2 Timoteo 2:23 - Lalang Hu Dios

²³ Harì ka taglabet-labet duun hu mga pagsawalà ha binuang daw hurà din pulus ta natun-an nud ha saena duun pakapayanaen hu pagsabà.

2 Timoteo 2:23 ပူးပေါင်းရင်းမြစ်များ

1 Timoteo 1:4

daw paendai nu daan kandan sa mga bidù ha tultulanen daw sa harì tag-iling ha malugayad ha pamatbat hu gin-apuan dan. Sa agkapayanan-an taena iyan dà sa pagsawalà daw harì daan haena pakatudlù hu paagi hu Dios ta iyan dà sa pagtuu ki Cristo Jesus.

1 Timoteo 4:7

Harì ka maglabet-labet duun hu mga bidù ha tultulanen ta binuang haena daw kalibutanen dà. Anara sa kaugalingen nu pagbuhat hu agkabayaan hu Dios.

2 Timoteo 2:14

Saini ha inikagi ku ikaw sigi nu gayed ikagiyen duun hu mga etaw. Ikagiyi daan sidan ha harì makigsawalà mahitenged hu mga lalang ta saena hurà din pulus daw pakadaet hu tagpaliliman. Iyan gayed sa Dios tistigus ku ikagiyen nu haena.

2 Timoteo 2:16

Likayi sa lalang-lalang ha pakasupak hu Dios ta sa mapayanan-an hu mga etaw ha tagbuhat taena iyan sa umiseg sa pagkamasinupaken dan hu Dios.

Tito 3:9

Harì ka makig-amul-amul hu pagsawalà ha binuang, pamatbat hu gin-apuan daw pagsawalà mahitenged hu Kasuguan ta saena hurà din pulus ta bà dà pakadaet.

Santiago 4:1

Inu man sa agkapuunaan hu pagsasabà nuy? Kenà ba iyan man sa adagi ha kabayà nuy?