2 Timoteo 3:3 - Lalang Hu Dios

³ kenà maluluy-en, kenà gayed mapinasayluwen, tagpandaet hu dengeg, harì pakapugung hu kaugalingen dan, madalì mapauk daw agtambagan dan sa maayad,

2 Timoteo 3:3 ပူးပေါင်းရင်းမြစ်များ

Mateo 10:21

“Duun taena ha panahun itugyan hu etaw sa suled din ta daw mapatay daw itugyan daan hu amay sa batà din. Sa mga batà sumukul hu mga laas dan daw pahimatayan dan daan.

Mateo 4:1

Inuwit si Jesus hu Balaan ha Ispiritu duun hu pinakabulung-bulung ha lugar ta daw masulayan hi Satanas.

Lucas 10:16

Dayun si Jesus minikagi duun hu mga sinugù din, “Bisan sin-u sa magpaliliman inyu magpaliliman daan kanak. Saena ha harì agdawat inyu harì daan agdawat kanak, daw sa harì agdawat kanak harì daan agdawat hu Dios ha migsugù kanak.”

Lucas 16:14

Sa mga Parisiyu ha balimbayaen dan sa salapì bà dà migpatawahà su mapaliman dan haena sa inikagi hi Jesus.

Juan 6:70

Dayun tuminubag si Jesus, “Pinilì ku inyu sa sampulù daw daruwa ba sa sabuwa inyu sakup en hi Satanas.”

Roma 1:29

Iyan dà taghenhenaen dan sa alan ha mga madaet, sa pagkaagapan daw sa kahugaw. Masinahen daw agpangimatay sidan, pakigsawalà daw agpanlimbung sidan. Madaet sa henà-henà dan duun hu duma daw agpangituk sidan.

Roma 1:31

Mga buang-buang sidan daw kenà kasaligan, hurà dan gagaw daw hurà dan kahid-u.

1 Corinto 7:5

Sinyu sa mig-asawa, kinahanglan ha harì kaw magpabalibarà ku hurà nuy daan nasabutan ha panahun hu pag-ampù. Ba ku mapenga haena buhaten nuy gihapun sa pag-asawa nuy ta daw harì kaw masulayan hi Satanas tumenged ta harì kaw pakapugung hu kaugalingen nuy.

1 Corinto 7:9

Ba ku harì kaw makapugung hu kaugalingen nuy maayad pa ku mangasawa kaw ta maayad pa ha sa etaw amin din asawa dì sa mag-antus hu kabayà din hu pagpangasawa.

1 Tesalonica 4:8

Aman sa harì agdawat taini ha katudluanan kenà iyan sa etaw igsalikway din ba iyan sa Dios ha mig-ila kanuy hu Balaan ha Ispiritu.

1 Timoteo 3:11

Iling daan sa mga igbahi hu mga diyakunu kinahanglan ha angayan sidan tahuran daw harì tagpandaet hu dengeg, ba magpugung sidan hu kaugalingen dan daw agkasaligan gayed hu bisan inu.

Tito 1:8

Ba kinahanglan ha matanul gayed hu langyaw, babayaen din sa pagbuhat hu maayad, maligdeng, matareng, mahimpit daw tagpugung daan hu kaugalingen din.

Tito 2:3

Tudlui daan sa mga laas ha bahi ha kinahanglan sa pamatasan dan matareng gayed. Harì sidan mandaet hu dengeg daw kenà palainum hu binu. Sa itudlù dan iyan sa maayad

Santiago 2:6

Ba sinyu tagpaamaniyan nuy gayed sa mga makaluluuy. Kenà ba iyan man sa mga sapian taglupig inyu daw iyan daan tagsumbung inyu?

2 Pedro 2:14

Iyan dan dà taghenhenaen sa pagbuhat hu madaet duun hu bisan sin-u ha bahi ha agkaahà dan daw harì sidan pakatigel pagbuhat hu salà. Aglimbungan dan sa etaw ha maluya pa sa pagtuu din daw iyan en batasan dan sa pagkaagapan. Ba agsilutan gayed sidan hu Dios.

2 Pedro 2:19

Sinaaran dan haena ha malibri ba sidan daan nabuhat en ha ulipen hu madaet ha batasan ha iyan makadaet kandan, ta sa etaw ulipen hu bisan inu ha nakabihag kandin.

2 Pedro 3:3

Una hu alan timan-i nuy ha duun hu hudiyan ha mga aldaw makauma sa mga etaw ha iyan dà agsunuren dan sa mga madaet ha kabayà daw bà kaw dà kandan pagpatawahai.

Judas 1:16

Saini ha mga etaw sigi dà tagtamudmud daw tagbasulen dan sa mga duma dan daw tagtumanen dan daan sa mga madaet ha kabayà dan. Mga galbuwen sidan daw agdaligen dan daan sa duma dan pinaagi hu binulak-bulakan ha mga lalang ta daw matimù dan sa agkabayaan dan.

Judas 1:18

ha tagyanaen, “Duun hu hudiyan ha panahun humiwal gayed sa mga etaw ha magtameyes hu tumutuu daw iyan dan agbuhaten sa kandan dà ha agkabayaan ha agtambagan hu Dios.”

Impadayag 13:15

Su ikaduwa ha mananap inilahan daan hu kagahem hu pagpagahinawa daw pagpaikagi ku larawan taena ha nauna ha mananap ta daw mapatay din sa bisan sin-u ha harì sumimba kandin.

Impadayag 13:17

ta daw saena ha hurà din timaan ha ngaran ku nauna ha mananap daw ku numiru ba ha iyan timaan hu ngaran din harì gayed makapalit daw harì daan makabaligyà.

Impadayag 16:6

Ta iyan haini sidan mighimatay ku mga prupita daw hu mga etaw nu aman igpainum nu iman kandan sa langesa ta iyan haena angayan ha bales kandan.”

Impadayag 17:6

Naahà ku haena sa bahi ha nabeleng hu langesa taena ha mga etaw hu Dios ha pighimatayan din tumenged hu pagpanunultul dan mahitenged ki Jesus. Su maahà ku haena nabelengan ku gayed.