2 Pedro 1:2 - Lalang Hu Dios

² Sa Dios mag-ila gayed inyu hu grasya daw kalinaw pinaagi hu pagpakatuen nuy mahitenged kandin daw ki Cristo Jesus ha Ginuu taw.

2 Pedro 1:2 ပူးပေါင်းရင်းမြစ်များ

Lucas 10:22

Minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha pilien ku ha makakilala kandin.”

Juan 17:3

Iyan haini paagi ha madawat dan sa kinabuhì ha hurà din katapusan, sa pagkilala dan ikaw sa laus daw sabubuwa dà ha Dios daw sa pagkilala dan daan kanak ha iyan a si Cristo Jesus sa sinugù nu.

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

2 Corinto 4:6

Su tanghagaen hu Dios sa alan minikagi haena, “Humiwal sa kapawà duun hu kasukileman.” Iyan haena nakailaw hu henà-henà taw ta daw matun-an taw sa pagkagamhanan din ha impadayag din pinaagi ki Cristo.

Filipos 3:8

Laus gayed ha sa alan iman inisip kud ha hurà din en pulus ta nailisan en haena hu labaw pa kamahal ha iyan sa pagpakatuen ku mahitenged ki Cristo Jesus ha Ginuu ku. Tumenged kandin inendaan ku sa alan daw inisip ku haena ha bà dà mga putput ta daw maangken ku si Cristo

1 Pedro 1:2

Daan kaw en pinilì hu Dios ha Amay taw ta daw mabuhat kaw ha mga etaw din pinaagi hu Balaan ha Ispiritu daw magmatinumanen kaw ki Cristo Jesus daw mahimpit kaw daan pinaagi hu langesa din. Sa Dios mag-ila gayed inyu hu grasya daw kalinaw.

2 Pedro 1:3

Pinaagi hu gahem hu Dios nadawat taw sa alan ha kinahanglanen taw ta daw sa pamatasan taw iyan sa agkabayaan din. Nabaluy haena ta nakilala taw en sa Dios ha iyan mighimu kanuy ha tumutuu ta daw makaambit kuy hu pagkamatareng daw hu pagkagamhanan din.

2 Pedro 1:5

Aman siguruwi nuy ha duun hu pagtuu nuy makaisab sa maayad daw sa pagkamasinabuten,

2 Pedro 1:8

Ta ku mag-uswag sa kabuhata nuy taena pakabuhat haini inyu ha mapuslanen kaw gayed duun hu pagpakatuen nuy mahitenged ki Cristo Jesus ha Ginuu taw.

2 Pedro 2:20

Sa mga etaw ha nakaendà en hu madaet duun taini ha kalibutan tumenged hu pagpakatuen dan mahitenged ki Cristo Jesus ha Ginuu daw Manluluwas taw, ku lumikù dà sidan duun hu madaet ha buhat daw madaeg dà sidan taena ayuwà pa malegen sa maula-ula dan dì su anay.

2 Pedro 3:18

Kinahanglan ha tumubù gayed sa pagtuu nuy pinaagi hu grasya daw hu pagpakatuen nuy mahitenged ki Cristo Jesus ha Ginuu daw Manluluwas taw. Dayeen si Cristo Jesus iman hangtud hu hurà din katapusan.

Judas 1:2

Sa Dios mahid-u daw magpalanggà gayed inyu daw mag-ila daan inyu hu kalinaw.

Impadayag 1:4

Iyan a si Juan sa migsulat taini. Sinulatan ku inyu sa pitu ha iglisia hu tagkaamul-amul ha mga tumutuu diyan ta prubinsya ta Asia. Sa Dios daw sa Balaan ha Ispiritu daw si Cristo Jesus mag-ila inyu hu grasya daw kalinaw. Sa Dios duduun en su hurà pa tanghagaa sa bisan inu daw duduun pa iman hangtud hu hurà din katapusan. Daw duun hu atubangan taena ha trunu hu Dios sa Balaan ha Ispiritu tagpadayag hu pagkagamhanan din duun hu pitu ha paagi. Si Cristo Jesus agkasaligan gayed sa mga lalang din daw iyan nauna ha nabanhaw ha hurà en isab patay daw tagharian din daan sa mga harì dini ta kalibutan. Pinalanggà kuy kandin daw pinaagi hu langesa din pinamalas din sa mga salà taw