2 Pedro 2:2 - Lalang Hu Dios

² Madakel sa sumunud hu mga pinakagalugayhà ha buhat dan daw pinaagi taena tameyesen hu mga etaw sa kamatuuran.

2 Pedro 2:2 ပူးပေါင်းရင်းမြစ်များ

Mateo 22:16

Aman sinugù dan diyà ki Jesus sa mga sakup dan daw sa mga sakup hi Herodes. Dayun saena sidan uminikagi diyà ki Jesus, “Manunudlù, natun-an day ha matareng ka gayed daw iyan nu dà tigtudlù sa kamatuuran mahitenged hu Dios. Harì ka agkauwit hu mga henà-henà hu mga etaw ta hurà nu kandan igpalabi.

Mateo 24:24

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Mateo 7:14

Malig-et sa pultahan daw malegen sa dalan payanaen hu kinabuhì ha hurà din katapusan aman atiyuay dà sa pakatulen duun.

Marcos 12:14

Su makauma su mga sinugù inikagiyan dan si Jesus, “Manunudlù, natun-an day ha matareng ka gayed. Harì ka agkauwit hu mga henà-henà hu mga etaw ta hurà nu kandan igpalabi daw iyan nu dà tigtudlù sa kamatuuran mahitenged hu Dios. Aman ikagiyi kay ikaw ku igtugut ba hu Kasuguan taw ha magbayad kuy hu buhis diyà ki Cesar.”

Marcos 13:22

Ta makauma sa mga biduen ha mag-ikagi, ‘Iyan ad en su Misiyas’ daw ‘Iyan ad prupita’ daw magpaahà daan sidan hu mga timaan daw belenganen ta daw bisan sa mga pinilì hu Dios ku mahimu malimbungan dan pa gayed.

Juan 14:6

Tuminubag si Jesus, “Iyan a dalan daw kamatuuran daw iyan a kinabuhì. Hurà makaduun hu Amay ku ku kenà pinaagi kanak.

Mga Buhat 13:10

daw ikagi, “Sikaw sa agkailing ki Satanas, agsupak ka gayed hu alan ha matareng daw mangingilad ka gayed ta agbuhaten nu ha bidù sa lalang hu Dios.

Mga Buhat 14:2

Ba sa mga Judio ha hurà tuu pighulhugan dan sa kenà mga Judio ha paukan dan sa mga tumutuu.

Mga Buhat 16:17

Saena miglupug-lupug kanay daw migkulahiay ha tagyanaen, “Saini ha mga etaw suluguen hu Dios ha Magbabayà hu alan daw tagpanunultul sidan hu paagi ha maluwas kaw.”

Mga Buhat 18:26

Su magtudlù haena duun hu simbahan hu mga Judio hurà din gayed kahaldek. Ba su mapaliman haena hi Priscila daw hi Aquila dinuma dan haena diyà ta balay dan daw tudlui hu hurà din pa katun-i ha insulat ha lalang hu Dios mahitenged ki Jesus ta daw mahustu gayed sa pagtudlù din.

Mga Buhat 19:9

Ba sa duma ha mga etaw hurà gayed tuu ta madesen sa henà-henà dan daw bà dan dà pigtameyes duun hu atubangan hu mga etaw sa tinuuwan mahitenged ki Jesus. Aman uminawà si Pablo diyà ta kandan. Dinuma din sa mga tumutuu dayun aldaw-aldaw miglalang-lalang sidan duun hu iskwilahan ha binalay hi Tirano.

Mga Buhat 22:4

Pinasipalahan ku taman ha matay sa mga suminunud hu tinuuwan mahitenged ki Jesus ta pinandakep ku sa mga maama daw sa mga bahi dayun pangprisuha.

Mga Buhat 24:14

Ba ag-ikagiyen ku ikaw ha sa Dios ha iyan sinimba hu mga gin-apuan day tagsimbahen ku daan ta suminunud a hu tinuuwan mahitenged ki Jesus, ba kagi dan ha saena bidù dà. Ba tinuuwan ku gayed sa Kasuguan daw sa insulat hu mga prupita

Roma 2:24

ta sa lalang hu Dios tagyanaen, “Tumenged inyu pigtameyes hu kenà mga Judio sa Dios.”

