2 Timoteo 2:21 - Lalang Hu Dios

²¹ Ku amin etaw ha himpiten din sa kaugalingen din mailing hu mahinengdanen ha galamiten tumenged ta mapuslanen duun hu Ginuu ta nabuhat en ha himpit daw andam en daan hu pagbuhat hu bisan inu ha maayad.

2 Timoteo 2:21 ပူးပေါင်းရင်းမြစ်များ

Mga Buhat 9:15

Ba inikagiyan hu Ginuu si Ananias, “Dumiyà ka ta pinilì ku haena hu pagpanunultul mahitenged kanak duun hu mga etaw ha kenà Judio daw hu mga harì daw hu mga kaliwatan hi Israel.

1 Corinto 5:7

Awaa sa salà diyan ta inyu ha iling hu igpatulin ta daw hurà gayed madaet diyan ta inyu. Mailing kaw iman hu supas ha hurà duun igpatulin ta si Cristo migpakamatay para kanuy iling hu nati hu karniru ha inhalad duun hu Aldaw hu Paglabay.

2 Corinto 7:1

Pinalanggà ku ha mga suled, tumenged taini ha insaad kanuy hu Dios, limpyuwan taw sa kaugalingen taw daw bisan sa henà-henà taw ta daw mahimpit kuy gayed pinaagi hu pagtahud taw hu Dios.

2 Corinto 9:8

Sa Dios makahimu gayed hu pag-ila inyu labaw pa dì hu kinahanglanen nuy ta daw harì kaw pagkulangan daw magkalalagan kaw pa daan.

Efeso 2:10

Pinaagi hu pagpakigsabuwa taw ki Cristo Jesus binag-u kuy kandin ta daw mabuhat taw sa mga maayad sumalà hu daan en ha katuyuan hu Dios para kanuy.

1 Timoteo 6:11

Sikaw sa suluguen hu Dios, harì nu agbuhata sa iling taena. Paniguruwi gayed sa pagkamatareng daw sa pagtuman hu agkabayaan hu Dios, sa pagsalig nu kandin daw sa pagpalanggà nu hu mga duma nu. Magmainantusen ka hu bisan inu daw magmaluluy-en ka.

2 Timoteo 2:16

Likayi sa lalang-lalang ha pakasupak hu Dios ta sa mapayanan-an hu mga etaw ha tagbuhat taena iyan sa umiseg sa pagkamasinupaken dan hu Dios.

2 Timoteo 2:20

Sa balay hu sapian amin duun mga galamiten ha binuhat hu bulawan daw mga mahalen ha butang daw sa duma binuhat hu kayu daw bugtà. Sa duma ha mga galamiten mahinengdanen tungkay duun hu tag-iya ba sa duma kenà daan ayuwà.

2 Timoteo 3:17

ta daw sa etaw hu Dios mahimpit daw maandam gayed pagbuhat hu maayad.

2 Timoteo 4:11

Iyan dà iman dini ta kanak si Lucas. Aman dumaha nu dini si Marcos ta mapuslanen haena hu pagbulig kanak.

Tito 3:1

Ikagiyi dà sa mga tumutuu ha magmatinumanen gayed sidan hu mga agalen daw hu panggubirnuhan daw maandam daan sidan pagbuhat hu maayad.

Tito 3:14

Tudlui nu sa mga etaw ha maniguru sidan magbuhat hu maayad ta daw mabuligan dan haena sa taglised. Ku buhaten dan haena mapuslanen gayed sidan.

Tito 3:8

Saini ha mga lalang kasaligan gayed. Agkabayaan ku ha ipanday nu gayed haini itudlù ta daw sa mga tumutuu hu Dios maniguru pagbuhat hu maayad ta saini hurà duun sayep daw mapuslanen hu bisan sin-u.

1 Pedro 1:22

Iman nahimpit kaw en pinaagi hu pagkamatinumanen nuy hu kamatuuran ta daw laus gayed sa pagpalanggà nuy duun hu mga duma nuy. Aman ipaiseg gayed sa pagpinalanggaay nuy

1 Pedro 1:7

Sa katuyuan taini ha mga pagsulay iyan sa pagsusi ku laus ba gayed sa pagtuu nuy. Iling hu bulawan ha agkadaetan dà ba saena limpyuwan gihapun pinaagi hu hapuy. Ba sa pagtuu nuy labaw pa dì hu bulawan. Ku makaantus kaw taena ha pagsulay dayeen kaw gayed daw tahuran kaw asem ku lumikù si Cristo Jesus.

1 Juan 3:3

Sa etaw ha tagsalap hu paglikù din taghimpit gayed hu kaugalingen din iling ha mahimpit si Jesus.