyu. Iling ha pinasaylu kaw hu Ginuu kinahanglan ha pasayluwen nuy daan sidan.

1 Timoteo 2:6

daw migpakamatay ta daw mabawì kuy kandin. Pinaagi taena su mauma sa natugun ha panahun nakapadayag din ha sa tuyù hu Dios iyan sa pagluwas hu kaet-etawan.

Tito 2:14

ha migpakamatay para kanuy ta daw malibri kuy duun hu pagkaulipen taw hu salà, daw aghimpiten kuy kandin ta daw mabuhat kuy ha mga etaw din ha madasigen pagbuhat hu maayad.

Hebreo 9:12

Kasabuwa dà si Cristo seled duun taena ha Tungkay Balaan ha Lugar daw hurà daan mag-uwit hu langesa hu mga kambing daw hu mga baka ha ighalad din ba iyan en gayed sa kandin ha langesa daw pinaagi taena linibri kuy kandin hu hurà din katapusan.

Hebreo 9:22

Sumalà hu Kasuguan apit en sa alan ha mga butang agpamalasen hu langesa, ta sa pagpasaylu hu salà pinaagi dà gayed hu pagpamalas hu langesa.

1 Pedro 3:18

Si Cristo kasabuwa dà magpakamatay daw iyan haena matareng ha migpakamatay para hu kenà matareng ta daw mabuhat kuy ha mga etaw hu Dios. Migpakamatay haena ba bubuhay pinaagi hu Balaan ha Ispiritu

1 Juan 1:9

Ba ku isugid taw duun hu Dios sa mga salà taw agpasayluwen din daw aglimpyuwan kuy kandin duun hu mga madaet ha buhat taw, ta matinumanen daw matareng sa Dios.

1 Juan 2:12

Sinyu sa pinalanggà ha mga batà ku, sinulatan ku inyu ta napasaylu en sa salà nuy pinaagi ki Jesus.

1 Juan 2:2

daw inhalad sa kaugalingen din ta daw mapalas sa mga salà taw daw hu alan ha kaet-etawan.

Impadayag 14:4

Saena mga maama ha himpit ta hurà gayed makasalà duun hu bahi. Sigi dà sidan taglupug taena ha Nati ha Karniru bisan hindu duun agpayanaen. Duun hu alan ha kaet-etawan iyan sidan linuwas iling hu lagunen ha inhalad duun hu Dios daw duun hu Nati ha Karniru.

Impadayag 5:9

Migkanta daan sidan hu bag-u ha kalantahen ha tagyanaen, “Iyan ka dà gayed angayan hu pagtimù ku linulun ha balasahen daw pag-awà taena ha impadeket duun ha timaan ta hinimatayan ka daw pinaagi hu langesa nu binawì nu sa mga etaw para hu Dios. Saena ha mga etaw duun napuun hu migkalain-lain ha kaliwatan, mga nasud daw hu alan ha mga inikagiyan.