1 Timoteo 5:14

Aman sa salambagan ku iyan haini, maayad gayed ku sa mga batan-en pa ha balu magpaasawa dà daw alimahan sa pamilya dan ta daw harì sidan masaway taena ha agsupak kanuy,

Tito 2:5

Tudluan daan hu mga magulang sa mga batan-en ha magpugung hu kaugalingen dan daw magmahimpit, alimahan daan sa pamilya dan, magmaluluy-en daw matinumanen duun hu igmaama dan ta daw harì masaway hu bisan sin-u sa lalang hu Dios.

Tito 2:8

daw gamita nu sa mga lalang ha harì masaway ta daw saena ha mga agsupak ikaw bà dà kagayhai ta hurà dan gayed ikasaway kanit.

1 Pedro 2:12

Kinahanglan ha sa pamatasan nuy maayad gayed ta daw bisan ku butang-butangan kaw hu kenà mga tumutuu ba maahà dan sa maayad ha buhat nuy dayun madayè dan sa Dios asem ku aldaw hu pagbulus din duun hu kaet-etawan.

2 Pedro 2:12

Ba saini ha mga etawa tagtameyesen dan sa bisan inu ha harì dan agkasabut. Agkailing sidan hu mga mananap ha hurà dan kagayhà ba sa agkapangkusan taena iyan sa dakepen daw iyawen sidan. Iling daan sa agkapangkusan taini ha mga etawa ta hukuman sidan hu silut hu hurà din katapusan.

2 Pedro 2:15

Suminuway sidan duun hu kamatuuran daw nangalaag sidan ta inilingan dan sa batasan hi Balaam sa batà hi Beor ha babayaen hu suhul bisan ku madaet sa igpabuhat kandin.

2 Pedro 2:18

ta tagpagalbuwà sidan daw pinaagi hu mga kalaw-ayan agpanulayen dan sa bag-u pa suminuway duun hu mga duma dan ha tagbuhat hu madaet.

2 Pedro 2:21

Maayad pa ngaay ku hurà dan en bul-ug katun-i sa pagkamatareng dì sa natun-an dan haena ba insalikway dan dà sa kasuguan ha napaliman dan.

2 Pedro 2:7

Ba linibri hu Dios si Lot sa matareng ha etaw daw naguul gayed hu mga mahugaw ha binuhat hu mga masinupaken.

Judas 1:10

Ba saini ha nakaamul iman inyu, bisan inu ha harì dan agkasabut agtameyesen dan, daw agkailing daan sidan hu mananap ha bisan inu sa agkabayaan hu lawa dan sagunà dan en agbuhaten. Ba iyan dà daan haena pakadaet kandan.

Judas 1:15

ta daw mahukuman sa kaet-etawan. Silutan din haena sa kenà matinahuren hu Dios tumenged hu mga madaet ha buhat dan ha agtambagan gayed hu Dios daw tumenged hu pagtameyes dan kandin.”

Judas 1:4

Sa hinengdan ha sinulatan ku inyu ta amin en nakaamul diyan ta inyu ha iglimud dan sa Dios. Tag-ikagi sidan ha mabaluy taw en buhata sa sumalà en ha malaw-ay tumenged ta sa Dios maluluy-en gayed aman pasayluwen kuy daan kandin, ba saini ha mga etaw insalikway dan gayed si Cristo Jesus ha iyan dà Ginuu. Sa igsilut kandan insulat en duun hu lalang hu Dios.

Judas 1:7

Iling daan sa mga etaw diyà ta Sodoma daw Gomora daw duun hu ubayà taena ha banuwa nakasalà daan ta sa binuhat dan malaw-ay daw migpaasawahà sa alan dà maama. Nabuhat sidan ha sampitan hu mga agsilutan pinaagi hu hapuy ha harì en gayed agkapedengan.

Impadayag 12:9

Su dragun iyan su Yawà ha bunsalagan su anay daw tagngaranan ki Satanas ha iyan daan miglimbung hu alan ha kaet-etawan dini ta kalibutan. Aman saena daw sa mga ginsakupan din hinulug dini ta kalibutan.

Impadayag 13:14

Tumenged ku mga timaan ha impaahà din duun hu atubangan ku nauna ha mananap nalimbungan din sa mga tagtimà dini ta kalibutan. Sinugù din sa mga etaw ha magbuhat hu larawan ku nauna ha mananap ta daw masimba dan haena sa naadulan hu ispada ba hurà patay.

Impadayag 13:8

Simbahen haena hu alan ha mga etaw ha hurà makasulat sa mga ngaran dan duun taena ha libru hu kinabuhì ha kandin ku hinimatayan ha Nati ha Karniru. Saena ha libru daan en nasulatan hu mga ngaran su hurà pa tanghagaa sa kalibutan.