2 Timoteo 3:16 - Lalang Hu Dios

¹⁶ Sa lalang hu Dios insulat hu mga etaw ha ginaheman din daw mapuslanen haini pagtudlù hu kamatuuran daw pagbaldeng taena ha tagbuhat hu madaet, pagsambag taena ha agkasayep daw pag-anad hu pagkamatareng

2 Timoteo 3:16 ပူးပေါင်းရင်းမြစ်များ

Mateo 13:52

Inikagiyan din sidan, “Sa manunudlù hu Kasuguan ha tinudluan mahitenged hu tagharian hu Dios agkailing hu etaw ha madakel tungkay sa mga butang din diyà ta balay din, daw saena ha mga butang kenà alan dà karaan ba amin daan duun mga bag-u.”

Mateo 21:42

Inikagiyan sidan hi Jesus, “Hurà nuy ba kabasa sa lalang hu Dios ha tagyanaen, ‘Sa batu ha bà dà inlambeg ta abi hu mga tagbalay ha hurà din pulus iyan man diay mahinengdanen ta iyan pakapalig-en hu balay. Belenganen gayed haena ta iyan sa Dios migbuhat duun.’

Mateo 22:43

Inikagiyan sidan hi Jesus, “Ku iyan hayana imbà man makaikagi si David su ulinan hu Balaan ha Ispiritu ha Ginuu din sa Misiyas? Ta tagyanaen,

Mateo 26:54

Ba ku buhaten ku haena harì gayed matuman sa insulat ha lalang hu Dios.”

Mateo 26:56

Ba saena nahitabù ta daw matuman sa insulat hu mga prupita.” Dayun inawaan si Jesus hu mga tinun-an din ta nangakapulaguy sidan.

Marcos 12:24

Ba inikagiyan sidan hi Jesus, “Maal en sa tag-ikagiyen nuy tumenged ta hurà nuy katun-i sa insulat ha lalang hu Dios daw sa pagkagamhanan din.

Marcos 12:36

Ta si David su ulinan hu Balaan ha Ispiritu nakaikagi ha tagyanaen, ‘Inikagiyan hu Dios sa Ginuu ku, “Dini ka pinuu ta kawanan ku hangtud ha madaeg ku sa mga kuntra nu.”’

Juan 10:35

Natun-an taw ha harì gayed mahimu ha mabalhin sa insulat ha lalang hu Dios. Ku pigngaranan din sa mga gin-apuan taw ha iyan inilahan hu lalang din ha, ‘mga magbabayà,’

Juan 3:20

Bisan sin-u sa tagbuhat hu madaet agtambag hu mapawà daw tagpadiyù duun ta agkahaldek ha matun-an sa mga buhat din ha madaet.

Mga Buhat 1:16

“Mga suled, kinahanglan gayed ha matuman sa insulat ha lalang hu Dios ha inikagi hi David gaun su ulinan hu Balaan ha Ispiritu mahitenged ki Judas sa panulù hu kadakepa ki Jesus.

Mga Buhat 18:25

daw natudluan daan hu tinuuwan mahitenged hu Ginuu. Madasigen gayed hu pagpanudlù daw hustu sa pagsaysay din mahitenged ki Jesus bisan ku iyan din dà natun-an sa pagbautismu hi Juan.

Mga Buhat 20:20

Natun-an nuy ha intudlù ku gayed inyu sa alan ha makabulig inyu ku tagkaamul-amul kaw daw bisan duun hu mga balay nuy.

Mga Buhat 20:27

ta intudlù kud en inyu sa alan ha agkabayaan hu Dios.

Mga Buhat 28:25

Tumenged ta hurà mag-iling sa henà-henà dan nakagsusuwayà sidan. Ba su hurà pa sidan hipanaw uminikagi si Pablo, “Laus gayed sa inikagi hu Balaan ha Ispiritu duun hu mga gin-apuan taw ha insulat hi Isaias sa prupita ha tagyanaen,

Roma 15:4

Sa katuyuan hu alan ha insulat su anay ha lalang hu Dios iyan sa matudluan kuy ta daw pinaagi hu pagpailub hu mga alantusen daw hu pagpadasig hu lalang din amin taw iman paghinam.

Roma 2:20

Abi nuy gid ha mabaldeng nuy daan sa mga buang-buang daw matudluan nuy daan haena sa bà su mga batà. Henà-henà nuy ha sa natun-an nuy duun hu Kasuguan iyan dà gayed kamatuuran.

Roma 3:2

Ikagiyen ku iman inyu ha adagi gayed sa pulus taini ta una hu alan sa mga Judio iyan sinaligan hu lalang hu Dios.

Roma 4:23

Ba sa lalang ha, “inisip ha matareng” kenà para dà ki Abraham ta intagana daan haini hu alan ha tumuu kandin sa migbanhaw ki Jesus ha Ginuu taw

1 Corinto 12:7

Sa kada sabuwa kanuy inilahan hu katatau ta daw mabuligan taw sa mga duma taw.

Galacia 3:8

Daan en nakasulat duun hu lalang hu Dios ha bisan sa kenà mga Judio isipen gayed hu Dios ha matareng pinaagi hu pagtuu daw saini ha Maayad ha Tultulanen insangyaw en ki Abraham su anay ha tagyanaen, “Pinaagi hu pagtuu nu mapanalanginan sa alan ha kaet-etawan.”

2 Timoteo 2:25

Kinahanglan agnayù-nayuan din sa mga agsupak kandin ta kan ku sa Dios magbulig kandan ha makahinulsul daw matun-an dan sa kamatuuran

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Hebreo 11:1

Sa pagtuu iyan sa pagsiguru ha madawat taw gayed sa taghinamen taw daw iyan sa pagsalig ha duduun en haena sa mga butang bisan ku hurà taw pa kaahà.

Hebreo 3:7

Henhenaa nuy sa inikagi hu Balaan ha Ispiritu ha tagyanaen, “Ku mapaliman nuy iman sa lalang hu Dios

Hebreo 4:12

Sa lalang hu Dios gamhanan gayed. Saini magalang pa dì hu ispada ta aglagbas haini duun hu henà-henà daw gahinawa hu etaw daw tagpadayag hu agkabayaan daw hu katuyuan din.