2 Timoteo 4:8 - Lalang Hu Dios

⁸ Aman intagana en sa bales ha ig-ila kanak hu Ginuu sa matareng ha Maghuhukum duun asem taena ha aldaw tumenged hu mga matareng ha binuhat ku. Daw kenà a iyan dà makadawat taena ta lagkes en daan sa alan ha tagsalap hu paglikù din.

2 Timoteo 4:8 ပူးပေါင်းရင်းမြစ်များ

Mateo 24:36

“Hurà nakatuen hu panahun ku kan-u haena agkahitabù bisan pa sa mga balinsuguen ta langit daw siak, ta iyan dà gayed sa Dios ha Amay ku nakatuen taena.

Mateo 7:22

Duun asem hu Aldaw hu Paghukum madakel sa mag-ikagi, ‘Ginuu, pinaagi hu ngaran nu insaysay day sa impaikagi nu daw pigbugaw day sa mga busaw daw madakel pa gayed ha mga belenganen sa nabuhat day.’

Lucas 10:12

Ikagiyen ku inyu ha asem ku Aldaw hu Paghukum mahagkap dà sa isilut hu Dios taena ha mga etaw diyà ta Sodoma dì hu mga etaw iman duun taena ha banuwa.

Roma 2:5

Ba tumenged ta madesen sa henà-henà nuy daw harì kaw taghinulsul adagi gayed sa igsilut inyu duun asem taena ha aldaw ha ipadayag sa matareng ha paghukum hu Dios

Roma 8:23

Ba kenà iyan dà haena tag-antus ta nakalagkes kuy en daan sa inulinan hu Balaan ha Ispiritu iman ha tag-antus kuy pa hu pag-angat taena ha panahun ha ipadayag hu Dios ha mga batà kuy kandin daw ilisan din sa lawa taw hu bag-u ha harì en agpatay.

1 Corinto 2:9

Ba sa insulat ha lalang hu Dios tagyanaen, “Sa hurà pa kaahà daw kapaliman hu etaw daw sa hurà pa paghenhenaa hu etaw iyan en intagana ha ig-ila hu Dios hu mga etaw ha tagpalanggà kandin.”

1 Corinto 3:13

Duun asem hu Aldaw hu Paghukum igpadayag ku agkainu-inu sa buhat hu kada sabuwa ta saini agsulayan pinaagi hu hapuy ku masunug ba daw ku harì.

1 Corinto 9:25

Saena ha agtampu hu lumbà kinahanglan ha tagpugung hu kaugalingen dan ta daw hurà makasamuk kandan. Agbuhaten dan haena ta daw mailahan hu bales ha agkahanaw dà, ba sikuy maniguru kuy ta daw mailahan kuy hu bales ha harì en gayed agkahanaw.

2 Corinto 5:2

Tumenged hu mga malegen iman tag-antus kuy hu pag-angat ha mailisan en haini sa lawa taw hu langitnen ha lawa.

Filipos 3:11

ta daw mabanhaw a daan asem.

Colosas 1:5

Saini tumenged hu hinam nuy taena ha intagana inyu diyà ta langit ha napaliman nuy su anay makauma diyan sa kamatuuran mahitenged ki Cristo Jesus. Saini ha Maayad ha Tultulanen agpakalekep en dini ta kalibutan daw agpamunga duun hu bisan hindu iling daan diyan ta inyu sugud su anay nuy mapaliman daw su masabut nuy en sa kamatuuran mahitenged hu grasya hu Dios.

1 Tesalonica 1:10

daw tagsalapen nuy en daan ha lumikù dà dini sa Batà din ha si Jesus su binanhaw din ha iyan daan asem aglibri kanuy ku silutan hu Dios sa kaet-etawan.

1 Tesalonica 5:4

Ba sikuy mga suled, kenà kuy en duun hu kasukileman aman harì kuy en makignat ku makauma sa silut hu Dios.

2 Tesalonica 2:8

Duun asem taena humiwal haena hu mababà ha panahun ta ku lumikù si Jesus ha Ginuu, pinaagi hu pagkagamhanan din daegen din haena daw silutan gayed.

1 Timoteo 6:19

ta pinaagi taena maamul-amul sa katigayunan dan diyà ta langit ha harì en gayed mahanaw daw maangken dan sa laus ha kinabuhì ha hurà din en gayed katapusan.

2 Timoteo 1:10

Iman impadayag din en haena pinaagi hu pagdini hi Cristo Jesus ha Manluluwas taw. Si Jesus nadaeg din en sa gahem hu kamatayen daw pinaagi hu Maayad ha Tultulanen natun-an ta ha amin tad en kinabuhì ha hurà din katapusan.

