2 Corinto 9:14 - Lalang Hu Dios

¹⁴ Pinaagi taini palanggaen kaw kandan daw mag-ampù sidan inyu tumenged hu adagi ha grasya ha in-ila inyu hu Dios.

2 Corinto 9:14 ပူးပေါင်းရင်းမြစ်များ

Lucas 16:9

Ikagiyen ku inyu ha gamita sa mga butang nuy hu pagbulig taena ha taglised ta daw asem ku malugay ha harì en magamit sa mga butang nuy amin gihapun bales inyu diyà ta langit.

Roma 1:11

ta agkabayà a hu pagpakig-ahà inyu ta daw pinaagi hu Balaan ha Ispiritu mabigelan ku sa pagtuu nuy.

2 Corinto 1:11

Ba kinahanglan ha buligan kay inyu pinaagi hu mga pag-ampù nuy. Ta ku madakel inyu sa mag-ampù ha malibri kay buligan kay gayed hu Dios daw madakel daan sa magpasalamat diyà ta kandin tumenged hu panalangin din kanay.

2 Corinto 8:1

Mga suled, agkabayaan day ha matun-an nuy sa mahitenged hu grasya hu Dios duun hu mga tumutuu diyà ta Macedonia.

2 Corinto 9:13

Ku natun-an hu mga etaw ha kalalagan kaw dayeen dan gayed sa Dios ta maahà dan ha matinumanen kaw tumenged ta tinuuwan nuy sa Maayad ha Tultulanen mahitenged ki Cristo daw kalalagan kaw diyà ta kandan daw duun hu duma ha mga etaw.

2 Corinto 9:15

Pasalamatan taw gayed sa Dios tumenged hu pag-ila din kanuy hu Batà din ha tungkay gayed palanggà.

Filipos 1:8

Natun-an hu Dios ha agkabulung a gayed ta sa pagpalanggà ku inyu agkailing daan hu pagpalanggà inyu hi Cristo Jesus.

Filipos 2:26

Agkabulung en inyu daw nabugus daan tumenged ta napaliman nuy ha nadaluwan.

Filipos 4:1

Iman mga suled, pangesegi gayed sa pagtuu nuy hu Ginuu sinyu sa pinalanggà daw agkabulungan ku tumenged ta iyan kaw iman igkabayà-bayà ku daw iyan kaw daan bales hu buluhaten ku.

1 Timoteo 1:14

Sa grasya ha in-ila kanak hu Ginuu taw adagi gayed tungkay aman nakatuu a daw iman agkahimu kud sa pagpalanggà tumenged kandin.