2 Timoteo 2:7 - Lalang Hu Dios

⁷ Henhenaa gayed sa inikagi ku ta sa Dios iyan magpasabut ikaw taini.

2 Timoteo 2:7 ပူးပေါင်းရင်းမြစ်များ

Lucas 21:15

ta agtudluan ku asem inyu hu ipanubag nuy daw ag-ilahan ku inyu hu katatau ta daw harì kaw madaeg hu mga kuntra nuy.

Lucas 24:45

Dayun impasabut din kandan sa alan ha insulat ha lalang hu Dios.

Lucas 9:44

“Palilimani nuy gayed haini sa ag-ikagiyen ku iman inyu ha siak sa Batà hu Etaw laus ad en itugyan duun hu aghimatay kanak.”

Juan 14:26

Ba sa Balaan ha Ispiritu ha iyan Magbubulig ha ipadini hu Amay ku ta inyu suhì kanak iyan magtudlù inyu hu alan daw ipahenà-henà din daan inyu sa alan ha mga lalang ku.

Juan 16:13

Ba ku makauma en sa Balaan ha Ispiritu ha iyan magpadayag hu kamatuuran, itudlù din haen inyu. Sa ag-ikagiyen din kenà kandin dà ha henà-henà ba iyan dà sa napaliman din duun hu Dios, daw ag-ikagiyen din daan inyu sa maul-ulahan ku malugay.

Mga Buhat 7:10

daw binuligan hu alan ha mga kasamukan din. Inilahan din si Jose hu kaalam daw hinimu din haena ha makapabayà-bayà ki Faraon sa Harì ta Ehipto. Aman binuhat hi Faraon ha gubirnadur si Jose diyà ta Ehipto daw sinaligan daan hu alan ha mga butang din.

1 Corinto 12:8

Sa duma pinaagi hu Balaan ha Ispiritu inilahan hu pagpakatuen hu kamatuuran daw sa duma inilahan hu kaalam hu pagsaysay taena.

Filipos 4:8

Iman mga suled, ag-ikagiyen ku pa haini inyu ha kinahanglan ha henhenaen nuy sa alan ha mga maayad gayed daw sa angayan hu pagdayè iling hu alan ha mga laus daw saena ha agkatahuran, sa bisan inu ha matareng daw sa alan ha mahimpit, sa igkabayà-bayà daw sa tagdayeen hu etaw.

Colosas 1:9

Aman sugud su mapaliman day haena hurà kay gayed endà hu pag-ampù mahitenged inyu. Taghangyuen day duun hu Dios ha matun-an nuy gayed sa agkabayaan din pinaagi hu kaalam daw hu pagsabut ha napuun duun hu Balaan ha Ispiritu

1 Timoteo 4:15

Paniguruwi gayed sa buluhaten ha insalig ikaw ta daw maahà hu mga etaw sa pag-uswag nu duun.

2 Timoteo 2:6

Iling daan hu mag-uuma ha agpaniguru tagtrabahu na iyan daan una ha makapulus hu kandin ha bahin.

2 Timoteo 2:8

Harì aglipati sa kaliwat hi David ha si Cristo Jesus ha minatay ba nabanhaw dà. Iyan haena insangyaw ku ha Maayad ha Tultulanen,

Hebreo 12:3

Henhenaa nuy si Jesus sa mig-antus hu pagsupak kandin hu mga makasasalà ta daw harì kaw luyahan hu mga alantusen nuy.

Hebreo 13:7

Harì nuy aglipati haena sa mga agalen nuy ha iyan migtudlù inyu hu lalang hu Dios. Timan-i sa maayad ha kinaiya dan daw ilingi nuy sa pagtuu dan.

Hebreo 3:1

Mga suled sinyu sa hinimu daan hu Dios ha mga etaw din, henhenaa nuy gayed si Jesus sa apustul ha sinugù hu Dios daw nabuhat ha tungkay labaw ha sinaligan hu mga etaw duun hu Dios sumalà hu tinuuwan taw.

Hebreo 7:4

Henhenaa nuy ku inu gayed kabantugan haini ta bisan si Abraham sa bantugan ha gin-apuan taw mig-ila diyà ta kandin hu ikasampulù ha bahin taena ha alan ha mga butang ha naagaw din.

Santiago 1:5

Ba ku amin inyu nakulangan hu kaalam kinahanglan ha manayù duun hu Dios ta iila din haena inyu tumenged ta sa Dios kalalagan gayed daw harì kaw kandin agpagagayhaan.

Santiago 3:15

Saena ha katatau hurà duun kapuun hu Dios ba dini dà ta kalibutan ta impahenà-henà haena kandin hi Satanas.

Santiago 3:17

Ba sa etaw ha sa katatau din napuun duun hu Dios mahimpit gayed sa henà-henà din daw malinawen sa pagdapità din duun hu mga duma din, matinahuren gayed daw malumu ha aglalangen, mahid-uwen daan daw sa buhat din pulus maayad, hurà din igpalabi daw harì bà dà tagpasibù-sibù.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.