2 Timoteo 2:14 - Lalang Hu Dios

¹⁴ Saini ha inikagi ku ikaw sigi nu gayed ikagiyen duun hu mga etaw. Ikagiyi daan sidan ha harì makigsawalà mahitenged hu mga lalang ta saena hurà din pulus daw pakadaet hu tagpaliliman. Iyan gayed sa Dios tistigus ku ikagiyen nu haena.

2 Timoteo 2:14 ပူးပေါင်းရင်းမြစ်များ

Mateo 16:26

Inu man sa pulus hu etaw ku maangken din sa tibuuk ha kalibutan ba malaag sa kinabuhì din? Hurà gayed pakapalit hu kinabuhì ha hurà din katapusan.

Mga Buhat 13:10

daw ikagi, “Sikaw sa agkailing ki Satanas, agsupak ka gayed hu alan ha matareng daw mangingilad ka gayed ta agbuhaten nu ha bidù sa lalang hu Dios.

Mga Buhat 15:24

Napaliman day ha amin duminiyan ha mga Judio ha napuun dini ta Jerusalem ha migsamuk inyu pinaagi hu pagtudlù dan daw nalibeg sa henà-henà nuy, ba hurà day sidan sugua.

Roma 14:1

Dawata nuy haena sa etaw ha maluya sa pagtuu din daw harì nuy agsawaya ku sa henà-henà din kenà iling hu inyu.

Galacia 1:7

Ba harì gayed mahimu ha amin pa lain ha Maayad ha Tultulanen. Amin mga etaw ha tagpalibeg inyu ta agkabayaan dan ag-ilisi sa Maayad ha Tultulanen mahitenged ki Cristo.

Efeso 4:17

Ag-ikagiyen ku inyu ha tumenged hu pagpakigsabuwa taw hu Ginuu kinahanglan ha endaan nuy sa madaet ha pamatasan ha iyan tagbuhaten hu kenà pa tumutuu, ta sa mga henà-henà dan hurà din pulus

1 Tesalonica 4:1

Mga suled, tinudluan day en inyu hu batasan ha igkabayà-bayà hu Dios ha iyan en tagbuhaten nuy iman. Ba tumenged ta nakigsabuwa kuy en ki Jesus ha Ginuu taw hangyuen day inyu ha ipaiseg nuy pa gayed haena.

2 Tesalonica 3:6

Mga suled, pinaagi hu ngaran hi Cristo Jesus ha Ginuu taw ikagiyan day inyu ha harì kaw makigduma-duma hu bisan sin-u ha suled nuy ha pugulen ha sa pamatasan din kenà iyan su intudlù day inyu.

1 Timoteo 1:4

daw paendai nu daan kandan sa mga bidù ha tultulanen daw sa harì tag-iling ha malugayad ha pamatbat hu gin-apuan dan. Sa agkapayanan-an taena iyan dà sa pagsawalà daw harì daan haena pakatudlù hu paagi hu Dios ta iyan dà sa pagtuu ki Cristo Jesus.

1 Timoteo 1:6

Amin mga etaw ha suminuway duun taini daw bà dà sidan nakigsawalà hu hurà din pulus.

1 Timoteo 4:8

Ku mag-anad-anad ki pagbansay hu lawa ta, makapabis-ay haini kanit. Ba ayuwà gayed adagi sa pulus din ku maanad ki hu pagtuman hu agkabayaan hu Dios ta saini makapaayad hu pagtimà ta iman daw labaw pa gayed asem diyà ta langit.

1 Timoteo 5:21

Duun hu atubangan hu Dios daw hi Cristo Jesus daw hu mga pinilì ha balinsuguen din ikagiyen ku ha buhaten haini sa insugù ku ikaw ha hurà duun pagpalabi hu mga duma nu.

1 Timoteo 6:13

Duun hu atubangan hu Dios ha iyan mig-ila hu kinabuhì hu alan daw hu atubangan hi Cristo Jesus ha iyan mig-ikagi hu kamatuuran diyà ki Poncio Pilato, ikagiyen ku ikaw,

2 Timoteo 1:6

Tumenged taini ag-ikagiyen ku dà ikaw ha harì nu gayed agbaybayani sa katengdanan ha in-ila ikaw hu Dios su dampaen ku ikaw.

2 Timoteo 2:16

Likayi sa lalang-lalang ha pakasupak hu Dios ta sa mapayanan-an hu mga etaw ha tagbuhat taena iyan sa umiseg sa pagkamasinupaken dan hu Dios.

2 Timoteo 2:23

Harì ka taglabet-labet duun hu mga pagsawalà ha binuang daw hurà din pulus ta natun-an nud ha saena duun pakapayanaen hu pagsabà.

2 Timoteo 4:1

Duun hu atubangan hu Dios daw hi Cristo Jesus ha iyan maghukum hu mga minatay en daw mga bubuhay pa daw tumenged ta aglikù si Jesus hu pagharì, ikagiyen ku ikaw

Tito 3:1

Ikagiyi dà sa mga tumutuu ha magmatinumanen gayed sidan hu mga agalen daw hu panggubirnuhan daw maandam daan sidan pagbuhat hu maayad.

Hebreo 13:9

Harì kaw magpalimbung hu migkalain-lain ha katudluanan. Sa makapadasig kanuy iyan dà gayed sa grasya hu Dios kenà pinaagi hu harì pagkaen hu mga kalan-enen, ta sa pagtuman taena harì daan makapaayad kanuy.

2 Pedro 1:13

Iman ha bubuhay a pa sigi ku inyu igpahenà-henà haini sa inikagi kud su anay