2 Timoteo 2:19 - Lalang Hu Dios

¹⁹ Ba henhenaa ha sa kamatuuran harì gayed tagkahalin-halin ta saena nakasulat en duun hu lalang hu Dios ha tagyanaen, “Sa Ginuu natun-an din sa alan ha mga sakup din” daw inikagi daan, “Sa tag-ikagi ha tumutuu hu Ginuu kinahanglan ha umendà pagbuhat hu madaet.”

2 Timoteo 2:19 ပူးပေါင်းရင်းမြစ်များ

Mateo 24:24

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Mateo 28:19

Aman hipanaw kaw duun hu bisan hindu daw tultuli nuy sa mga etaw duun hu alan ha mga nasud ta daw mabuhat sidan ha sumusunud ku. Bautismuwi nuy sidan pinaagi hu ngaran hu Dios ha Amay daw hu ngaran ku siak sa Batà din daw hu ngaran hu Balaan ha Ispiritu,

Mateo 7:23

Ba bà ku dà sidan ikagiyi, ‘Harì ku inyu agkakilala aman paman-awà kaw dini ta kanak sinyu sa mga madaet sa buhat din.’

Mateo 7:25

Su mamagyu daw mamahà hurà gayed haena kapilay sa balay ta tungkay nalig-enan.

Marcos 12:16

Inuwit dan su salapì dayun ininsaan sidan hi Jesus, “Sin-u ha weleng daw ngaran sa nakaugsak duun taini ha salapì?” Tuminubag sidan, “Iyan si Cesar sa Harì ta Roma.”

Marcos 13:22

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Lucas 13:27

“Ba ikagiyan kaw kandin, ‘Harì ku gayed inyu agkakilala daw harì ku daan agkatun-an ku hindu kaw duun nangapuun. Aman awà kaw dini ta kanak sinyu sa alan ha mga madaet sa buhat dan.’

Lucas 6:48

Agkailing haena hu etaw ha migbalay ha migbangbang hu tungkay madalem dayun impas-ek din su tukud daw siela hu mga batu. Su mamahà naagiyan haena hu wahig ba hurà gayed kakayug su balay ta tungkay nalig-enan.

Juan 10:14

“Iyan a gayed maayad ha magbalantay hu mga karniru. Nakilala ku sa kanak ha mga karniru daw nakilala a daan kandan

Juan 13:18

“Sa inikagi ku kenà mahitenged hu alan inyu ta natun-an kud sa mga henà-henà taena ha mga pinilì ku. Ba amin sabuwa inyu ha maglimbung kanak ta daw matuman sa lalang hu Dios ha tagyanaen, ‘Sa etaw ha makigsalu kanak iyan daan magkuntra kanak.’

Juan 3:33

Ba bisan sin-u sa agdawat taena makatuen gayed ha kamatuuran sa lalang hu Dios.

Mga Buhat 11:26

Su maahà din haena dinuma din diyà ta Antiokia. Nangkatuig sa pagpakig-amul-amul dan hu mga tumutuu diyà daw tinudluan dan sa madakel tungkay ha mga etaw. Diyà ta Antiokia napuunaan sa kangarani hu mga tumutuu ha Cristohanen.

Mga Buhat 15:17

Aman sa alan ha kaet-etawan bisan sa kenà mga Judio ha aghimuwen ku daan ha tumutuu mabayà hu pagsunud kanak.’

Mga Buhat 9:14

Daw sa pagdini din iman iyan sa pagdakep hu mga tuminuu ikaw ta inilahan haena hu katenged hu mga labaw ha sinaligan hu paghalad.”

Roma 11:2

Hurà gayed isalikway hu Dios sa mga etaw ha pinilì din. Nalipatan nuy en ba sa mga insumbung su anay hi Elias duun hu Dios mahitenged hu mga kaliwatan hi Israel ha tagyanaen,

Roma 12:9

Kinahanglan ha sa pagpinalanggaay nuy kenà bà dà pagpasibù-sibù. Isalikway nuy sa madaet daw pangesegi sa maayad.

Roma 15:20

Iyan ku katuyuan ha makasangyaw ku haena duun hu mga lugar ha hurà pa makakilala ki Cristo ta daw harì ku mapamabawan sa intudlù hu duma.

Roma 15:9

daw sinyu sa kenà mga Judio magdayè kaw daan hu Dios tumenged hu kahid-u din inyu. Ta nakasulat en sa inikagi hi Cristo Jesus duun hu Dios, “Siak daw sa mga kenà Judio tagpasalamat ikaw daw tagkanta kay hu pagdayè ikaw.”

Roma 8:28

Natun-an taw en ha bisan inu sa agkahitabù agbuhaten hu Dios haena ha makapaayad hu tagpalanggà kandin daw napilì sumalà hu katuyuan din.

