2 Timoteo 2:13 - Lalang Hu Dios

¹³ Bisan ku kenà kuy matinumanen ba sa Dios harì gayed agkabalhin ta saena kenà biduen.

2 Timoteo 2:13 ပူးပေါင်းရင်းမြစ်များ

Mateo 24:35

Mahanaw pa sa langit daw sa kalibutan ba sa mga lalang ku harì gayed mahanaw.

Roma 3:3

Bisan ku sa duma kandan hurà tuu hu lalang din ba harì haena makabengkag hu insaad hu Dios su anay kandan.

Roma 9:6

Hurà haini magpasabut ha hurà katuman hu Dios sa insaad din, ba saini migpadayag ha amin mga kaliwat hi Israel ha kenà laus ha mga etaw hu Dios.

1 Corinto 1:9

Kasaligan gayed sa Dios ha iyan mighimu inyu ha tumutuu ta daw amin nuy pagdapità hu Batà din ha si Cristo Jesus ha Ginuu taw.

1 Tesalonica 5:24

Sa Dios ha iyan mighimu inyu ha tumutuu buhaten din haena ta kasaligan gayed.

2 Tesalonica 3:3

Ba sa Ginuu agkasaligan gayed ha iyan makapabis-ay daw magbantay inyu ta daw harì kaw madaeg hi Satanas.

Tito 1:2

daw mahinam dan daan sa kinabuhì ha hurà din katapusan ha insaad kanuy hu Dios su hurà pa tanghagaa sa kalibutan. Sa Dios ha Manluluwas taw harì gayed tagbidù, aman duun hu natugun ha panahun impadayag din haena pinaagi hu pagpanunultul ku hu lalang ha insalig din kanak.

Hebreo 6:18

Sa Dios harì tagbidù ta sa insaad din daw sa impanumpà din agkasaligan gayed. Aman sikuy sa uminabut diyà ta kandin nadasig hu pagsalap taena ha insaad din kanuy.