2 Tesalonica 3:2 - Lalang Hu Dios

² Daw i-ampu kay daan inyu ha malibri kay duun hu mga madaet ha etaw ta madakel sa harì agtuu.

2 Tesalonica 3:2 ပူးပေါင်းရင်းမြစ်များ

Mateo 17:17

Minikagi si Jesus, “Sinyu ha mga etaw sa harì agtuu daw suminuway duun hu pagkamatareng, nalugay en sa pagduma-dumahà taw. Inu pa diay kalugay sa pag-angat ku ha tumuu kaw kanak? Uwita dini hayana sa batà.”

Mateo 23:23

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Ig-ulì nuy duun hu Dios sa ikasampulù hu bisan mga atiyuay ha pamulahen nuy ba iyan nuy agbay-anan sa labaw duun hu Kasuguan ha iling hu pagkamatareng daw hu pagkamahid-uwen hu duma nuy daw hu pagkamatinud-anen. Kinahanglan ha iila nuy sa mga ikasampulù ba buhaten nuy gayed daan sa duma ha kasuguan.

Lucas 18:8

Ikagiyen ku inyu ha sagunà din dà gayed sidan buligan. Ba asem ku lumikù a dini ta kalibutan siak sa Batà hu Etaw amin pa ba gid sumalig kanak?”

Mga Buhat 13:45

Ba su maahà haena hu mga Judio nasina sidan aman sinupak dan sa inikagi hi Pablo daw pigtameyes dan daan.

Mga Buhat 13:50

Ba sa mga tinahud daw masinimbahen ha mga bahi daw sa mga tinahud ha mga maama duun taena ha banuwa pighulhugan hu mga Judio diyà ha pasipalahan dan si Pablo daw si Bernabe, aman binugaw dan say Pablo diyà.

Mga Buhat 14:2

Ba sa mga Judio ha hurà tuu pighulhugan dan sa kenà mga Judio ha paukan dan sa mga tumutuu.

Mga Buhat 17:5

Ba nasina sa mga Judio aman inamul dan sa mga buguy ta daw makagbuligà sidan hu paggubut ta banuwa. Sinulung dan sa balay hi Jason ta agpan-ahaen dan si Pablo daw si Silas ta daw ipaatubang dan duun hu kaet-etawan.

Mga Buhat 25:27

Ta bà su kenà makatarenganen kanak ku ipauwit haini sa prisu duun hu Harì ta Roma ha hurà makasulat ha salà din.”

Mga Buhat 28:24

Sa duma nakabig taena ha inikagi din ba sa duma hurà tuu.

Roma 10:16

Ba atiyuay dà sa duminawat taena ha Maayad ha Tultulanen ta si Isaias tagyanaen, “Dios ha Magbabayà hu alan, atiyuay dà gayed sa tuminuu hu intultul day.”

Roma 15:31

Ampui nuy ha harì a pasipalahan hu kenà mga tumutuu diyà ta prubinsya ta Judea daw mabayà-bayà gayed sa mga tumutuu diyà ta Jerusalem hu pagdawat taini ha ighat-un ku,

1 Corinto 15:32

Inu man sa pulus hu pag-antus ku taena ha pagpasipala kanak hu mga etaw dini ta Efeso ku sa mga minatay en harì man diay agkabanhaw? Ku harì agkabanhaw sa minatay buhaten taw sa tag-ikagiyen hu mga etaw ha tagyanaen, “Magkaenà daw mag-inumà kuy ta asem na matay kuy en.”

1 Tesalonica 2:18

ta agkabayà kay aglikù diyan, bisan siak kapila kud en sulaya sa pagdiyan, ba si Satanas iyan nakaelang kanay.

2 Timoteo 4:17

Bisan pa ku inawaan a kandan ba sa Dios iyan migbulig daw mig-ila kanak hu bis-ay hu pagsangyaw hu Maayad ha Tultulanen ta daw makapaliman sa kenà mga Judio. Duun taena aghimatayan ad gayed ngaay kandan ba binuligan a gihapun hu Dios.