2 Timoteo 1:2 - Lalang Hu Dios

² Sinulatan ku ikaw, Timoteo sa pinalanggà ku ha batà duun hu pagtuu. Sa Dios ha Amay daw si Cristo Jesus ha Ginuu taw mahid-u daw mag-ila ikaw hu grasya daw kalinaw.

2 Timoteo 1:2 ပူးပေါင်းရင်းမြစ်များ

Mga Buhat 16:1

Nakauma say Pablo diyà ta Derbe daw ta Listra. Amin diyà tuminuu ki Jesus ha tagngaranan ki Timoteo ha sa inay din tumutuu ha Judio ba sa amay din Griego.

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Roma 12:19

Palangga ku ha mga suled, harì nuy agbalesi sa tagpasipala inyu ba iyan nuy en ipagbayà taena sa Dios ta sa insulat ha lalang din tagyanaen, “Siak sa Dios ha Magbabayà hu alan, iyan a magbales daw maghukum.”

1 Corinto 4:17

Iyan haini hinengdan ha igpadiyan ku ta inyu si Timoteo sa matinumanen daw pinalanggà ku ha batà duun hu pagtuu hu Ginuu. Matudluan kaw kandin hu kanak ha pamatasan duun hu pagtuu ki Cristo ha iyan tigtudlù ku daan duun hu duma ha tagkaamul-amul ha mga tumutuu ha agkaelegan ku.

Filipos 4:1

Iman mga suled, pangesegi gayed sa pagtuu nuy hu Ginuu sinyu sa pinalanggà daw agkabulungan ku tumenged ta iyan kaw iman igkabayà-bayà ku daw iyan kaw daan bales hu buluhaten ku.

1 Timoteo 1:2

Sinulatan ku ikaw, Timoteo sa batà ku duun hu pagtuu. Sa Dios ha Amay taw daw si Cristo Jesus ha Ginuu mahid-u daw mag-ila ikaw hu grasya daw kalinaw.

2 Timoteo 2:1

Sikaw sa batà ku duun hu pagtuu, paniguru ka pinaagi hu grasya ha in-ila ikaw hi Cristo Jesus.

Tito 1:4

Sinulatan ku ikaw, Tito sa batà ku duun hu pagtuu. Sa Dios ha Amay taw daw si Cristo Jesus ha Manluluwas taw mag-ila ikaw hu grasya daw kalinaw.

Tito 2:13

Buhaten taw haena iman ha tag-angat kuy pa hu pagdini hu gamhanan ha Dios ha si Cristo Jesus sa Manluluwas taw

3 Juan 1:4

Iyan ku gayed adagi ha kalipay ku mapaliman ku ha duun tagsunud hu kamatuuran.