2 Timoteo 1:12

daw iyan haini hinengdan ha tag-antus a iman. Ba harì kud haini igkagayhà ta natun-an kud ku sin-u sa pigtuuwan ku daw siguru a gayed ha mabantayan din sa insalig ku kandin hangtud ha makalikù si Cristo Jesus.

2 Timoteo 1:18

daw natun-an nud en daan ha binuligan a kandin hu bisan inu ha paagi su diyà a pa ta Efeso. Aman mapanalanginan haena ku lumikù sa Ginuu.

2 Timoteo 2:5

Daw ku amin lumbà sa etaw harì gayed makadaeg ku harì magtuman hu mga balaud duun taena ha lumbaan.

2 Timoteo 4:1

Duun hu atubangan hu Dios daw hi Cristo Jesus ha iyan maghukum hu mga minatay en daw mga bubuhay pa daw tumenged ta aglikù si Jesus hu pagharì, ikagiyen ku ikaw

Tito 2:13

Buhaten taw haena iman ha tag-angat kuy pa hu pagdini hu gamhanan ha Dios ha si Cristo Jesus sa Manluluwas taw

Hebreo 12:11

Ku agbaldengen kuy iman harì kuy agkalipay duun. Ba ku maiwas haena iyan pakaila kanuy hu matareng ha pamatasan daw hu malinawen ha paghenà-henà.

Hebreo 9:28

Iling daan taena si Cristo kasabuwa dà magpakamatay hu pagpamalas hu salà hu kaet-etawan. Ku lumikù asem haena sa tuyù din kenà en iyan sa pag-uwit duun hu krus hu salà hu kaet-etawan ba iyan en sa katumanan hu kaluwasan taena ha tagsalap kandin.

Santiago 1:12

Malipayen gayed sa etaw ha makaantus hu alan ha pagsulay, ta ku maiwas haena madawat din sa bales ha iyan sa kinabuhì ha hurà din katapusan ha insaad hu Dios duun hu mga etaw ha tagpalanggà kandin.

1 Pedro 1:4

ta sa tagsalapen taw iyan sa intagana hu Dios kanuy diyà ta langit ha harì en gayed agkadaet daw harì en daan agkaledak daw harì en gayed daan agkahanaw.

1 Pedro 5:4

Ku lumikù si Cristo Jesus sa labaw ha magbalantay balesan kaw kandin ta makaambit kaw hu harì en gayed agkahanaw ha pagkagamhanan din.

Impadayag 1:7

Timan-i nuy ha ku lumikù si Jesus diyà tayà ha gabunan maahà gayed hu alan-alan bisan haena sa migdughang kandin su anay. Duun asem taena maglugul gayed sa alan ha kaet-etawan dini ta kalibutan tumenged kandin. Matuman gayed haena.

Impadayag 19:11

Naahà ku sa langit ha napuwaan daw amin duun maputì ha kabayu ha sa taglulan duun tagngaranan hu Matinumanen daw Kasaligan. Matareng gayed sa paghukum din daw sa pagpakigsabà din.

Impadayag 2:10

Harì kaw gayed mahaldek hu malegen ha ipaantus inyu hu harì en malugay ta ipaprisu hi Satanas sa duma inyu ta daw masulayan sa pagtuu nuy, daw malegen gayed sa alantusen duun hu sampulù ha aldaw. Magmatinumanen kaw gayed kanak bisan duun hu kamatayen ta ag-ilahan ku inyu kinabuhì ha hurà din katapusan ha iyan bales inyu hu pagpakadaeg nuy.

Impadayag 22:20

Si Jesus ha iyan nakapanistigus hu alan duun taini tagyanaen, “Laus ad en aglikù.” Jesus ha Ginuu, maayad ku laus kad en lumikù.

Impadayag 4:10

su kaluwaan daw haepat ha mga magulang agpamanluhud duun hu atubangan hu Dios ha bubuhay hu hinangturan hu pagsimba kandin. Ig-ugsak dan daan sa mga kuruna duun hu atubangan taena ha trunu hu kagi dan,

Impadayag 4:4

Nakalibut duun taena ha trunu sa kaluwaan daw haepat ha trunu ha duun daan tagpinuu sa kaluwaan daw haepat ha mga magulang. Sa pinaksuy dan pulus maputì daw sa ulu dan sinuupan hu kuruna ha bulawan.