2 Pedro 1:20 - Lalang Hu Dios

²⁰ Kinahanglan ha masabut nuy ha hurà gayed etaw ha makasaysay hu lalang hu Dios ha insulat hu mga prupita pinaagi hu kandin dà ha kaugalingen,

2 Pedro 1:20 ပူးပေါင်းရင်းမြစ်များ

Roma 12:6

Tumenged ta inilahan hu Dios hu hurà mag-iling ha katatau sa kada sabuwa kanuy kinahanglan ha gamiten taw haena. Ku amin taw katatau hu pagsaysay hu igpaikagi hu Dios kinahanglan ha buhaten taw haena sumalà hu impadayag kanuy hu Dios.

Roma 13:11

Kinahanglan ha buhaten nuy haini ta natun-an nuy ha mababà en iman sa panahun. Harì kaw bà dà tagtidugahà ba magpangandam kaw gayed ta sa katumanan hu kaluwasan taw ubay en iman dì su anay kuy makatuu.

Roma 6:6

Natun-an taw en ha sa daan ha kinaiya taw nakalansang en daan duun hu krus duma ki Cristo ta daw maawà sa sigi taw dà pagpakasalà daw harì kuy en maulipen taena,

1 Timoteo 1:9

Daw natun-an taw daan ha saini kenà para hu mga matareng ha etaw ta intagana haini hu tagbuhat hu madaet daw masinupaken, sa kenà matinahuren hu Dios daw sa mga makasasalà, sa harì agtuu daw sa tagtameyes pa gayed hu Dios, saena ha agpangimatay hu mga laas din daw hu bisan sin-u,

2 Timoteo 3:16

Sa lalang hu Dios insulat hu mga etaw ha ginaheman din daw mapuslanen haini pagtudlù hu kamatuuran daw pagbaldeng taena ha tagbuhat hu madaet, pagsambag taena ha agkasayep daw pag-anad hu pagkamatareng

Santiago 1:3

ta natun-an nuy ha pinaagi hu pagsulay hu pagtuu nuy magmainantusen kaw.

2 Pedro 3:3

Una hu alan timan-i nuy ha duun hu hudiyan ha mga aldaw makauma sa mga etaw ha iyan dà agsunuren dan sa mga madaet ha kabayà daw bà kaw dà kandan pagpatawahai.