2 Tesalonica 2:15 - Lalang Hu Dios

¹⁵ Aman mga suled, paniguru kaw gayed duun hu pagtuu daw pangesegi nuy sa kamatuuran ha intudlù day inyu pinaagi hu pag-ikagi daw bisan duun hu mga sulat day diyan ta inyu.

2 Tesalonica 2:15 ပူးပေါင်းရင်းမြစ်များ

Roma 16:17

Mga suled, aghangyuen ku inyu ha mag-andam kaw taena ha pakapabahin-bahin inyu daw tagsamuk-samuk hu pagtuu nuy ta agsupaken dan sa kamatuuran ha intudlù inyu. Magpadiyù kaw ta kandan

1 Corinto 11:2

Nadayè ku gayed inyu ta harì a inyu agkalipatan daw agpangesegan nuy sa intudlù ku inyu.

1 Corinto 15:58

Aman pinalanggà ku ha mga suled, harì kaw gayed magduwa-duwa ba lig-eni sa pagtuu nuy. Sigi nuy paniguruwi sa buluhaten hu Ginuu ta natun-an nuy en ha amin gayed bunga duun.

1 Corinto 16:13

Mag-andam kaw gayed daw lig-eni sa pagtuu nuy. Harì kaw agkahaldek ba ipaahà nuy ha mabis-ay kaw gayed duun hu pagtuu.

Filipos 4:1

Iman mga suled, pangesegi gayed sa pagtuu nuy hu Ginuu sinyu sa pinalanggà daw agkabulungan ku tumenged ta iyan kaw iman igkabayà-bayà ku daw iyan kaw daan bales hu buluhaten ku.

2 Tesalonica 2:2

ha harì kaw sagunà dà agluyahi daw agkasamuk ku mapaliman nuy ha nakauma en sa Aldaw hu Paghukum hu Dios bisan ku impadayag kun haena kandin hu Balaan ha Ispiritu bisan ku pinaagi ba hu kanay ha tultul daw ku sulat day ba.

2 Tesalonica 3:14

Ku amin diyan ta inyu harì magtuman hu inikagi day duun taini ha sulat harì kaw makigduma-duma kandin ta daw magayhaan.

2 Tesalonica 3:6

Mga suled, pinaagi hu ngaran hi Cristo Jesus ha Ginuu taw ikagiyan day inyu ha harì kaw makigduma-duma hu bisan sin-u ha suled nuy ha pugulen ha sa pamatasan din kenà iyan su intudlù day inyu.

Tito 1:9

Kinahanglan pangesegan din sa kamatuuran ha intudlù en ha kasaligan ta daw madasig din sa duma ha mga etaw pinaagi hu laus ha tinuuwan, daw saena ha agsupak hu kamatuuran agsaysayan din ta daw matun-an dan ha nasayep sidan.

Judas 1:3

Pinalanggà ku ha mga suled, agsulatan ku inyu mahitenged ngaay hu pagluwas kanuy hu Dios ba nahenhenaan ku ha iyan gayed isulat ku diyan ta inyu sa paghangyù ha sukulan nuy sa mga etaw ha ag-ilisan dan sa kamatuuran ha intudlù en duun hu alan ha mga etaw hu Dios, ta harì en gayed haena maisaban.