Roma 9:11

Ba bisan su hurà pa haena magbatà inikagiyan en, “Sa magulang iyan mabuhat ha suluguen hu manghud din.” Inikagi hu Dios haena su hurà pa sidan ibatà ta daw makapadayag ha sa pagpilì din hu mga etaw kenà pinaagi hu maayad daw hu madaet ha binuhat dan ta pinaagi gayed hu kandin ha katuyuan.

1 Corinto 1:2

Sinulatan day inyu sa tagkaamul-amul ha mga tumutuu diyan ta Corinto ha mga etaw hu Dios pinaagi hu pakigsabuwa nuy ki Cristo Jesus daw duma hu alan ha mga etaw bisan hindu ha tagsimba daan hu Ginuu taw.

1 Corinto 8:3

Ba sa etaw ha tagpalanggà hu Dios agkakilala gayed hu Dios.

2 Corinto 7:1

Pinalanggà ku ha mga suled, tumenged taini ha insaad kanuy hu Dios, limpyuwan taw sa kaugalingen taw daw bisan sa henà-henà taw ta daw mahimpit kuy gayed pinaagi hu pagtahud taw hu Dios.

Galacia 4:9

Ba iman ha nakilala nuy en sa Dios ha iyan migpilì inyu, imbà kaw man aglikù duun taena ha harì pakalibri inyu daw hurà din pulus ha mga tulumanen? Imbà kaw tagpaulipen dà paman taena

Efeso 2:20

Iling kaw hu balay ha tinukud duun hu batu ha iyan si Cristo Jesus, sa insangyaw hu mga apustulis daw hu mga prupita.

Efeso 4:30

Harì nuy agsakita sa Balaan ha Ispiritu ha sinugù hu Dios ta saena iyan timaan ha etaw kaw hu Dios daw libriyen kaw gayed asem kandin.

1 Timoteo 3:15

ku mayawat a hu pagdiyan matun-an nud en ku inu sa maayad ku mag-amul-amul kaw pagsimba hu Dios. Ta sikuy sa mga tumutuu pamilya hu Dios ha bubuhay daw mga tukud kuy daan ha duun sa kamatuuran.

1 Timoteo 6:19

ta pinaagi taena maamul-amul sa katigayunan dan diyà ta langit ha harì en gayed mahanaw daw maangken dan sa laus ha kinabuhì ha hurà din en gayed katapusan.

Hebreo 11:10

ta sa taghinamen dan iyan gayed sa banuwa ha tinukud hu Dios diyà ta langit.

2 Pedro 3:14

Aman pinalanggà ku ha mga suled, tumenged ta taghinamen nuy pa haena sa panahun buhaten nuy gayed sa taman ha mahimu nuy ta daw hurà gayed madaet diyan ta inyu daw hurà daan ikasaway inyu duun hu atubangan hu Dios daw malinawen daan sa pakigdapità nuy kandin.

1 Juan 2:19

Saini ha mga etaw suminuway dini ta kanuy tumenged ta kenà taw duma, ta ku mga duma taw pa ngaay sidan hurà ngaay sidan suway kanuy. Ba tumenged ta suminuway en man sidan kanuy natun-an taw ha kenà taw gayed sidan mga duma.

Impadayag 17:8

Saena ha mananap ha naahà nu su anay naawà en ba ag-isab dà asem agguwà duun ku tungkay gayed madalem ha bitu, ba duun asem taena silutan diyà ta Impirnu. Su mga etaw ha hurà makasulat sa ngaran dan duun taena ha libru hu kinabuhì su hurà pa tanghagaa sa kalibutan mangabeleng gayed ku maahà dan dà haena sa mananap ha su anay ba naawà en dà makahiwal dà duun taena ha panahun.

Impadayag 2:13

Natun-an ku ha sa banuwa nuy tagharian en hi Satanas. Bisan pa taena migmatinumanen kaw kanak. Hurà kaw gayed endà hu pagtuu bisan su panahun ha hinimatayan diyan si Antipas sa matinumanen hu pagpanunultul taena ha mga lalang ku.

Impadayag 21:14

daw saena ha kutà duun nakaluntud hu sampulù daw daruwa ha batu. Saena ha mga batu sinulatan daan hu mga ngaran ku sampulù daw daruwa ha apustulis taena ha Nati ha Karniru.

Impadayag 22:4

Maahà dan sa weleng din daw agsulatan sa mga tangad dan hu ngaran din.

Impadayag 3:8

Natun-an ku sa tagbuhaten nuy. Bisan ku atiyuay kaw dà ba tinuman nuy sa mga lalang ku daw hurà nuy iheles sa pagtuu nuy kanak. Aman pinuwaan ku sa pultahan ha ag-agiyan nuy daw harì daan haena masirahan hu bisan sin-u.