2 Timoteo 1:6 - Lalang Hu Dios

⁶ Tumenged taini ag-ikagiyen ku dà ikaw ha harì nu gayed agbaybayani sa katengdanan ha in-ila ikaw hu Dios su dampaen ku ikaw.

2 Timoteo 1:6 ပူးပေါင်းရင်းမြစ်များ

Lucas 19:13

Su hurà pa haena hipanaw inamul-amul din sa sampulù ha sinaligan din daw ilahi hu tigsampulù ha salapì. Inikagiyan din sidan, ‘Ipatigayun nuy haini taman ha makaulì a.’

Mga Buhat 19:6

Dinampà hi Pablo sa ulu dan dayun inulinan sidan hu Balaan ha Ispiritu. Nakaikagi sidan hu harì dan agkasabut ha mga inikagiyan daw insaysay dan daan sa igpaikagi hu Dios.

Mga Buhat 6:6

Impaatubang su nangapilì duun hu mga apustulis daw pinagaheman sidan pinaagi hu pagdampà hu ulu dan taena ha mga apustulis dayun inampuan dan sidan.

1 Tesalonica 5:19

Harì nuy agsupaka sa Balaan ha Ispiritu

1 Timoteo 4:14

Harì nu agbaybayani sa katengdanan ha in-ila ikaw hu Dios su dampaen ka hu mga agalen hu mga tumutuu ha tag-ikagi iyan ka pinilì hu Dios ha suluguen din.

1 Timoteo 4:6

Ku itudlù nu haini duun hu mga tumutuu matinumanen ka gayed ha suluguen hi Cristo Jesus daw sa pagtuu nu maglig-en pinaagi hu pagtuen gayed hu kamatuuran daw pinaagi hu hustu ha katudluanan ha tagsunuren nu.

2 Timoteo 2:14

Saini ha inikagi ku ikaw sigi nu gayed ikagiyen duun hu mga etaw. Ikagiyi daan sidan ha harì makigsawalà mahitenged hu mga lalang ta saena hurà din pulus daw pakadaet hu tagpaliliman. Iyan gayed sa Dios tistigus ku ikagiyen nu haena.

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Hebreo 6:2

daw kenà iyan dà daan sa mga katudluanan mahitenged hu bautismu daw sa pagpaulin hu Balaan ha Ispiritu, sa pagkabanhaw hu mga minatay daw sa silut ha hurà din katapusan.

2 Pedro 1:12

Aman agsublien ku dà sa pag-ikagi inyu bisan ku natun-an nuy en haini daw malig-en kaw en gayed duun hu kamatuuran.

2 Pedro 3:1

Pinalanggà ku ha mga suled, iyan haini ikaduwa ha sulat ku diyan ta inyu. Iyan tuyù ku duun hu mga sulat ku ha madasig kaw hu paghenà-henà hu maayad.

Judas 1:5

Natun-an nuy en haini ba agsublien ku dà ha sa mga etaw hu Dios bisan ku linibri din sidan su anay diyà ta Ehipto ba su malugay en sa kada sabuwa kandan ha hurà tuu kandin hinimatayan dà hu Dios.