2 Tesalonica 2:1 - Lalang Hu Dios

¹ Iman mahitenged hu paglikù ki Cristo Jesus ha Ginuu taw daw hu pagkaamul-amul hu pagtalagbù kandin aghangyuen day inyu, mga suled,

2 Tesalonica 2:1 ပူးပေါင်းရင်းမြစ်များ

Mateo 16:27

Siak sa Batà hu Etaw aglikù a dà dini ku malugay duma hu mga balinsuguen hu Dios daw magpangaluanlag a iling hu Dios ha Amay ku. Duun asem taena balesan din sa kada sabuwa sumalà hu mga binuhat dan.

Mateo 16:28

Laus gayed sa ag-ikagiyen ku inyu ha amin inyu tagtiyadeg dini iman ha harì pa matay na maahà ad en inyu ha Harì.”

Mateo 24:31

Mapaliman sa lageng hu trumpita daw suguen ku sa mga balinsuguen hu Dios ha amulen dan sa mga pinilì ku ha dini agkangapuun ta tibuuk ha kalibutan.

Mateo 25:32

Umatubang kanak sa alan ha kaet-etawan daw bahinen ku sidan iling hu magbalantay hu karniru ha igtapid din sa kambing duun hu karniru,

Marcos 13:27

Suguen ku sa mga balinsuguen hu Dios ha amulen dan sa mga pinilì ku ha dini agkangapuun ta tibuuk ha kalibutan.

Roma 12:1

Mga suled, tumenged hu kahid-u kanuy hu Dios aghangyuen ku inyu ha itugyan nuy kandin sa kaugalingen nuy isip ha bubuhay ha halad ha hurà duun ikasaway ta iyan haini agkabayà-bayaan din daw iyan haini laus ha pagsimba kandin.

Efeso 1:10

Saena ha nahenà-henà din ha agtumanen duun hu natugun ha panahun iyan si Cristo sa ipagharì duun hu alan diyà ta langit daw dini daan ta kalibutan.

1 Tesalonica 2:19

Sa hinengdan ha agkabayà kay pakig-ahà inyu tumenged ta iyan kaw gayed taghinamen daw igkabayà-bayà day daw bales ta makapagalbu day sa pagtuu nuy ku lumikù asem si Jesus ha Ginuu taw.

1 Tesalonica 3:13

daw ipalig-en din daan sa pagtuu nuy ta daw mahimpit kaw daw hurà ikasaway inyu duun hu atubangan hu Dios ha Amay ku lumikù asem si Jesus ha Ginuu taw duma hu alan ha mga etaw din.

1 Tesalonica 4:1

Mga suled, tinudluan day en inyu hu batasan ha igkabayà-bayà hu Dios ha iyan en tagbuhaten nuy iman. Ba tumenged ta nakigsabuwa kuy en ki Jesus ha Ginuu taw hangyuen day inyu ha ipaiseg nuy pa gayed haena.

2 Tesalonica 1:3

Mga suled, kinahanglan gayed ha sigi kuy magpasalamat duun hu Dios mahitenged inyu tumenged ta tag-iseg pa gayed sa pagtuu daw sa pagpinalanggaay nuy.

2 Timoteo 4:1

Duun hu atubangan hu Dios daw hi Cristo Jesus ha iyan maghukum hu mga minatay en daw mga bubuhay pa daw tumenged ta aglikù si Jesus hu pagharì, ikagiyen ku ikaw